رد : ¨°
(التجمع الثاني لطالبات " كلية التربية " جآمعة الكويت) °
ياهلا وغلاا
انا مستجده بس انشالله ناويه اتخصص انجلش ابتدائي
قوليلي عن تجربتج بالتخصص
شنو اصعب ماده وشنو اسهل ماده ؟
وشلون كان مستواج قبل الجامعه هل كنتي بلبل ؟ ولا نورمال ؟
:nbptr:
اهلين وسهليين وتشرفييييييينا ان شاء الله
شوفي حبيبتي ..
بالاول تأكدي إنج مستوفيه الشروط ألا وهي 1- ناجحه بالقدرات بما لا يقل عن 70% 2- تخلصين مقرر مقدمة في الأدب عقبها تتخصصيين بسهالات
بالنسبة للتخصص : الحمدلله ياربي الحمدلله حددددددددددده عجيب وسسسهل خاصة اذا كنتي شطوره وتفهمين كلام الدكاتره عدل حتى لو كانت محادثتج شوي بسيطه مو قويه المهم انج تفهمين الكلام والشرح
موادنا ولله الحمد وايد سهله وخفيفه مو مثل ما تحطين ببالج صعبه ولغة ومادري شنو بالعكس حده حلو
دكاترتنا اغلبهمم زينين ويهبلون وبصراحه انا درجاتي بالتخصص دايم تكون اعلى من درجاتي في مواد التربيه والتدريس
وبالنسبة لمستواي قبل الجامعه : دراسيا كنت شاطره أما بالنسبه للغه والمحادثه كنت نورمال
والحين وايد غير صرت افهم وتوسع تفكيري وحدود معرفتي في اللغه
الشي الوحيد الوحيد الوحيييييييد اللي اكرهه بهالتخصص
( مواد الدراما ) وااااااااااااااي يغثووووووووووون اكرههمم حييل لان كلش موو موودي ماحب هالسوالف وكله خرابيط ما افهم ولاااااااااااا شي لان هالنوع نهائيا ما يجذبني واللي يقهرني ان الدكاتره تبع هالمواد يدخلون علينا ويناقشونا كأننا كلنا فاهمين ونحب هالتايب .. بس دايم أعدي فيهم المهم اخلصهم وافتك
اتمنى اني أكون أفدتج كثر ما أقدر .. وأي أسئله ثانيه انا حاضره بخصوص المواد وافضل الدكاتره لهم لأن ولله الحمد اغلب موادي كانوا عند أفضل الدكاتره
إي صحيح ومعلومه حلوه حطيها فبالج .. نادرا ما تلقين شعب مغلقه لبنات التربيه تخصص انجليزي الا اللهم اخرررررر ايام من التسجيل تتصكر الشعب يعني الحمدلله ترتاحين وانتي تسجلين .. بس تنقهرين من مواد التربيه العامه لانها تكون مشتركه والكل يبي يسجل
الله يوفقج
