©«-.¸¸.-»© ¶ *رابطة المتكممات* ¶© «-.¸¸.-»© الجزء الثالث

[سـما]

السلام عليكم اشلونكم اخباركم
صارلي ثلاث ايام تعبانة ما في اكل يقعد بمعدتي من اكل شئ ما ارتاح الا لمن ارجعه احس معدتي مو قاعدة تهضم الاكل تعبت واليوم يتني دوخة ودارت فيني الدنيا كنت بطيح لو ما مسكت الطوفة

لازم تراجعين الدكتور يمكن ملتهبه معدتج يعطيج حبوب حق المعدة
روحي له وشوفي شنو يقول
تاخذين بروتين؟
لاوم تاخذينه عشان الدوخة

 

[Q8 New Style]

سين سؤال مجنني
قبل العمليه كان طوووولي 157 اوكي
والحين يتأرجح حلوه الكلمه المهم الحين طولي بين 155 و154 او مرات يوصل 153 يعني قصرت بشكل ملحووظ والكل ملاحظني قصرااانه

غريبه !!!

 

[kat.kot]

لا ما اخذ بروتين لاني بكمل ثلاث شهور بعد خمس ايام من سويت العملية

 

[kat.kot]

يصير الحين اخذ بروتين

 

[سـما]

يصير الحين اخذ بروتين

لا ما ادري متى وقته بالضبط ,
انا للحين ما سويت العملية ,

بيني وبينج ترددت ,
كل ما اشوف عيالي ابجي وتخنقني العبرة
احس انه راح يصير فيني شي من العملية

 

[kat.kot]

كلنا مرينا بهالشعور بس استخيري وتوكلي علي الله

 

[اميره بكلمتي]

يصير الحين اخذ بروتين

اي عادي تقدرين تاخذينه لانه في بعضهم ياخذونه بعد العمليه باسبوعين

 

[sheraZia_Q8]

ولكم باك اموره اشتقت لردودج والله
انتي الي عطيتيني دافع قوي اني اسوي العمليه
وحطيت موعد وراح اسويها شهر 12 ان شاء الله

بس حبيت اسالج شلون خذيتي موعد لعمليه شد البطن بالاميري ؟
من متى مراجعتهم يعني المده ما بين مراجعاتج والعمليه جم شهر ؟

 

[ام عيالي]

مشكوره حبيبتي لازم اروحله عيل يمكن باجر ان شالله وخنشوف شنو يعطيني وبشوف وزني بعديعطيج العافيه حبيبتي

 

[الريم30]

ابي ليش ترجعين لازم تاخذينً حبوب المعدهً او روحي الطبيب لاترهقينً نفسج. حبيبتي لف شوربهً عدس خفيفه معاها قفشهً عيش مشخولً تشريبهً شوي فيها مرق اكثر بس خليها خفيفه من غير دهن وانا السيرلاكً بغيت اموتً وعندجً النخي والباجيلاً واللبنه بس حرصي علي شراب البروتينً انا يوم وترك اشرب

 

[سـما]

يا بنات انا ترددت اني اسوي العملية
وزني 107 وطولي 157
كتلتي 44 ونص

عمري 30 وتوه يجيني عيال بعد 12 سنه علاج

اخاف اسوي العملية وايتم عيالي
او اني اضعف بس بعد مده تخرب معدتي
تجيها تليفات او امراض على المدى الخمس عشر سنه لما اكبر

نفسيا احس اني مكتئبة من شكلي
وجسديا ثقيله يا الله اقوم وامشي وماقمت اطلع لاني اقل طلعه تتعبني
والمشي اكثر من ساعتين , مثلا السوق .. اتبطط رجلي من تحت يطلع فيها اكياس ماي

وحاولت بكل الطرق انزل
اقصى محاولة كانت 5 شهور مع سباحة يوميا 3 ساعات ورجيم قاسي .. نزلت 17 كيلو ,
وصلت وزن 90
وبس ورديت بعد الولادة الـ 17 اللي نزلتهم

بعد الولاده موراضي ينزل حتى كيلو واحد , والوزن اللي زدته صار اغلبه في البطن

طبعا صار لي 10 سنوات ما لبس بجامة
ولا بنطرون

اذا ضعفت بالطرق العادية ةهة شبه مستحيل راح اضعف بس ما راح انزل عن ال85 اكيد

انصحوني احلفكم بالله
هل تحسفتوا ؟
هل فيها خطر على المدى المتوسط \ البعيد ؟
خمس الى عشر سنوات او اكثر ؟

مع العلم اني ماقدر اسوي عملية ثانية للحمل الا لما انزل الى التسعين على الاقل

 

[ام عيالي]

سما اشفيج انتي شكلج خوافه لو انتي عندي جان سويتلج غسيل مخ هههههه
اتغشمر معاج انتي نفسي ماقمت اطلع واذا طلعني زوجي غصب احس اني مرتبكه ومتفشله كلش ماكو ثقه واهو يحس بهالشي حتا اعيالي ما اطلعهم اتصل بخواتي واهلي ايطلعونهم حرام يقولوم ماما ودنا نطلع ونشوفج اتشجعينا مثل الامهات واتأشرين لنا واحنا نلعب واللبس انه اصلا متعوده عالبدل وصلت لي مرحله صارلي سنتين من انتفخت كلللش ما البس بجايم بس اشوف واتحسر ومن داخلي ابجي وبالزوارات والعزايم كله درا ريع والبعمري ككاشخين وانه قاعده جني عيوزهم واذا مشيت بالسوق او بس انزل بروح اي مكان والله افح واتنفس ابسرعه زوجي يقولي اشفيج ما مشينا شي والله ياسما طيعيني سويها وانتي امغمظه وعدي عقب العمليه اذا تعبتي انه استقبل ادعي علي عادي عقب اسبوع تدعيلي والله اقسم بالله العضيم انج بترتاحين باذن الله انزين عيشه جذي محرونه فيها من كل شي شنو بتستفيدين منها جربي الحل الثاني وهو العمليه وشوفي اهي ما دري ليش امفكرين انها صعبه ترا والاه عاااااديه سويتا خلاص والله توصلين ليمرحله اتلوع جبدج من نفسج نفسي خلاص عاد تعبت قولي بتسوينها وخلاص بلا تعب بلا ضيجة خلق بلا دراريع وشغل عيايز خلاص انه عمري ثلاثين اذا ما اسويها احين متا بستانس بحياتي لما اكبر ويقولون عيوز فاصله لا يبا سويها الحين وعيشي احساس حلو يحقلج هالشي ناطره ردج يلا عاد

 

[سـما]

سما اشفيج انتي شكلج خوافه لو انتي عندي جان سويتلج غسيل مخ هههههه
اتغشمر معاج انتي نفسي ماقمت اطلع واذا طلعني زوجي غصب احس اني مرتبكه ومتفشله كلش ماكو ثقه واهو يحس بهالشي حتا اعيالي ما اطلعهم اتصل بخواتي واهلي ايطلعونهم حرام يقولوم ماما ودنا نطلع ونشوفج اتشجعينا مثل الامهات واتأشرين لنا واحنا نلعب واللبس انه اصلا متعوده عالبدل وصلت لي مرحله صارلي سنتين من انتفخت كلللش ما البس بجايم بس اشوف واتحسر ومن داخلي ابجي وبالزوارات والعزايم كله درا ريع والبعمري ككاشخين وانه قاعده جني عيوزهم واذا مشيت بالسوق او بس انزل بروح اي مكان والله افح واتنفس ابسرعه زوجي يقولي اشفيج ما مشينا شي والله ياسما طيعيني سويها وانتي امغمظه وعدي عقب العمليه اذا تعبتي انه استقبل ادعي علي عادي عقب اسبوع تدعيلي والله اقسم بالله العضيم انج بترتاحين باذن الله انزين عيشه جذي محرونه فيها من كل شي شنو بتستفيدين منها جربي الحل الثاني وهو العمليه وشوفي اهي ما دري ليش امفكرين انها صعبه ترا والاه عاااااديه سويتا خلاص والله توصلين ليمرحله اتلوع جبدج من نفسج نفسي خلاص عاد تعبت قولي بتسوينها وخلاص بلا تعب بلا ضيجة خلق بلا دراريع وشغل عيايز خلاص انه عمري ثلاثين اذا ما اسويها احين متا بستانس بحياتي لما اكبر ويقولون عيوز فاصله لا يبا سويها الحين وعيشي احساس حلو يحقلج هالشي ناطره ردج يلا عاد

ترى بجيتيني
كلامج صحيح ومنطقي
واللي الله كاتبه بيصير
ان شاء الله
جزاج الله خير

 

[ام عيالي]

ليش تبجين انه ماقاعد اكلمج عشان تبجين هاذا الواقع سما صح
انه مابيج تبجين ابيج اتقولين انج قررتي اتسوينها وشلتي التردد من بالج يلا خلج قويهحبيبتي انتي لاتخافين ترا هذا احساس طبيعي حياتي الله يوفقج للي فيه الخير والصالح

 

[نور و نار]

سما + ام عيالي

اثنيناتكم بجيتوني ههههه ،،، انا نفسج يا سما سبحان الله بكل شي حتى في موضوع الحمال بس انا صار لي 14 سنة !

نزين ام عيالي حبيبتي، انا الحين حامل بأول السابع وباولد قيصري للاسف، تهقين عقب شكثر من الولادة اقدر اسويها؟؟ وهل اقدر اسويها والا مارح يوافقون عشان الرضاعة ؟؟

الله يجزاكم خير الغاليات

 

[الريم30]

يا حلاتكم والله سمي بالرحمنً وسويهاً اول شي بتحسفين تالي بتستانسين اذا الكل قالجً ضعفانهً حته باللبس يفرق

 

[سـما]

ليش تبجين انه ماقاعد اكلمج عشان تبجين هاذا الواقع سما صح
انه مابيج تبجين ابيج اتقولين انج قررتي اتسوينها وشلتي التردد من بالج يلا خلج قويهحبيبتي انتي لاتخافين ترا هذا احساس طبيعي حياتي الله يوفقج للي فيه الخير والصالح

قريت موضوع مذهلة وجني ترددت اكثر !
يا ربي افرجها علينا

بفكر هاللايام الجاية والله يكتب اللي فيه الخير

 

[سـما]

سما + ام عيالي

اثنيناتكم بجيتوني ههههه ،،، انا نفسج يا سما سبحان الله بكل شي حتى في موضوع الحمال بس انا صار لي 14 سنة !

نزين ام عيالي حبيبتي، انا الحين حامل بأول السابع وباولد قيصري للاسف، تهقين عقب شكثر من الولادة اقدر اسويها؟؟ وهل اقدر اسويها والا مارح يوافقون عشان الرضاعة ؟؟

الله يجزاكم خير الغاليات

الله يرزقنا والجميع كل خير

ترى بالنسبة للعملية , بعد الولادة باكثر من 6 شهور هذا مؤكد
وخصوصا قيصرية ورضاعة

والله يكتب لنا الخير

 

[ام عيالي]

والله انه بالقيصريه ما اعرف شي ولا بالرضاعه لاني مارضعت لان الحلمه عندذ اتصب دم وتعبت وايد مو اكثر من عشرين يوم بس وبعدين اقعد اعلج الحلمه
وترا موضوع مذهله انه لو قريته قبل العمليه يمكن خفت لانه فيه صور وسوالف عن التسريب الحين لما قريت قلت غريبه انه اشكثر سمعت تجارب بنات ماسمعت وحده حاشها تسريب بس طبعا اهي يزاها الله خير حاطه موضوع متكامل فيه كل شي عاد انتي ماخذيتي الا الشغلات الي اتخوف
والي حامل اولدي بالسلامه ورضعي وبهالفتره روحي للدكتور وخلصي فحوصاتج وخليه ايحددلج متا الوقت المناسي خصوصا وانج بتسوين قيصريه حبيبتي الله يقومج بالسلامه ياااارب

 

[مذهلة 78]

قريت موضوع مذهلة وجني ترددت اكثر !
يا ربي افرجها علينا

بفكر هاللايام الجاية والله يكتب اللي فيه الخير

شوفي حبيبتي انا الموضوع ما كتبته للتخويف بس كتبته عشان الوحده تكون عارفه كل شي عن العمليه الميزات والمساوىء
يعني تكونيين داشه وعندج خلفيه عن كل شي

وانا عن نفسي سويتها ودشيت وانا مقتنعه والحين الحمدلله على كل شي