صباح \ مساء الخيــر
مع بداية الشتا كلنا نحب العود ودهن العود .. وانا من عشاق العطور بشكل عام
وكانت لي زيارة لمحل العربية للعود قبل جم يوم وصدفت التنزيلات عندهم 50 %
والعربية للعود من محلاتي المفضله للعود لانه عطورتهم حلوه .. دهن عودهم روعه وعودهم وبخورهم تحفه
وانا دايم استغل التخفيضات واشتري منهم .. ووايد عندي تولات دهن عود فــ راح تشوفون اني اكتفيت بالعطور
بس هالمره .. طبعا شريت مجموعة من العطور راح احطها لكم بالتفصيل ..
اولا هذي صورة جماعية من تصويري وناقصها بعض العطور كانت هدية
المشتريات كانت :
مخلط القصر .. سعره 64 وبالعرض 32 دينار ( العطر مالقيت له صوره بالنت لكن واضح في صورتي )
عطر مميز وفخم جدا بس محدود .. حده متر مو فواح ابدا
سلفر ستايل رجالي سعره 40 وبالعرض 20
هذا اخذته هديه للوالد عسى عمره يطول وهو ايمن شي بالصوره
علبته وايد فخمه ومرتبه وفيه منه 3 انواع .. وهذي صوره ثانيه له من النت
شيخه سعره 28 وبالعرض 14
غطر جميل وهادئ على فخامه .. وايد حبيته للدوام
امير القلوب سعره ياعشرين او 24 وصار بــ 10 او 12
مقارب لعطر شيخه .. احترت بينهم وتالي اخذتهم اثنينتهم .. ومالقيت له صوره لكن في صورتي موجود على اليسار
دهن عود العربية كان بــ 20 وصار بــ 10
ريحته وااااايد حلوه وداااايم اخذ منه وموجود في صورتي اخر شي يسار الصوره
مخلط مميز ( العطر الوحيد عندهم اللي مايشمله العرض ) وسعره 12
ما الومهم صراحه انه مايشمله العرض .. عطر عجيب كأنج متبخره يهاااااابل والله
بخور مبثوث الشيوخ اظن كان بــ 16 وصار بــ 8
بالمحل وايد عجبني بس يوم جربته بالبيت ماعجبني هالكثر .. بس شكله حلو ديكور
معجون العربية للعود ملكي كان بــ 8 وصار بــ 4 واخذت منه اكثر من حبه
اتوقع انه معروف للكل .. وايد حلو للبيت .. وانا كنت دايم اخذ نوع ثاني اسمه مبثوث ملكي فاخر
بس قطعوه وهذا مقارب له
دهن عود فيروز كان بــ 16 وبالعرض بــ 8
هذا اخذته لرفيجتي لانه عطره هادي وراااايق وشكله وايد حلو ومميز .. ومالقيت له غير هالصوره
دهن عود الحمراء كان بــ 16 وبالعرض بــ 8
هذا بعد كان هديه ومثل اللي قبله هادي ورايق وكشخه وسعره مناسب
والعطرين الاخيرين اخذتهم هديه فــ مو موجودين بالصوره
المجموع النهائي 132 دينار وقبل الخصم 264
على فكره .. انا كنت رايحه اخذ دهن عود غروب ريحته خطيره وسعره 12 .. بس قالي انهم بطلوا
يصنعونه بعلبته الكشخه وصاروا يعبونه بالتوله فــ ما اخذته .. مع العلم انه وايد مميز وحلو وهذي صورته
يصنعونه بعلبته الكشخه وصاروا يعبونه بالتوله فــ ما اخذته .. مع العلم انه وايد مميز وحلو وهذي صورته
وكل شتــا وانتــم بألــف خيــــر :aha:
