·!¦[· ماذا بعد الرجيم 2012 - الجزء الثاني ،، ·]¦!·

[قَلبڪْ صًخرْ]

حدي متشوقه
كنت انطرج ?


كملي كملي
لايوقف

 

[قطوووة]

الوعي بالرجيم = قوتج

الرجيم مو حرمان .. ولا تعذيب ... ولا منع اي نوع من الغذاء ..

الرجيم هو .. التحكم بالكمية والنوعية ،،

خلونا نشوف هالمعادلات البسيطة .. الحكم لكم ،







بخصوص الكمية ، اذا كنتي تكثرين من الفاست فود خلونا نشوف الارقام

بخصوص النوعية .. شوفوا 200 كالوري جم تعادل :

الخيار لج

متخيلين !! اكثر من ربع كيلو تفاح .. نفس كالوري 28 غرام زبدة !!

الخلاصة :
راقبي نوعية اكلج
حسبي انتي شنو تاكلين ،،





اتمنى الفكرة تكون واصلة

 

[تووته البسكوته]

اي والله عدل كلامج
احنا لو نفكررررر ونحسبها صح جان ماصرنا جذي...بس في امل ...ونقدر نعدل روحنا مدامنا صحينا ...كملي انا متابعتج

 

[قطوووة]

أووووول رد منوو قدي

ع البركة افتتاح الجزء اليديد بعد ماآ استفدنا وايد من للي قبل

ويآرب كلنآ نوصل للي نبيه

بانتظآآآآآآآآآرج حبيبتي

يسعدني تواجد انسانه عندها وعي بالدايت
حياج

هلا هلا



صباح الرشاقه



الله يعطيج العافيــه قطووه .. حدي متشوقه لهالموضوع



( سويت لج فوولوو )

اتشرف باضافتج ... وحياج

متابعينج حبوبة
كملي

من عيوني

 

[قطوووة]

انا سويت دايت نزلت 9 كيلو كرشتي راحت نصها وباقي النص الثاني :eh_s(14):
اشوف نفسي ما احتاج رجيم بس هالكرشة كيف تروح اذا عندك تجربه لها طلبتتتك لاتحرميني من تجربتك :eh_s(7):

راح اتكلم عن مرحلة نحت الجسم تابعيني :rerrerek:

شكرا لمشاركتج لنا بالتجربية الجميله

اتشرف بمتابعتج

 

[قطوووة]

عاااااااشت قطوتنا
قطوة الصراحه من غير مجامله من قريت موضوعج الاول تحمست للرجيم واشتركت بوجبات لو فات
بس تدرين اذا بنقول لا ما اقدر احب البيبسي احب الخرابيط ماراح نوقف لي متى ؟؟؟؟؟؟؟؟؟ لين تيينا الامراض بعيد عنا وعنكم
كل يوم اقول باجر لين حاشني ضغط وسكر ودهون ثلاثيه
وبعدين ؟؟؟؟ البيبسي والخرابيط شنو فادوني
طبعا ماقدرت اقطعهم مرا وحده بس من جربت اسبوعين من غير خربطه غير مره تعلمت انه هالاشياء مو مهمه واقدر ابدل بشي مفيد
وكملي واحنا ويااااااااج

برافو هذا المطلوب الحماس
صدقيني مو صعب تبدلين عاداتج الغذائية
المسأله تحتاج
صبر
عزيمة
وتدريج

قطوة ..

قريت موضوعج بالجزء الاول كله .. عجبني وعطاني افكار وايد حلوة !

عجبني التنسيق فيه وطريقة الطرح ..!

موفقة واحنا متابعين لج اكيد ..

اتشرف فيج حبيبتي وان شاء الله كلنا نستفيد من بعض

قطووه تسلمييين ع الموضوع ان شالله الكل يستفيد منه

بس فيني فضول جم طولج وجم وزنج قبل وبعد؟

هلا حبيبتي

انا طولي 159
كنت 69
الان 58

 

[غـرامـي أنـت]

قطوووه قريت موضوعج القديم عجيييب

والحين هذا جاء بوقته لان صارلي اسبوعين باديه

بدايت السعرات الحراريه

بسراااحه حيييل حلو وحيل ماشي معي نزلت ٢ كيلو

ادري شوويه بس مستانسه فيهم ☺

 

[++The DuchesS++]

انا ماشيه على هالنظام جم سنه
موازنه عدل لو اخربط يوم اليوم اللي وراه اشد شوي على نفسي اقلها ما اتعشا
اذا مابي احرم نفسي وعندي عزايم ومواجيب احااااول كثر ما اقدر على الاقل اني اثبت وزني
وكنت مستحيل اكل وانام
حتى الغدا ارجع من الدوام انام تالي اتغدا اذا قعدت
اذا كنت حدي يوعانه اكل بسكوت اتصبر فيها لين اقعد

بس صارلي فتره 3 اسابيع شهيتي مفتوحه قمت اخربط واكل وانام وحلو تالي الليل
زدت تقريبا 4 كيلو

وبرجع على نظامي القديم الصحي المتوازن

 

[متحديه ومتاكده]

السلام عليكم ورحمه الله وبركاته

الحمدلله اني لحقت ع بدايه الموضوع مو ناقصني الا التشجيع 
وماشاء الله شدني اسلوبج وترتيب الافكار ،
واصلي وان شاء الله اكون متابعه جيده وحريصه ع هالموضوع

بس مااشوف احد تكلم عن المشي !
انا اشوف ان للمشي دور اساسي في نحت الجسم وعن تجربه بس الكسل ذبحني

وعساچ ع القوه حبيبتي 

 

[مـذهـلـه]

ان كنتي مو مقتنعه انج غلط .. راح تكملين بالغلط

صح صح ..

يالله متاابعيين

 

[تووته البسكوته]

عاشت قطوووه ع هالتشجيع الحلووو
بالموضوع الاول شفت البنات يتكلمون عن شي ينشرب ويضعف بس مالقيته ينشرب 3 مرات باليوم ..ممكن تقولين لي شنو اهو بليييز

 

[قطوووة]

ان شاء الله راح ارد عالكل بالترتيب

اعذروني عالتأخير،

بعد شوي راح اتكلم عن جانب جدا مهم بالدايت



حياكم الله جميعا

 

[نارنجه]

أولا
مبرووووك التخرج الف الف مبرووك
:***

ثانيا
فعلا يبيله جززء ثاني ...
مجهووود كبيررر من عضوة تحب الخيرر للجميع
الله يوفقج قطووة

متابعة اكيد ^_^

 

[B7rainia]

حبيت الصور

الي فيهم مقارنات

 

[قَلبڪْ صًخرْ]

قطووووه
انا اول اسبوع نزل وزني ٤ كيلو
ولي شهر من اول اسبوع الحين
نقصت بس كيلو
يعني الاسابيع الاربع بين
وزن ثابت و نزول بجرامات وصعود وزن

الحين نقصت ٥ كيلو بسسس
٤ باسبوع
و١ خلال شهر

تحسين في شي

رجيمي بو ٤ كيلو كان كيميائي
يعتمد عالبروتين وبسسس مع خضروات
ونزول ماكان ماي بس
نزلت ماي ودهون واملاح
ودكتور شجعني قال توووب
عقب ثبت عقب نزل بجرامات
عقب زدت عشان دوره
وعقب نزلت لوزني الي قبل الدوره

بس
جسمي تخصر وخقيت
والكل يقول جسمج ترتب

يعني هال ٥ فرقت علي
بس للحين عندي سمنه !!!


قلت قصة حياتي ��خًخًخًخًخًخً��

بس محتاره ابي نصيحتج
لاني حدي اثق فيج

 

[سالم الروح]

اااااااب ..​

 

[dnyay_mll]

موضوعج القديييم كان روووعه بمعنى الكلمه طبقت كل نصايحج ووايد فادني وعلمني على اشياء ماكنت اعرفها وساعدني حييل بنظامي
انا بديت نظام من 1-2 لي اليوم مواصله نزلت اكثر من 16 كيلو ماشاءالله
وقفت الدايت اسبوعين بس وصعد وزني ورديت نزلته مره ثانيه
اللي كان يخرب علي ايام الفري اول شهرين بالرجيم بيوم الفري ازيد كيلو لي كيلو ونص وارجع انزلهم مره ثانيه
حاليا مايزيد وزني الا اذا خبصت عدل
والحين مستمره بالرجيم لي قبل رمضان

بس ابي نصايح منج لاشياء تمنع احتباس السوائل بالجسم
لاني اخذ كورتيزون وهذا اللي مخلي وزني ماينزل بسرعه
اذا عندج فكره فيديني

 

[love moody]

السلام عليكم 000
الف مبروووك التخرج وع قبال اللي في بالك يارب
انا وزني كان قبل الرجيم 58 وبعدها صار 59 وصار ثابت مادري وش السبب
ابي انزل وزني50 طولي 158

 

[ملامح سما]

موضوعج مھم جدا

وانا كان وزني مثالي بًٍسًٍ مًٍـًٍـًٍنْ حملت

لخبطت الدنيا .. حاشتني شراهه للاكل مًٍـًٍوًٍ طبيعيه

كان وزني قبل الحمل ٥٩ وعقب الولادھ صكيت الـ ٨١ كيلو

وسويت ريجيم قاسي والحين وزني ٧٤ ولله الحمد

فرق ؏ــنْ اول حيل وكنت اعتمد عالتفاح والماي

اذا جعت شربت ماي وكلش كلش اكل تفاحھ

بًٍسًٍ فٰـِٰـٰيْ شغله معقدتني حييييييييييييييل

آنـّـّّـّّّـّّـّاََ طويله جدا ووزني لما ٨١ كله متجمع تحت

وحلو جسمي حًتًـًىٰ وانا متينه لاني طويله

بًٍسًٍ عقب ماضعفت كل شي راح

وطلع لي سفطتين بظهري مًٍـًٍوًٍ رااااااااااضيه تروح

تأزمت منھا عمرھ ظهري مٍـٍْْـْْا صار جذي

سمته وحده بًٍسًٍ ٱٍلٌحٌٍْيُـےّـٍُّن هالسفطتين ابي لهم تمرين

اي شي اسويه ابيهم يروووووووحووووون


سوري طولت بالحجي واتمنى تكملين الموضوع

لاني استفيد منج وايد


//


مودتي

 

[قطوووة]

الجانب النفسي مهم للدايت

معلومة يمكن الاغلب ماراح يصدقونها

نفسيتج اذا ماكانت مرتاحة ( تحلطم .. يأس .. تظنين انج من النوع اللي مايضعف )
هالشي يأثر عليج بشكل سلبي .. شلون ؟
اذا كنتي مؤمنه بهالافكار
راح يعزز عندج الكسل .. والاستسلام ،، وهالشي يدمرج تماما
وخري عن الافكار السلبية

الصبر حلو ..

دايما قولي انا اقدر ..

خلي عندج هدف .. ورقم واقعي للخسارة الاسبوعية ،،
( سوالف 10 كيلو باسبوع و لا 30 كيلو بشهر ابدا ماينفع )





ارحموا اجسامكم وافكاركم من الاشياء الغبية والخرافات!!


ومثل ماقلت بالجزء الاول
ماكو حبة سحرية تخليج سمبتيك
( بنات انا خريجة صيدلة لو في حبوب و لا شي جان انا اول وحدة جربتها ع روحي )

ماكو شي اسمه كريم حارق الدهون
( جان سكروا عيادات التغذية وقعدوا بالبيت )

ماكو شي اسمه كورسيه نحت وخرابيط
(الكورسية ممكن يساعد يشد الجسم مع الدايت بس مايضعف بروحه مع اكل خربوطي!! )


وطبعا الجاي والقهوة شغل يضعف وتجاري .. ماراح اعلق لاني تعبت وانا اقول
بعض هالمشروبات فيها مواد ( مسهله ، محفزة للجهاز الهضمي ، ملينات ، ومدرات للبول )
وحتى لو فعلا احد نزل على اي منتج كان ، هل هو نزول طبيعي ؟هل الشخص مرتاح ؟
جسمج يستحق كل هالتعذيب؟ :bbbiu:



ترى سهل الدايت 1 + 1 = 2
اكل باعتدال + تلحلحي شوي ومارسي رياضة
بس احنا كسووووووولين دايما نبي الشي السهل


وارجع واقول ، خلي عندج ثقة بنفسج وانج راح تحققين هدفج
النزول الطبيعي بالاسبوع من 0.5 كيلو الى 2 كيلو او ممكن اكثر بشوي
هالرقم هذا يخليج ماتردين تكسبين الوزن اللي خسرتيه بعدين

جسمج مرتاح .. والجسم ذكي ماتقدرين تخدعينه




المقال الجاي راح اتكلم عن

تكمله الجانب النفسي .. وشلون تستمدين قوتج منه ،
+
شلون الجسم ممكن يحارب الدايت