¨°o.O ( سـفـرتي بالصـوت والصـورة لبـلاد العجـائـب ... الهنـــــــد ... ) O.o°¨

[{عسوله مطير]

شفي جمااعه منصدمين موضوع سفره يلان

بس انا وحده م اهل رايحه جزيره تقول كآآنها ملكه جزيره لحالها وأكل يجيهم بالقارب والله شي شي

باسيلان تعشين ملكه على فكره لانه رخيصه حييييييييييييييييييييييييييييييييييل

 

[Q8stylle]

مشكوووووووورة حبيبتي
على التقرير
الروووووووووووووووعة

 

[منيرة خالد]

ما شاء الله عليج سياسيه ما خليتي شي وطماعين بعد كملييييييييييي متابعه معاج ( وحمد لله على السلامه ) نبي نعرف كل تفاصيل الرحله

ويعطيج العافيه

 

[غيدآء]

يعطيج العافيه خوش تقرير

 

[عذب القوافي$]

خوش تقرير

مشكورة

والحمد لله عالسلامة

وماعليج شر ان شاء الله

بس يختى اكل الهند كلش موصحي كله دهن وألوان

 

[أسيرة_أحزاني]

نااااااايس كملييييييييي

 

[سياسية]

بنات اعذروني عن التكلمة هالأيام لأني بره الكويت

بس ارجع الديرة اوعدكم أكمله ..وانتهي منه وتشوفون اللي يسركم ​

 

[::فوشيه::]

خووش رحله عليججج بأألف عاافيه~~

 

[عسولة الكويت]

ماشاءالله خووش رحله
حمدلله عالسلامه
وعليج بالف عافية حبيبتي

 

[ريوف2]

تردين بالسلامة ان شالله سياسية

ناطرينج

 

[*وردة نرجيسية*]

روعة تقريرج

 

[سياسية]

بنات آسفة من قلب إني طولت عليكم وايد.. بس مشاغل الحياة والدنيا تلهي الناس..

و فوق هذا موضوعي كان ضايع..كل ما ضغطت عليه من الرابط اللي حاطته بتوقيعي.. يطلع لي خطأ ولازم أكلم مدير الموقع :rgewrg:

المهم عطوني دقايق وان شاء الله أكمله لكم ​

 

[سياسية]

تابع لليوم الحادي عشر

خلصنا من سوق مترو واك.. و هذه كانت لقطات واحنا طالعين منه..

لفت انتباهي صوت اغاني عالي.. ولا مسوين برنامج اذاعي ويبون مواهب من الشارع يطلبون منهم شغلات يسوونها.. والمساكين الهنود يصدقون كل شي..

المذيع تحدى بنت إنها ترقص على أغنية.. و صدقته و رقصت ..الأمور ايزي عندهم ههههههههههههههه ..شوفوها شادة حيلها مسيكينة..

http://www.youtube.com/watch?v=RfTbmqe17nc

بطريج الرجعة للفندق..شفت هالبرج هذا..

وتالي مسكني عوار بطني ماني قادرة اتحمل..وبالزور يالله تحملت للفندق..

وعلى ما وصلت غرفتنا .. ولا أنا منهد حيلي.. الظاهر إنه حايشني تسمم من أكل ليلة أمس.. وعينكم ما تشوف الا النور.. ما فارقت الحمام عزكم الله من وصلت وانا جبد و بطن : (

وأتصلت على الروم سيرفس طلبت لي بطاط مسلوق و عيش ابيض و روب.. قرادة حظي يقولي الموظف المطبخ ما يفتح الا الساعة سبع ونص بالليل !! طيب شالعمل؟ انا وحدة مريضة باكل و بنام.. قالي راح اخلي طلبج أول طلب يطلع اذا فتح المطبخ.. و جني كسرت خاطره يوم قلت له مريضة..

ما وعيت الا نص ساعة وينطق الباب.. ولا يايبيين لي هالصينية الحلوة.. :rerrerek:

بادية الروب مشوقتني.. كليت لي لقمتين و تالي دخلت فراشي و أهلي طلعوا يتمشون بالأسواق اللي حوالين الفندق.. على ما ارتاح.. تدرون ما يقدرون يروحون مكان بعيد من دوني <--- القايد خخخخخخخخ

المهم يوم قعدتني الماما بالليل ولا اهما يواعة.. ويبون ياكلون بمطعم.. قلت اوكي اوديكم.. شنو مشتهين اليوم ؟؟ قالوا ودنا أكل عربي!! أكل عربي و بالهند؟ من وين أطلع لكم ؟؟ :eh_s(10):

سألت الكونسيرج دلوني على مطعم في فندق نسيت إسمه .. بس المطعم إسمه المشربية وعلى قولتهم فيه شو دانس .. حجزنا و توكلنا على الله..

طبعا وصلنا المطعم و يوم شافوا حجابات.. قاموا السوريين و اللبنانيين يهلون فينا و يرحبون.. جنه اللي داشين عليهم شيخات ! هههههههه وهذه صور القعدة الخارجية..

طبعاً يومها انا من اللي حاشني في بطني..كنت شبه مهلوسة.. و عقلي مو معاي..فضحكت ضحك على الشو اللي موجود وعلى العالم اللي موجودين.. طبعاً رياييل خليجيين بدون تحديد دولة..يشربون و يترنحون و يرقصون على أنغام الأغاني الهابطة اللي يغنيها المطرب الموجود قبل ما تيي الرقاصة!!
هذا المطرب اللي رايح فيها..لا أداء ولا صوت ولا شي يذكر..فصلت من الضحك عليه... وعند نفسه إن اهوا شي شي !! اعذروني المكان ظلمة و التصوير كان مو شي..

وهذه نمونة من اغانيه اللي غناها.. ادري ماراح تشوفون شي بس لأنه ظلمة وماكو فلاش بالفيديو..

http://www.youtube.com/watch?v=APugkLcbm9k

و زودها و ومصخها عاد يوم غنى الأماكن..عفس كيان الأغنية كله ههههههههههههههه

http://www.youtube.com/watch?v=nmW2H6bKllc

ويوم طلعت الرقاصة حسيت روحي بكباريه درجة مليون في مصر على المستوى الهابط ! طبعاً الرقاصة لا جسم لا رقص سنع ولا أدنى مقومات الرشاقة فيها.. و عشان ما ألوع جبودكم ماني حاطة أي صورة لها مو كفو و ما تستاهل ههههههههه

صورت الأكل و دفعت الحساب..

ما طلبنا وايد..لأني انا اوريدي ماكلة بالفندق عيش و روب و بطاط مسلوق...والباجي ما يبون شي دسم يبون خفايف يطقطقون فيها.. بس الظاهر المطعم ما عجبهم إن احنا قاعدين بهالعدد و ناكل شوي؟؟ جنهم متحسفين و يبونا ندفع اكثر..

و نصبوا عليّ عبالهم إني من طقة زباينهم فاقدة وما استوعب.. عطيتهم فلوس الأكل..ردوها لي بدون باجي مع ان المفروض يرجعون لي أكثر من 500 روبية..نطرت ربع ساعة محد ياب لي الباجي !! ناديت الجرسون و قلت له وين الباجي؟ راح و رجع لي مدير المطعم لبناني ما ادري سوري..يقولي إنتي دافعة بس 2500.. وانا متأكدة من نفسي اني دافعة 3000..لأن بوكي مافيه غير انواط بو ألف من وين بيطلع لي نوط بو خمسمية و أدفعه ؟ وانا وياه نجرة.. ما ردهم لي.. حقدت عليه قلت انا السالفة مو بقيمة الفلوس والفلوس تروح و ترد..بس انا مسألة مبدأ ليش تجذبوني؟ ومناقشات عقيمة..آخر شي قلت له تدري اعتبرها اني انا متصدقة فيها عليكم.. حسيت مدير المطعم حقد عليّ يوم وعيونه طلعت بره @@ يوم قلت جذي.. بس قلت ما احط هالحرة بقلبي..وخذيت شغلي و طلعت..

وكان هذا اليوم حافل جداً..

يتبع​

 

[سياسية]

اليوم الثاني عشر..

بعد ما قعدنا الصبح و تريقنا بالأوتيل... طلعنا نتمشى في سوق إسمه خان ماركت.. شكله مو حلو بس محلاته كشخة و مشهور بأن أكثر المترددين عليه هم من الدبلوماسيين و الطبقات الراقية بالمجتمع الهندي مع إن شكله ما يوحي كلش ! أترككم مع الصور..

باب محل عجبني..

وتالي طلعنا منه..رحنا سوق ثاني بس نسيت إسمه ! مع إنه ممنوع التصوير لأنه بمنطقة عسكرية بس صورت عشانكم هالجم صورة.. بوتيكات على شكل أكواخ و داخلها المحلات..

يتبع..​

 

[سياسية]

تابع...

ورجعنا الفندق نصلي و نريح لنا شوي و عقبها رحنا تعشينا بمطعم هندي في فندق شيراتون..بس أكله مو صج خييااااال...ألذ برياني ذقته بحياتي كلها !!

المقبلات كانت..

عصيري

شبزي

شوربة عدس

وهذا البرياني..

يتبع..​

 

[سياسية]

تابع

وطبعاً كان شيف المطعم مسلم..و يوم بلغوه إن في متحجبات بره.. طلع لنا و كلمنا عربي عن أطباقه..وطلع مشتغل بالسعدوية 3 سنين..و بعدها فتح له هالمطعم في الهند من أكثر من 22 سنة.. ما شاء الله عليه خلوق و محترم.. و قدم لنا ضيافة على حسابه..مع إنه ناوين ناكل بدون حلو من كثر ما أكله و طبخه لذيذ أكلنا لين شبعنا.. وما نبي نحلي..

بس أصر هالشيف يقدم لنا الحلويات ضيافة منه..

وبطلعتنا من المطعم.. ولا هالماعون بويهي.. استغربت من اللي فيه؟ بالعادة الهنود يحطون سكر نبات و هيل و حلاو صغير..هالشي الملفوف ما عرفته..

يوم سألت قالوا لي .. بان !!!! مال الهنود اللي يصبغ الحلج أحمر و يخليهم متخدرين.. قلت بل لا يحوشك..وانحشنا ههههههههههههههه

وهذا كان برنامجنا لليوم الثاني عشر..

ترقبوا اليوم الثالث عشر ​

 

[بحر هادي]

ناايس التقرير..
ننتظر الباقي
بس ترا اسمها السعوديه مو السعدويه لوول

 

[سياسية]

ناايس التقرير..
ننتظر الباقي
بس ترا اسمها السعوديه مو السعدويه لوول

ههههههههههههههه :dddds:

حياج الله بحر هادي..

والله ما انتبهت اني كتبت بدلية..لأني ما اقرى الموضوع بعد كتابته.. :eh_s(1):

ما عليه سعدوية ولا سعودية...المعنى وصل هههههههههههههههههههههههههه :dddds:​

 

[om mishaal]

تقرير رائع ما شاء الله
رحلة حلوة
يعطيك العافية

 

[law love]

الموضوع عجيييب شوقتيني علا الهند بس الي راحو قالولي و صخخخخة حتى ارقى المطاعم ما اتحسين انها نظيفة
بس كلامج شجعني
في اشياء تسوى الواحد يشتريها ؟؟