°l||l° الزوجـــة و خــــوات الــزوج °l||l°

[نهى الأحمد]

السلام عليكم جميعا​

​

​

شلوونكم يا خواتي​

​

عساكم طيبيين​

​

​

​

انا اغلب مواضيعي اللي اكتبها في قسم المناقشات​

​

وحبيت اطرح عليكم هذا الموضوع ​

لانه يتعلق بالزوجة وعلاقتها مع خوات زوجها​

​

​

وقبل لا ابتدي بالموضوع​

​

نبي نقاش راقي ومن دون هواشات​

​

مثل للزوجة واجب الاحترام لزوجها ​

​

هم بعد هذا الاحترام لازم يشتمل اهله​

​

وطبعا لازم يكون فيه احترام متبادل بين الطرفين​

​

انزين​

​

ودي اتكلم عن العلاقة بين ​

الطرف الاول : الزوجة​

​

الطرف الثاني: خوات الزوج​

​

احيانا تصير مشاكل بينهم لعدة اسباب​

​

منها:​

​

الغيره​

​

او عدم تدخل الزوج بتصرفات زوجته​

او خواته ​

​

يعني مايحب يتدخل بسوالف الحريم​

​

والمفروض يكون عادل في التعامل سواء مع خواته او زوجته ​

ويوقف مع الحق​

​

هذا الله يسلمكم​

​

وحده الله يهديها حاولت تسوي مشكلة من لاشيء بين زوجها ووحده من خواته وتفرق بينهم​

الفت عليها سالف هوانها قايله عليها كلام ​

وسبحان الله انكشفت جدام ريلها انها كانت تجذب وتالف سوالف بالاتفاق مع اختها​

لما دق على اخته صار في تغيير على الكلام اللي قالته زوجته واختها عن اخته​

​

وعقبها عرف الحقيقه ​

​

والله شاهد على كلامي انه هذي السالفة حقيقية مو تاليف ولا جذب​

​

انزين ​

شنو استفادت هذي الزوجة من اللي سوته؟​

​

اهي ممكن تخسر الطرفين​

​

ريلها المسكين اللي مو قاصر عليها بشي واهله​

​

تغيرت نظرتهم لها ​

​

​

شنو رأيكم بالموضوع؟​

​

لو كان الغلط من خوات الزوج..شلون تتصرفين؟​

يا ترى رح تكون المعاملة بالمثل؟؟​

​

​

​

بقلمي الخاص​

اختكم​

نهى الأحمد​

​

​

 

[ليلو جبريت]

مو شرط كل مرة اخو تتهاوش مع خوات الزوج
هو على حسب شخصيتها وطبيعتها يمكن هي من يومها نسره وعوبه فتحب تتهاوش
يعني يحكم على الطبع
مثلا انا ومرة اخوي ندفدف على بعض لين يصير شي
يعني مو كلهم نفس الشي وحتى لو الله بلاني بمرة اخو عوبه باعرف اتصرف لان مهما كان هاي اخوي وخبز ايدي مستحيل وحده تغيره علينا لان عارف لنا وعارف طباعنا ​

 

[الله كرريم]

يعطيج العافيه على هالطرح

واحب اقولج لو مافي غيرة بين الحريم جان الدنيا بخير لان اغلب المشاكل بسبتها

وبصراحه لو الغلط من خوات الزوج من ناحيتي أطوف مرة ومرتين بس الثالثه اقول حق زوجي يتصرف معاهم ,, ​

 

[alzeen- almuteri]

حلو الموضوع
انا بتكلم عن الاثنين
مرت الاخو
واخت الزوج
في مره وحده مرت اخوها حاطه دوبها ودوب اخت زوجها
كل يوم رايح لزوجها تالف كلام ع اخته مرات ماتالف مرات صج يعني شفت اختك اليوم راحت للمطعم راحت للسوق جوف اختك شنو لابسه شوف اختك بس قاعده بغرفتها لم
جوف اختك ماتحاجيني وجوف اختك اطالعلي بنظره مادري شلون وغير البهارات اللي تحطها ومرات لما زوجها يمنعها من شي طلعه ولا اي شي تقول شمعنى اختك تسوي وانا لا امبي اكره النوعيه من الزوجات
ووالاخو يرووح ويهاوش الاخت و مرات توصل للطق اعوذ بالله

اما انا عن نفسي خوات زوجي محترمات وانا احترمهم لو تصير بيني وبين زوجي هواش ومشااكل ماازعل عليهم ولا ابين لهم اضحك معاهم اتغشمر وعادي يعني ولا اييب طاري لزوجي عن خواته ولا لي شغل فيهم حتى لو صج اجووف اخته سوت شي غلط مالي شغل فيها لو زوجي منعني من شي واخته تسوي هالشي مالي شغل اهو متزوجني مو متزوج اخته

ومشكورة ع الموضوع​

 

[برنسيسة البدو]

انا افضل العلاقه تكون رسميه ياحبيبتي وياقلبي وغيرها لا مهما كان المره تدور الزله عالثانيه

 

[نهى الأحمد]

مو شرط كل مرة اخو تتهاوش مع خوات الزوج

هو على حسب شخصيتها وطبيعتها يمكن هي من يومها نسره وعوبه فتحب تتهاوش
يعني يحكم على الطبع
مثلا انا ومرة اخوي ندفدف على بعض لين يصير شي

يعني مو كلهم نفس الشي وحتى لو الله بلاني بمرة اخو عوبه باعرف اتصرف لان مهما كان هاي اخوي وخبز ايدي مستحيل وحده تغيره علينا لان عارف لنا وعارف طباعنا ​

هلا ياقلبي لولو

اكيد الطبع له دور بالموضوع

واصابع الايدين مو مثل سوا

بس مشكلة اذا كانت مرت الاخو ماخذه على هذي السوالف

تسلمين حبيبتي نورتي

 

[FeShinGoOo]

شوفي سالفة ان الريال مايتدخل بسوالف الحريم اعتبرها ميزه .. بس المصيبه لما الزوج يصف مع طرف واحد ويتجاهل الطرف الثاني ..
يعني تشوفين ريال مايرضى المره تطري اهله حتى لو مظلومه وحتى لو تبي تبرر موقفها او تبي تشكيله على طول يصف ويا اهله بدون مايسمعها حتى لو ماكانت قاعده تغلط على اهله ..!!

وفي رياييل العكس يقلقس تحت ريل مرته وتلاقينها مطلعه لاهله قرون وميننتهم مو مخليتهم بحالهم نفس الي تكلمتي عنها بالقصه ..

اهني اعتبرها مشكله بس لما يكون الريال حقاني وعاقل اهني الوحده تقدر تشتكي وتطلب منه يتدخل بالموضوع بس غيره لا ماتجازف ..

وبالنسبه لي صارتلي مشاكل ويا حمولتي دخلت زوجي مع انه عقالي بس حسيته شوي تعاطف مع اهله فاتصرفت بروحي

 

[تووووت وفراوله]

بصراحة المفروض الوحده ماتشيل بقلبها وتغار وهالسوالف



اغار من اخت زوجي؟؟؟؟خير ليش اغار؟

الحمدلله انا وحمواتي علاقتنا حللللوه مع بعض حتى لو زعلني زوجي يوقفون معااي

واذا زعلوا مني يقولونها بوجهي مايخشون بقلوبهم وانا بعد صرت جذي

والحمدلله اهما مثل خواتي مايخشون شي عني وياخذون رايي بشغلات تخصهم

وحتى زوجي مرتاح من علاقتي معاهم الحمدلله

 

[..<< ندى الورد >>..]

للوحده لازم تعامل زوجه اخوها على تربيتهااااا

واخلاقهاااا والزوجة كذلك

اما اذا كانت الاخلاق عدم الله يعين الطرف الثاني

والله لو كل وحده اعتبرت الثانية اخت لهلال جان ماصارت مشاكل بينهم

وانا عن نفسي اعامل مرت اخوي على تربيتي واذا صار بينا نقاش نحله بينا بدون

تدخل لا أمي ولا اخوي

 

[!الجادل الصعب!]

والله الوحده الي تآلف سوآلف وتحط قصص وتتفق مع خوآتها عـ الشر ..
آقول عفيه عليها من وين لها وقت تخطط وشنو الفرآغ الي عآيشه فيه يخليها تخطط لمؤآمرات ..!
بالنسبه لموضوعج ..معروف طبعآ مآفي آحد كآمل .. لكن لو تحصل لي لآ سمح الله مشكله مع اخته ..
مشكلتي بتكون مع اخته وبس ..مو مع امه ولآ خواته كلهم لآهو له شغل فيها ولا اي طرف ثآني / ماتوقع بخرب بيتي عشآن آخته لها خلق تتهآوش معآي ومتفرغه لي ..!
آلله لا يغير علينآ يآرب ..

 

[ام شووووق]

انا الحمدلله علاقتي مع حمواتي تووب لاني احبهم نفس خواتي

واذا بدر منهم غلط مااشيل بقلبي مافي واحد معصوم وهم الخوات يتهاوشون والحق ينقال حماتي تنحط عالجرح

اهم شي ماتكوني من ربع قال وقلت ولامور بتكون بخير

واذا كسبتي اهل الزوج ترى ربح لج لانه هذيلا اهلج اللي بتمين معاهم لاخر العمر

 

[نهى الأحمد]

يعطيج العافيه على هالطرح ​

واحب اقولج لو مافي غيرة بين الحريم جان الدنيا بخير لان اغلب المشاكل بسبتها ​

وبصراحه لو الغلط من خوات الزوج من ناحيتي أطوف مرة ومرتين بس الثالثه اقول حق زوجي يتصرف معاهم ,, ​

هلا حبيبتي

الله يعافيج يارب

وصاجه ياقلبي بكل اللي قلتيه

وعسى ربي يهدي الجميع

 

[نفهمها صح]

هوو بعض الاحيان تجيج مرت الاخوو عوبه ونفسيه ... وبعض الاحيان بيت زووج عوبان ونفسيه يبوون يمشوون مرت الولد علي كيفهم وكانها ملك لهم
وزين يفرض احترامه
يعني المفرووض بيت زووج ميد دخلوون في بيت اخوهم مهما كان
وزووجه اختك سووت واختك فعلت انا محبها خلاص تحشيها وبعدي عنها ويبقي كل عايله لها اسلوبها

 

[جارةالرسول]

شوفي سالفة ان الريال مايتدخل بسوالف الحريم اعتبرها ميزه .. بس المصيبه لما الزوج يصف مع طرف واحد ويتجاهل الطرف الثاني ..
يعني تشوفين ريال مايرضى المره تطري اهله حتى لو مظلومه وحتى لو تبي تبرر موقفها او تبي تشكيله على طول يصف ويا اهله بدون مايسمعها حتى لو ماكانت قاعده تغلط على اهله ..!!

وفي رياييل العكس يقلقس تحت ريل مرته وتلاقينها مطلعه لاهله قرون وميننتهم مو مخليتهم بحالهم نفس الي تكلمتي عنها بالقصه ..

اهني اعتبرها مشكله بس لما يكون الريال حقاني وعاقل اهني الوحده تقدر تشتكي وتطلب منه يتدخل بالموضوع بس غيره لا ماتجازف ..

وبالنسبه لي صارتلي مشاكل ويا حمولتي دخلت زوجي مع انه عقالي بس حسيته شوي تعاطف مع اهله فاتصرفت بروحي

معااااااااااك ميه بالميه

انازوووووووجي مجنووووووووون اهله لواشتكي ابدامايوقف الامعاهم

عسي الله يوريه سواتهم وحركااااااااتهم اللي تبط الكبد

انااصرت اتصرف بمزاجي ولي فترامقاطعتهم مرراالان في مثل يقول

"عزنفسك تجدهاااا"



ويسلموولصاحبةالموضوع

 

[leeny]

شوفي هذا موضوع وايد حلو وموجود بكل بيت
انا راح اتكلم عن نفسي
علاقتي لما تزوجت مع حماتي هي بس وحده عمرها ١٧ كانت وايد زينه امها شوي صاكه عليها وبما ان ماعندها خوات كسرت خاطري وصرت اختها وقمت اطلعها واوديها اللي تبي ولو تبي شي مني على طول اوكي وحتى اذا تهاوشت مع اهلها تدق علي وتبجي المهم عاملتها جنها اختي الصغيرة والله الشاهد علي ان اذا نرفزت اهلها قلت لزوجي ماعليه مراهقه وصبرو عليها ولاتزفها وحرام هي تحس بوحده وحتى لامها اقول شوي شوي عليها وحرام وادافع عنها جدام الكل حمدلله المهم مادري ليش تغار مني !!!!!! وتقول اشياء امبيه عني توني ادري قبل فترة وكل من عرف حمدلله انها هي الجذابةواللي تتبلى لان يشوفون معاملتي لها وكلامي حتى من وراها عنها والتبلي اللي قالته كان ولا يمشي حتى بفيلم مصرري ولا هندي بس انا زعلت ورحت بيت اهلي وتدخلو اهلي بالموضوع لان مو اول مره وثانيا كنت كله اطوف وثالثا قامت تتكلم كلام عن سمعتي المهم وصلت للطلاق فجدام اهلس امها وابوها لازم يوقفون معاها مع ان هم يدرون بالصج وحتى زوجي قال فشلتنا واهلي لازم يوقفون معاها والخ... الحين علاقتي باهله ماكو كلش من اسبوع تقريبا وماتوقع راح اسلم حتى بالمناسبات وغير هذا ولله الحمد انهم يدرون منو الصح ومنو الغلط بس شيسوون ابتلشو ببنتهم !!!! وزوجي قتله لابيها تدش بيتي ولاشي وقال اوكي لان صج ماتستحي وماياني منها الا الشر مع كل طيبي لها بس شقول سوو خير وقطو بحر وباجر لاتزوجت ربي بيوريها بحماة مثلها.

 

[تآعِبنْ قَلْبِيْ]

خوآت زوجي بنآآت عمي وعلاقتنا سمن على عسل الحمدلله

الله لايغير علينا

 

[برياني لحم]

الحمدلله مافي بيني وبين خوات زوجي شي

واحنا مثل الخوات الله يديم علينا

 

[أتراب]

سالفة الجذب ماتستمر
حبل الجذب قصيرواللي تعتمد على هالاسلوب
سبحان الله بسرعه تنكشف وتترك اثر في نظرالزوج يمكن
يستمر معاه الى اخر حياتهم ويعتمد عليه في حل المشاكل

عن علاقتي بحمواتي الحمد لله تمام ولابد ان يصير سوء تفاهم
احله بنفسي الا اذا كان جايد اكيد بحتاج الى زوجي يساندني
والحمد لله زوجي يسمع الى الطرفين بس احيانا اميل الى اهله وما لاداعي
احارب العائله كامل عشان وحده

​

 

[نهى الأحمد]

حلو الموضوع

انا بتكلم عن الاثنين
مرت الاخو
واخت الزوج
في مره وحده مرت اخوها حاطه دوبها ودوب اخت زوجها
كل يوم رايح لزوجها تالف كلام ع اخته مرات ماتالف مرات صج يعني شفت اختك اليوم راحت للمطعم راحت للسوق جوف اختك شنو لابسه شوف اختك بس قاعده بغرفتها لم
جوف اختك ماتحاجيني وجوف اختك اطالعلي بنظره مادري شلون وغير البهارات اللي تحطها ومرات لما زوجها يمنعها من شي طلعه ولا اي شي تقول شمعنى اختك تسوي وانا لا امبي اكره النوعيه من الزوجات
ووالاخو يرووح ويهاوش الاخت و مرات توصل للطق اعوذ بالله ​

اما انا عن نفسي خوات زوجي محترمات وانا احترمهم لو تصير بيني وبين زوجي هواش ومشااكل ماازعل عليهم ولا ابين لهم اضحك معاهم اتغشمر وعادي يعني ولا اييب طاري لزوجي عن خواته ولا لي شغل فيهم حتى لو صج اجووف اخته سوت شي غلط مالي شغل فيها لو زوجي منعني من شي واخته تسوي هالشي مالي شغل اهو متزوجني مو متزوج اخته ​

ومشكورة ع الموضوع​

هلا حبيبتي

العفو ياقلبي

أسعدتني مشاركتج الطيبه

والوحده عليها بزوجها واحترام اهله

 

[Dancing^Queen]

برايي
اللي يصف مع مرته وينسي اهله مافيه خير
لو فيه خير جان صار لاهله قبل مرته
احث ريلي علي علاقته باهله واشجعه علي تقويه علاقته بخواته
ماسمحله يعلق عليهم جدامي او يضايقهم
ولا اتدخل بخصوصياتهم
احترمهم واعزهم وماشفت منهم شر
ماحط نفسي بمجال مقارانات معالهم
واتمني باجر عيالي يكونون جذي

اللي تالف قصص وتحاول تعزل ريلها عن اهله وخواته بالذات بتشوفه بعيالها وبتخسر لانها قاعده تخرب عيله
الاخوان والخوات عزوه بعض