إختي مشكورة واايد على الموضوع والصراحة انا طحت من السما وإنتي مسكتيني ..
عندي جم سؤال لج ..
بالنسبة للسايق شلون حصلتوا عليه ؟ وجم كانت يوميته .. لأنه بصراحه أنا بروح وما ودي أركب مع أي أحد من التكاسي ..
وسؤال ثاني أنا ودي اروح الهند وأبي نصيحتج أنا راعية سوق ومو راعية تمشي وطبيعة أي منطقة تنصحيني أروحلها ؟ وجم يوم ؟ وأي فندق أقعد فيه ( بس أبي فندق نظيف ) والسعر غير مهم لليلة
هلا وغلا أشجان77
حياج الله و نورتي موضوعي
بالنسبة للسايق احنا مالنا دخل فيه لأن الشركات الهندية اللي أبوي يتعامل معاها هي اللي ترتب لنا هالموضوع من ناحية استقبالنا بالمطار والسايق و السيارة والمرافق بعض الأحيان والبنزين والكيلوات والتلفون النقال (عليج التعئبة).. كضيافة..
لأنج إذا بتأجرين من المكاتب بروحج يمكن تنصدمين بالواقع اذا كانت السيارة مش من المستوى المطلوب من ناحية الموديل والراحة.. ويحسبون عليج السيارة بالكيلوات..يعني السيارة تمشي حددها 80 كيلو باليوم.. وأي كيلو زيادة ينحسب عليج.. واذا اقل من كيلو يحسبون بالساعة !! وانتي تتحملين البنزين..وساعات حتى المكيف يكون له سعره!!
طبعا يحسبون الكيلوات اللي قلت لج عنها داخل نطاق المنطقة ما تتعدين حدودها مع مقاطعة ثانية..أو راح يحاسبونج على إنها سفرة ..وهذه لها سعر ! طبعاً لازم يستغلون السيّاح عدل
وغير عن ان بعض السواق يكونون متعاملين مع بعض المحلات بالعمولة..يعني يقترح عليج اماكن يمكن إني ما تبينها و يقولج انتي بس روحي و مو ضروري تشترين. يضيع عليج وقت على الفاضي..واهوا الكسبان من المحل او الشركة لأن كل ما ياب لهم زباين كل ما عطوه عمولة
طقي لج فرة بالانترنت..وسوي سيرج على مكاتب تأجير سيارات..دزيلهم ايميلات واستفسري منهم عن كل اللي تبينه و ان شاء الله تلقين اللي بيسرج .
بالنسبة للأسواق والفنادق حددي لي أي منطقة ودج تروحين واذا عندي علم فيها بفيدج
وتابعيني :tek:
