¨¦« رحلــة هـمـبـكـة إلى ربوع سـويسـرا و فـرنسا - صيف 2007 »¦¨

[Hambka Q8]

الاثنين الموافق : 27-8-2007
____________________​

قعدنا من النوم الساعه 11
الساعه 11.30 فاجئتنا خالتي و بناتها في القدوم الى زيورخ من جنيف
استانسنا وياهم




رحنا معاهم ايضا السوق Bahnhof Platz

و بعدها رحنا لشارع قريب فيه ماركات مثل : ديور و برادا
اسم المحطه : Borsen



قريبه من البحيره محطة (بلفيو)

يعني اذا كنتو عند محطه (بلفيو) اخذو ترام رقم 11 الاخضر و يوديكم محطه Borsen



تمشينا شويه اهناك و رحنا تغدينا في المطعم الايطالي مولينو
MOLLINO





صارت الساعه 7.15
و قطار خالتي الساعه 8.30





اخذنا الترام و رجعنا للمحطه ودعناهم



صوره للمحطه : Bahnhof
__________________

و رجعنا الفندق سنعنا شنطنا استعدادا للرجوع للكويت مرورا بترانزيت (نوم ليله) في دبي







عالساعه 11 خرجنا احنا و رفيجة الماما و كم عايله من قروبنا
و
توجهنا لمطعم لبناني اسمه "مطعم الأرز اللبناني"



مطعم حلو و لذيذ
اللي يبي يروح زيورخ

يروحله
الصراحه مادري شسم المحطه نسيت

بس بالترام رقم 3 الاخضر




و الترام يوقف عنده تقريبا يعني يبين اذا وقف الترام سواء على يمينك او يسارك

و انصحكم لحد يروحله يوم الجمعه او السبت او الاحد



ملاحظه : لان في رقاصه قبيحه المنظر (لوول):




صوره بعض من الأكل :

بعد ما اكلنا و شبعنا الحمدلله رجعنا الفندق و نمنا


















,, | استعداد للسفر غدا الظهر | ,, ​

 

[Hambka Q8]

الثلاثاء الموافق : 28-8-2007
____________________​

قعدنا من النوم الساعه 10 بدلنا و بعضنا تريق..

الساعه 11.15 نزلنا الشنط و ركبوهم الباص
الساعه 12 وصلنا المطار
(من فندقنا (كراون بلازا لي المطار ربع ساعه او اقل بشوي)





ولما وصلنا المطار ولا شنطتين اللي اهما شنط خواتي مو موجودين =\

جان يتصل راعي الباص على الفندق و يقولون له انه اكو شنطتين تبع القروب موجودين باللوبي (لوول)
عاد راحوا خواتي و خذوا تاكسي و ردوا الفندق و اشوا الحمدلله لقوهم و جونا المطار عالساعه 12.30

فقمنا سوينا الاجراءات
و
اخذنا البوردنج



وبعدين رحنا خذينا التاكس فري مال سويسرا..

و تمشينا بالسوق الحرة
و تغدينا بيتزا






عالساعه 3 الا ربع رحنا للبوابة (طيارتنا تطير 3.20)

بوابتنا كان رقمها E
فكان لازم نروحلها عن طريق ترام المطار

نزلنا تحت و ركبنا الترام


(الصراحه انا انبهرت بهالشي (ايونس مطارهم)
و اللي سمعته انه مطارهم يعتبر من اكبر المطارات في اوروبا)




طرنا الساعه 4 تقريبا




(استانسنا بالطياررة فيه و لا 500 فلم و فلم ورا فلم قعدنا انشوف

"طيران الامارات صج 100%" ( 5 STARS )





وصلنا دبي الساعه 9.30 توقيت زيورخ

يعني 11.30 توقيت دبي








بعدها رحنا للفندق (فندق هاي لاند - 3 نجوم)

وصلناه الساعه 1
اخذنا الغرف عالساعه 2



الفندق مأساة درجة أولي

كله اهنووووووووووود و روائح لول








و الطامه الكبرى








فيه بار و ديسكو باللوبي و بالدور الاول.


"الله لا يوريكم الاشكال اللي تدش


رحنا فوق الغرف..

كل من حط راسه و نام
لول
إلا انا قعدت افرفر بالتلفزيون
بس التلفزيون يلوع الجبد ما فيه محطات عربيه إلااا قنوات دبي و ابوظبي الرياضيه
و الباجي قنوات هنديه


جان اصكه و انام





و بجذي خلص اليوم
و بقى يوم واحد او بالاحرى 24 ساعه و نرد الكويت..


و عفوا هالجزء مافيه صور (لان مافي شي اصوره) ​

 

[Hambka Q8]

الاربعا الموافق : 29-8-2007
____________________​

قعدنا الصبح الساعه 10





صور من الطريج..

طلعنا من الفندق الساعه 11
و
رحنا مجمع (امارات مول) تسوقنا فيه



والله المجمع حلو و نايس



الساعه 3 و ربع
طلعنا و رحنا الفندق ارتحنا لغاية الساعه 5


بعدها نزلنا و اخذنا اغراضنا

و رحنا المطار عالساعه 6

طيارتنا الساعه 8.30


تسوقنا بمطار دبي و تعشينا ابـ ماكدونالدز



و عاالساعه 9 الا ثلث طارت الطيارة و الساعه 10 و ثلث توقيت الامارات وصلنا الكويت




و الحمدلله على سلامتي​

و تم بحمدالله التقرير..

 

[<> إيلاف الكويت <>]

تسلم ايدج همبوكه ع التقرير

ومشكووره للمره الثانيه

 

[Hambka Q8]

تسلم ايدج همبوكه ع التقرير

ومشكووره للمره الثانيه

:balo:

الله يسلمج..
العفو

اشكرج على ردج و متابعتج للموضوع

 

[moon@q8yat]

مشاء الله عليج همبوكه تسلم ايدج تقريرج يستاهل جاءزه

 

[gatwacute]

مشكورة حبيبتى عجيب تقريرج

 

[جورية كويتية]

بصراحه تقريرج روعه
ومقصلته بطريقه حلوه
الحمدلله على السلامه
وعليكم بالعافيه
وعندي جم سؤال لان احنا ناويين الصيف الياي انروح
بس بعدين بسألج بيني وبينج لوول ^_^

 

[Hambka Q8]

بصراحه تقريرج روعه
ومقصلته بطريقه حلوه
الحمدلله على السلامه
وعليكم بالعافيه
وعندي جم سؤال لان احنا ناويين الصيف الياي انروح
بس بعدين بسألج بيني وبينج لوول ^_^

:68_asmilies-com:
الله يسلمج و يعافيج
عاد ان شاء الله تكون اجاباتي وافيه و كافيه :dddds:
و
ان شاء الله تروحون و تردون بالسلامه و تستانسين :ggdw:​

 

[Hambka Q8]

مشكورة حبيبتى عجيب تقريرج

العفو كيوت :ggdw:
انتي العجيبه.. :tek:

مشاء الله عليج همبوكه تسلم ايدج تقريرج يستاهل جاءزه

الله يسلمج اختي.. :tek:
من ذوقج والله
و حضورج و ردج الحلو يستاهل جائزة بعد :klhfl:

 

[شندوخه]

همبوكه خوش تقرير ماشاء الله
همبوكه رحتوا قروب عدل ؟ وتبع اي سفريات

 

[remoo_007]

واااااو طريقتج روعه بل الكتابه حسستيني ان معاج خاصه ان انا احب السفر مع البنات وجمعتهم والضحك والتطمش ههههه
تسلم ايدج بس شوي ضاق خلقي على كراون بلازا بزيورخ لهل الدرجه مايسوى لان انا عرفت ان نفس الفندق الي حاجزينا الجروب الي راح اروح معاهم

 

[القلب خضر]

هلوووووووووووووووو

تقريرج روووووووعه اختي .. خاصه ناوين نروح سويسرا هالسنه ان كتب ربي < قولو ان شاءالله يااااااااارب

صراحه السيد دايما مقاااااالب بالفنادق هذا اللي اسمعه عنهم ..

بس عندي اسأله ياليت تفيديني اختي

ليش مارحتو لقرية هايدي من زيورخ ؟ ليش القايد مانظم رحله لها ؟؟

صراحه لاحظت اغلب طلعاتكم بدون القروب ؟؟ القايد ماكان مسوي برامج واماكن ؟؟؟

ليش مازرتو المناطق القريبه من جنيف مع القروب مثل شامونيه وديفون ولوزان ومونترو وايفيان و و ؟؟

احس الخلل من القايد على انج تمديحنه .. امبيييييييه ادري طولت عليج لوول سوري ويعطيج العافيه على هالتقرير الحلو

 

[ورّاده]

يحلوها من رحله جنيفيه سويسريه تييييييييييييينن .. يارب ازورها يارب ياربo(^-^)o
صور رهيبه صراحه .. عسى ربي يهنيكم ويسعدكم جميع


يسلمو اختي Hambka
o(^-^)o محبتي

 

[بسايل الرشيدي]

روعـــــــــــــــــــــــه

 

[ملح بدويه]

تقريرج روعه

 

[صدر العتيم]

الله روعة الاجواء مشكورة

 

[ا ح ب ك]

يسلمووو حياتو

 

[بخـــارى]

رفع

 

[om_7sin]

رووووعة التقرير