¨°o.O ( سـفـرتي بالصـوت والصـورة لبـلاد العجـائـب ... الهنـــــــد ... ) O.o°¨

[سياسية]

تابع...

وعقبها حركنا و رحنا لفندق تاج كنا نبي نتعشى فيه .. بس ما عجبتنا المطاعم اللي فيه..

طبعاً مثل ما ذكرت لكم من قبل..الديارف شي أساسي عندهم !!

عجبني تنسيق الورد هني

وهني لوبي الفندق والكوفي شوب اللي فيه..ستايله مثل خيمة او بيت شعر...بس مو واضح عدل

وتالي طلعنا و الوقت حوالي 11 بالليل.. شنسوي ووين نتعشى؟؟ قلنا ماكو الا ماكدونلدز حبيب الشعب

طبعا نزلت اطلب العشاء.. و اتفاجئ..إن المطعم مافيه ولا وجبة لحم !!!!

كله سمج و دياي..حتى الفيجي برجر ماكو !

يوم سألت فقالوا ان الهنود يقدسون البقر.. ويعبدونهم استغفر الله.. عشان جذي ما يذبحونها لأنها بمثابة الآله عندهم !! وعشان جذي الوجبات اغلبها دياي و سمج !!

ردينا الفندق و تعشينا الحمدلله و قعدنا نسولف و شربنا شاي لين دخنا و نمنا..


وبجذي نكون انتهينا من اليوم الثامن على خير..

ترقبوا اليوم التاسع

وتصبحون على خير حبايبي..​

 

[كتكوته551]

ونااسه هذي جنها كوشه وفخمه بعد


لا يوقف لا يوقف لا يوقف

 

[نووووونا]

الله عليكم بالف مليون عافيه


حبيت راعى المسجله واستانست حيييييل على سوالف الجاى والقهوه


تونس السوالف الشعبيه ,,,,


والفندق ما شاءالله شكله متحف شى راقى !! بجم ليلته تقريبا سياسيه فضوووول !

 

[سياسية]

ونااسه هذي جنها كوشه وفخمه بعد


لا يوقف لا يوقف لا يوقف

اي إنتي ما شفتي الديارف اللي انا حاطتها من قبل بنفس الموضوع؟؟

الظاهر عندهم شي أساسي بتجهيز البيت الديارف.. أو من تجهيزات المعاريس..ما ادري صراحة شنو قصة الديارف معاهم ! :eh_s(1):

حياج كتكوتة نورتي..

 

[سياسية]

الله عليكم بالف مليون عافيه


حبيت راعى المسجله واستانست حيييييل على سوالف الجاى والقهوه


تونس السوالف الشعبيه ,,,,


والفندق ما شاءالله شكله متحف شى راقى !! بجم ليلته تقريبا سياسيه فضوووول !

الله يعافيج نجد..

تحسين سوالفهم بدائية

الفندق عجيب أموت عليه.. و ليلته تقريباً بحدود 195-200 دينار ..

تابعيني

 

[سياسية]

اليوم التاسع

قعدنا الصبح من النوم غسلنا و بدلنا وصلينا..ونزلنا نتريق

هذه مقتطفات وانا طالعة من الغرفة و رايحة المطعم...

هذا المرر وانا طالعة من الغرفة..

يالله شوي شوي ننزل الدري..

مطعم داخلي.. و بعض غرف الفندق تطل عليه.. بس مو هو مطعمنا للريوق

سنتربيس بالنص..

رجعنا على اليادة عشان نروح المطعم ..

عجبتني هالفازة ..من الخشب كلها..

وصلنا المطعم.. وهذه كانت صور بوفيه الريوق

يتبع..​

 

[سياسية]

تابع..

سكشن الأومليت

وهذا صحني..

والحمدلله على النعمة.. تريقنا و طلعنا نتمشى الفندق على ما يخلصون الجماعة..

بعض صور الحديقة الخارجية للفندق..

يتبع..​

 

[سياسية]

تكملة اليوم التاسع..

ركبنا سيارتنا..وتوكلنا على الله نتمشى في دلهي.. وراح أوريكم بعض سوارع دلهي اليديدة و القديمة..

وتوجهنا ل المتحف التذكاري الخاص بأنديرا غاندي..

وهو كان بيتها الخاص و حولوه الى متحف من عقب ما اغتالوها الحرس الشخصيين لها..

وهني كان دخولنا.. طبعاً بما إنه صادف يوم الأحد فكان عالم اللي رايحين يتطمشون و خصوصاً إن الدخول مجاناً..

ساريها اللي لبسته في يوم انتخابها.. لاحظوا الجنطة بسيطة و الجوتي عزكم الله حده سمبل..

يتبع..​

 

[سياسية]

تابع،،

هذه كانت مقتنياتها الشخصية..

بعض كتبها من أيام الدراسة..

جنطة سفرها

دزتها وهي عروس.. عبارة عن مواعيين ..

هذا ساريها يوم زواجها..

وهذا واحد ثاني لمناسبة اليوم الوطني في الهند لبسته..

صور لقائاتها مع بعض قادة الدول..

ومع أبونا كلنا.. أمير القلوب ..تبارك الرحمن ويهه منور وهو يضحك..عسى الله يرحمه و يغفر له..

هذا بيتها من داخل..

يتبع..​

 

[سياسية]

وهذا ولدها..نسيت إسمه صراحة.. بس كان نائب في برلمانهم وأيضا قبل دخوله للمجلس.. كان طيار حربي..

لبسه الرسمي يوم كان نائب..

مقتنياته الشخصية ..

وهذه بدلته أيام الطيران..

نطلع شوي للحديقة عشان نشم هواء فرررش..

وندخل من ناحية ثانية للبيت.. وهذه طاولة الطعام..

سجادة محيوكة على وجه انديرا ..

ونرجع للحديقة..

يتبع..​

 

[سياسية]

تابع..

صور لحديقة بيتها..

وهذا كلام مقتبس عنها وعن طريقة وفاتها كأنها كانت تتنبأ إنه راح تموت مقتولة !!

وهذا المكان اللي قتلوها فيه حراسها الشخصيين بعد ما تآمروا عليها..وهو يمر بحديقتها.. وهي توها داخلة لبيتها قتلوها..

نطلع من بيت انديرا غاندي و نتوجه للتمشي في دلهي اليديدة و نشوف معالمها الرئيسية و مؤسساتها...

منظر لمبنى رئيسي في الدولة.. و أمامه تمثال غاندي ..

وهذا برلمانهم على مستوى الدولة.. مو على مستوى المقاطعة..

مباني وزارية..

قصر الحكم و تسكنه رئيسة الدولة .. بس ما يحضرني إسمها..

وهذا منظر عام من قصر الحكم الى بوابة الهند اللي تكملنا عنها في جزء سابق.. وشوفوا المنظر شلون..

هذا الشارع بعد ما نزلنا فيه..

يتبع..​

 

[سياسية]

تابع..

وهذه هي البوابة اللي شفتوها باليوم اللي قبله بس هني بالنهار..

ونروح الحين لدلهي القديمة..

طبعاً بما إنه يوم الأحد.. فكل الهنود اتوقع طالعين من بيوتهم !! ومرينا على سوق شعبي قديم..بس مرور الكرام أخليكم مع الصور شوفوا الحالة الكسيفة..

شوفوا شلون يبيعون الكتب بالشوارع..

يتبع..​

 

[سياسية]

تابع

طبعاً بهالسوق ينباع كل شي.. من جواتي عزكم الله إلى ملابس إلى كتب..كل شي يطري على بالكم..

وهذه قلعة قديمة ..إذا صار خطاب رسمي لرئيس وزراهم يوقف فيها على المنبر و يخاطب الملايين من متابعينه سواء بالساحات أو على الشاشات..

معبد قديم مرينا عليه..

أتابع معاكم التقرير باجر.. تعبت الحين ​

 

[يابختي]

خووووش تقرير سياسية....واايد حلو...ترى اتابعج مو تقطعين...

وصور متحف غاندي حلوة..الله يرحم بابا جابر..


وخوووش بوفيه مال الريوق...ابي اسااااافر...

 

[كوب قهوة]

بصراحة تقرير مميز ،، كافي انه عرف الناس بالهند ،، ولان الغالبية ماخذين فكرة مو واضحة عن هذا البلد ،، الا ان التقرير كفى ووفى واحنا كلنا شوق نكمل معاج الموضوع

 

[b6a6a]

الموضوع عجيب كملي احنا متابعين
واللي عندها صور عن سفرتها لدبي بليييييز ختحطها =)

 

[dalal]

وااااي خلصت تقريرج مره وحده من اول صفحه ماحسيت بعمري وله انا واصله ...

ابداااااع يا سياسيه مشالله عليييج ... والله شوقتيني وايد على الهند مع انها مو ابالي ...

تسلم ايييييدج على التقرييييييييييير وناطرين الباجي ...

اهئ اهئ ابي ديرفه وحده بس! (عجبوني وايد) ...

 

[سياسية]

خووووش تقرير سياسية....واايد حلو...ترى اتابعج مو تقطعين...

وصور متحف غاندي حلوة..الله يرحم بابا جابر..


وخوووش بوفيه مال الريوق...ابي اسااااافر...

بعد قلبي شكراً

سافري الحين قبل الزحمة الصيف..ولا تنسين هالسنة رمضان بيدخل علينا مبجر :ggdw:

خليج متابعتني ..

 

[سياسية]

بصراحة تقرير مميز ،، كافي انه عرف الناس بالهند ،، ولان الغالبية ماخذين فكرة مو واضحة عن هذا البلد ،، الا ان التقرير كفى ووفى واحنا كلنا شوق نكمل معاج الموضوع

أشكرج ياقلبي..

خليج متابعتني

 

[سياسية]

الموضوع عجيب كملي احنا متابعين
واللي عندها صور عن سفرتها لدبي بليييييز ختحطها =)

ان شاء الله راح أكمل

تابعيني