¬ « تجمع خاص للي ماعندها خدامه ,,||

[الهوى الغايب~]

:​

< احترت احط العنوان خدامه ولا شغاله :krkrkr:​

أهلن اهلن و>> لوني ادري انكم كالعاده بتسحبون علي ​

يالله صبحهم ومسهم بالخير :eh_s(7):​

البيت حوووووسه​

الصحون تناديك​

الارضيه يبيلها تمسيح​

وأنتي مالك خلق​

تعالي هنا​

وفضفضي .............​

وصيحي وابكي بس بشوووويش :krkrkr:​

تعالوا نحط يدنا على بعض ونحمس بعض .... ونشوف اخبار بعض مع الحوسه والشغل​

عشان نعطي دافع هههه

ببدا .... بأنا ​

انا عني الحين كملت 6 شهور يعني اصير توني متزوجه
​

نظفت البيت بما انه اول ايام الاسبوع وامس جايه من بيت اهلي بعد نومه وراحه :eh_s(1):​

باقيييي لي الغرفه ماكنستها :eh_s(4):
بس اللي معطيه منظر مرتب هو السرير لاني رتبته ولا كان علوم :krkrkr:​

+​

أكره المطبخ ............... :eh_s(11):​

اكره بلاطه​

اكره طاولته​

واكره الفرن القز ماصارت مدلع ذا يبيله تنظيف بعد كل طبخ !!!​

+ المعاميل العلب حقت البهارات صراحه ماتوقعت كذا
يبييلها مسح من فوق يتوسخ غطاها ويبقع مع كثر الاستخدام​

وبس ابي افتتتتتتتك​

انتظركم انتو ..... واخباركم مع الشغل​

الموضوع ... من بنات أفكاري :eh_s(7):​

 

[الماسة]

احمدي ربج ماعندج اعياااااااااااااااااااااااااااااااااااااااااااااااااااااااااااااااااااااااااااااااااااااال

رفيجتي عندها دوام وماعندها خدامة واعيالها ماتدري وين توديهم

انا مريت بهالتجربة...........اخخخخخخخخ ازمة نفسية حادة

 

[ام شووووق]

توها رفيجتي امس تشكيلي بيتها فيلا ماشالله وهي توها متزوجه وريلها مانعها من الخدم

تصيييح تترجى ريلها يسكنون بالشقه تقول انهديت من شغل البيت

بصراحه الله يعينكم

 

[BiiShOoO]

وااااي صااجه تعب تعب تععب انا كل يوم اخلص جزء عشان ما اتعب و خصووصا اني يحوشني عوار بظهري

 

[فوفو]

اي والله احمدي ربج ماعندج عياال :yaaaaaarb:


انا اختي عندها 3 :gathering:


تعاني من تغيير الحفاااااظ
تعاني من مسح البلاااط
تعاني من تبديل الملاابس

:cxxxp:

هههههههههههههههههههههه مرات تنام عندنا اسبووع وتسسحب على زوجهاا :krkrkr:​

انا عن نفسي اكره غسيل الصحووون :dfgl:

وياكرهي للي يناديني وانا بالمنتدى :eh_s(11):



تحياتي : فوفو :balo:​

 

[شوارفسكي]

تصدقون ماتخيل نفسي بدون خدامه دوام و3 عيال لامستحيل وكله افكر ومحتاره انا علتي دوام لو مودوامي والله سهالات واستغرب من لي لادوام عندها وعندها خدامتين وتببجي اا ذا راحت وحده منهم

 

[صمــت_ALsHfaaH]

والله صاجه شنو هذا

قبل عند اهالينا متعوديين على الراااحه من نتزوج مسئوليه ورا مسئوليه

يعني التنظيف والطبخ والتحمل والصبر والحمال والتربيه

انزين ابعرف الرجال شنو وظيفته؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

والله شوفي صارلي سنه و9 شهور تقريبا متزوجه

واحوس بالبيت مثل الذبانه والمواعين احسها تولد تغسسلين وترد تتوصخ؟؟؟؟؟؟؟؟

والارضيه الحمدالله والشكر تنظيفن وتتعبين ويجيج بكل برود يتمشى ونعوله (تكرمون ) كلها تراب وطييين ويلا نررد ننظف

غير الملابس الي شوي تغسلين وماتدرين من وين تطلع الملابس الوصخه< ذابحتنا النظافه كل شوي نبدل هههههههههههه

وطبعا من حملت وانا الحين باول الثامن يعني قبل 6 شهور مريت بعذاب اكبر

صار كل شي صعب علي وياحياتي امي تمرني بين فتره وفتره تنظف وترتب

والملابس الوصخه تكرمون اوديها لاهلي يغسسلونها

والارضيه اسسسسسبوع تقعد مانظفتها هههههههههههههه

طبعا عرف زووووجي انه كان بجنه ونظافه بعد حمالي يقولي ليه مابخرتي < صرت اكره العطور والبخور


وااااااااااي قرقت وموضوعج على الجرح

 

[آلزينْ مُلكيْ]

وع وع وع ما احب ااغسسسل مواعيين ولا انظف الارضيات لوووول
بس اغسل هدوم بـ غسساله توماتيك لووول

ومعه دوااام ماسااه لوول
الله يعيييين

 

[بوح القوافي]

الله يعينا والله معاناه بدون الخادمة من الصبح تنظيف وكنس والجو الايام هذي حيييل غبار
يعني كل يوم تمسيح هالسراميك والطاولات وحوسة والا حوسة ولدي الله يحفظة ترضيع وحفاظ
تصدقون عمرة 9شهور وعجزت يمسك ديدة لما ارضعة احطة على رجولي واعطية الرضاعه يضحكون علي اخواتي يقولون حنا معلمين عيالنا من السادس يمسكون الديد وش اسوي ولدي زول يروح وقتي وانا معه
لدرجة صرت اهمل التنظيف وجيب خدامة بالساعات تجي تنظف بيتي ساعة وقت زوجي طالع براوشكلي بمشيها كذا اريح لي تجي 3مرات بلاسبوع تنظف وتكنس وتغسل لو فيه وقت تكوي بس ماحب زوجي يجي من برا وهي فيه ...
شكلي طولت عليكم بهذرتي هههه

 

[ام دليار]

عادي والحياة أحلا بظل جسمك مشدود
ماعندي خدامة بشتغل بلبيت وبزور وبتمشى وبرتب بيتي وبطبخ
وبيزود وقت
نظمي وقتك

 

[الهوى الغايب~]

الحين وراكم كذا كلكم :/

هذا بدال ماترفعون معنوياتي قمت تشكون خخخخ

طيب .... واللي بدت بالتنظيف وباقيلها اشغال وينها تصف معي خخ

تعالوا قولوا لنا وش باقي لكم وش ناوين عليه ومن هالسواليف

خل كل وحده مثل حالتي ....."تشوف انها مو لحالها تتعب وتكرف :krkrkr:



نورتوا ياللي ردييييييتوا ق1ق1ق1



""""""""""""""""""""""""""""""""""""""""""""""""""" سوري بنات ماشفت الردين اللي فوق ردي



لي باك لعيونهم ق1


أم دليار مااشاء الله تبارك الرحمن كذا الرود اللي تحمس ولا بلاش هههههههههههه


بوح القوافي : من جد صاادقه حتى ماتوقعت فوق العطورات يجي غبار ع التسريحه وبلاوي ع الطاولات !!


يالله نمسسح وننظف وش ورانا نقول اجر ق1 :cxxxp:

 

[صمــت_ALsHfaaH]

ما شاء الله عليج ام دليار


عني صعبه علي افطسسسسسسسسسس

 

[ام دليار]

ما شاء الله عليج ام دليار


عني صعبه علي افطسسسسسسسسسس

عادي متعودين
أمي عمرها 60 سنه بتطبخ طبخ بخليكي دوخي من الطعم الطيب
بتشتغل بيت ثلاث طوابق
بتزرع بأرض البيت خضرة

وعندي أخت عمرها 36 معوقة شلل كامل يعني مابتتحرك أبداً هيا قايمة فيها

وبتطلع تسهر عند القرايب

والأبتسامة لاتفارق الوجه الله يخليها يارب ويخلي أمهاتكم

 

[مزاجي بمخباتي]

انا ماعندي خدامه وعيالي الله يحفظهم يبيلهم مجابل ومنقهره بيت صاااار استراحة مسترجعات
ومتوههههقه واللي تعرف خدامه بالساعه تقولي بلييييز الله يفرج عليها مثل ماراح تفرج علي

 

[قاهره عذالي]

معاكم
ماعندي عيال وماعندي خدامه
وهم انا استغرب من اللي لا دوام ولا دراسه وعندها بدال الخدامه اثنين
انا لولا دوامي ودراستي فاضيه ماعندي غير بيتي

 

[مزاجي بمخباتي]

:yaaaaaarb:انا ماعندي خدامه وعيالي الله يحفظهم يبيلهم مجابل ومنقهره بيتي صاااار استراحة مسترجعات
ومتوههههقه واللي تعرف خدامه بالساعه تقولي بلييييز الله يفرج عليها مثل ماراح تفرج علي:yaaaaaarb:

 

[امل يائس]

و انا بعد مثلكم ما عندي شغالة صج قاعده اتعب بس احاول اطالع الموضوع من الجانب المشرق على قولتهم
1- كلنا نقره و نشوف و نسمع عن بلاوي الخدم و مصايبهم لكن انتي مرتاحه من هالبلاوي
2- الريال لا شاف زوجته اهي الي قايمه فيه و في عياله و في بيتها من تنظيف وطبخ و الا اخره راح تكبر بعينه والله و يقدرها
(انا ريلي يستااااااانس لا شافني اكوي ملابسه الداخليه هههههه)
3- الحركة بركة راح تلقين نفسج تمارسين الرياضة وانتي مو حاسه ترى الجسم يبي نشاط
4- ان اردته أن تتقن عملا فاعمله بنفسك ؛ الشغاله يا حبيبتي مستحيل تشتغل بنفس ضميرك لان هذا مو بيتها ولا ولدها
5- معاش الخادمه و فلوس طلبها موفرتهم لج و لعيالج

والله بنات ترى مصايبهم اكثر من فايدتهم و على قولتهم تعب نفسك ولا تعب لسانك
الخدم بس يالله حسد و غيره و نجاسه و خياس هذا غير عيالج جنهم هنود لا تحجوا
و فوق هذا البيض يقعد عندج مدة اطول :ggdw:

 

[ورده الكرستال]

اااه كل شي يهون عندي ولا الاوتي

اكره الاوتي بشكل الله لايوريكم

 

[زوجة عزيز]

ماعندي خدامه ولا عندي اعيال والله يعينا

 

[غرام زوجي]

ووووواي ذكرتوني بمعاناتي انا عندي بنتين سنه وسنتين ونص وام سنه بس اقوم من عندها تبجي بجيييييي وبالاكل عالين قلبي ماياكلون. وريلي غير البشر دوامه كله شفتات ليل وينام عكس البشر يعني لازم الصبح هدوووء ولازم اسكت هاليهال واطبخ. وبس يروح اقعد اعابل بهالبيت. وغير الحفاضات والحليب والملابس ووووواي موت عذاب استغفر الله