(¯`•.¸(¯`'•.¸حلمي اصبح حقيقه ¸.•'´¯).•'´¯)

[((!ورد جوري!))]

هلا بنات اليوم خربتها لانه فري الريوق دايجستف وحليب والغدا ما أكلت بس خربتها بالعشا أكلت عيش أبيض ومعكرونه وسلطه شمندر

 

[بدويه برستيج]

بدوية

ان شاء الله مايضيع تعبج وتتحقق آمالج
وأنا بشوف قوقل مثل ما قلتي

امين وتتحقق امالج باذن الله

 

[بدويه برستيج]

انا اليوم تريقت سمونه مع جبنه لايت
وكوب كبتشينو
ومشيت لمده ٤٥ دقيقه الحمدلله
وباكل بوب كورن الحين

وبشرب شاي اخضر

وانشالله بوافيكم بتقريري

ان شاءلله ما خبص مع انه مالي خاطر في الاكل بس تجيني حاله الاكل بدون جوع

 

[((!ورد جوري!))]

شلونكم حبايبي أنا اليوم فبيت أهلي ما قدرت أمسك نفسي ما تريقت لاني قعدت متاخر الغدل كان 8قفشات عيش وربيان وكوب تبوله قطعتين رقي وبعدها شربت أعشاب لاني علي الدوره والحين أبي أشرب جاي أخضر صج بنات أمس وزنت كان 96و400 غرام أمس وزنت 95و300 الحمدالله نزلت توقعت ما أنزل لاني وايد خربطت أنتو وزنتوا

 

[بدويه برستيج]

هلا ورد جوري مبروك نزول الكيلو استمري

انا اليوم تغديت كبسه دجاج لذيذه ما قدرت اقوم من الغدا مصختها
وكلت سناك كبتشينو مع دجنستيف

وتعشيت وجبه فيليه

بس عقاب على اللي سويته ها الاسبوع

باجر ببتدي رجيم بروتيني لين الخميس

بروتينات وخضار

وبكتبلكم تقريري يوميا ان شاء الله

ومشي لمده ساعه يوميا وانشاءلله انه النزول بيكون كيلوين حاطه في بالي انزل كيلوين ها الاسبوع وان شاء الله اني بنزل

 

[بدويه برستيج]

يالله شدو الهمه القروب كله مخبص خلونا نمشي ساعه يوميا ونقطع النشويات ها الاسبوع

 

[بدويه برستيج]

وينكم بنات وين التفاعل الاولي يالله ها الاسبوع الياي بنكمل شهر من بدينا خلونا نكون نزلنا نزول حلو ها الشهر

 

[بدويه برستيج]

نبا تشجيع وحماس انا عني بصورلكم كل وجباتي وبحطهن لكم في القروب عشان الكل يستفيد

 

[((!ورد جوري!))]

يالله بدويه أنا معاج من باجر بقطع النشويات لازم ننزل أكثر خلاص أنا هذا الاسبوع خبصت وايد تقربيا ٤أيام إن شالله من باجر ببدي يالله بنات نبي همه وإراده قويه بدويه صوري لنا وجباتج علشان نتشجع كلنا ونمشي ساعه كل يوم علشان يكون نزولنا سريع يارب يوفقنا

 

[$كشوخه$]

اووكي بنات خووش جدول انا بنظم معاكم بس ما اظمن لكم التزم

انا هالاسبووع خبصصصصصت عدددل للاسف ان شاء الله اعووض

بحاول اقطع النشويات وان شاء الله انزل

 

[بدويه برستيج]

يالله بدويه أنا معاج من باجر بقطع النشويات لازم ننزل أكثر خلاص أنا هذا الاسبوع خبصت وايد تقربيا 4أيام إن شالله من باجر ببدي يالله بنات نبي همه وإراده قويه بدويه صوري لنا وجباتج علشان نتشجع كلنا ونمشي ساعه كل يوم علشان يكون نزولنا سريع يارب يوفقنا

يالله ورد جوري شدي الهمه عيل

 

[بدويه برستيج]

كشوخه قطعيهن وصدقيني بتنزلين ان شاءالله اذا التزمتي


انا صحيت متاخر اليوم


مشيت ٤٥ دقيقه

وبصورلكم فطوري بعد شوي بفطر لاني باخر الغدا

 

[بدويه برستيج]

انا تريقت شاي اخضر مع احمر

وبيضتين مسلوقات وشريحه جبنه وخس امريكي بدل الخبز

حلو الصراحه شبعت ولله الحمد
وهذي الصوره

 

[بدويه برستيج]

وهذا غدايه

 

[بدويه برستيج]

والعصر بشرب نسكافيه ان شاء الله ولي عوده على العشاء

 

[((!ورد جوري!))]

شلونكم اليوم تريقت حليب خالي الدسم مع شابوره والغدا ٢كباب مشوي مع شرائح خيار وطماط وفلفل مع قلاص ماي وقفشه كتشاب بدويه بالعافيه ريوقج وغداج شكله لذيذ بس أنتي حاطه صلصه هذي حق السلطه وهيه دايت اذا ما عليج أمر حطي أسمها وإن شاللله العصر بشرب كوفي

 

[أم وليد الشمري]

الله يوووفقج حبيبتي .... بدوية
وبالإراده والاستمرار توصلين .......
وبتجيج لحظات ضعف وايد... لا توقفين وتتحطم نفسيتج
استمري استمري وبتوصلين بأذن الله

 

[بدويه برستيج]

شلونكم اليوم تريقت حليب خالي الدسم مع شابوره والغدا 2كباب مشوي مع شرائح خيار وطماط وفلفل مع قلاص ماي وقفشه كتشاب بدويه بالعافيه ريوقج وغداج شكله لذيذ بس أنتي حاطه صلصه هذي حق السلطه وهيه دايت اذا ما عليج أمر حطي أسمها وإن شاللله العصر بشرب كوفي

بالعافيه ورد جوري
هيه صوص لايت للسلطه بس ما حبيت طعمه وايد افكر اسوي الصوص بروحي بدور طريقته في النت اريد صوص السيزر سلط اذا حد يعرفه يخبرني

 

[بدويه برستيج]

الله يوووفقج حبيبتي .... بدوية
وبالإراده والاستمرار توصلين .......
وبتجيج لحظات ضعف وايد... لا توقفين وتتحطم نفسيتج
استمري استمري وبتوصلين بأذن الله

امين حبيبتي ويوفقج اسعدنا تواجدج وان شاء الله اني بتغلب على الاراده والضعف وبنزل من وزني

 

[بدويه برستيج]

انا العصر كلت بوب كورن ونسكافيه وحليب خالي الدسم


والعشا بتعشا بيضتين وعصير لايت وبعدها بشوي يمكن اشرب شاي اخضر اذا يعت