.·:*¨`*:·. كبة دجاج غير حياكم يلي بتفرزن.·:*`¨*:·.

[F.A]

بكتب لكم طريقة كبة دجاج دايما أسويها برمضان تعلمتها من طباخ بيت جيران خالتى طباخ حده شاطر_03BA:



1 كيس دجاج نايف فليه صدور
نص جيلة عيش مسلوقه عدل
3 حبات بطاط كبير مفيوح ومهروس
4 حبات بصل كبير
نص رأس ثوم
3 حبات فلفل أخضرحار
1شدة كزبره




هالمقادير كلها انحطها بالفرامه أول شي بالفتحات الكبيره وتالي الفتحات الصغيره

وبعدين انحط الملح + وملعقه وسط كارى + ملعقه صغيره كمون ورشة سماق

وبعدين نكسر ويا الخلطه بيضتين عشان نقدر انشكلة باليد بسهوله اذا كان التشكيل صعب كسري بعد بيض

وبعدها انشكله بالطريقه اللي تبون مدور ولا الطريقه اللي فيها بوز وانمرغه بالبقسماط



تالى اتصففونه بصينيه لمن يتثلج اتحطونه بأكياس

وهذى الطريقه صارلى سنين أسويها مو منقول كلش اللي تعجبها الطريقه واتطبقه أتمنى تدعيلي بالتوفيق

​

 

[*حنان*]

الله يوفقج لما يحبه ويرضاه

 

[شوشو الشقيه]

احتي تسلمين على الطريقه
اختي بعدين شلون تقلينها او تضعينها في الفرن والله شنو
والله تسوين لها مرق صالونه تحطينهم فيهاااااااا وبعدها تخلينه في الجحدر يطبخ
انتي هذه الطريقه لكبه الخليجيه

او كبه شاميه مقليه
اذا قصدج على كبه الدجاج
انا اسويها كبه بالروبيان روعه
طريقتي غير عن طريقتج
بس اختي شرحي لنا طريقتج بالتفصيل الممل وكيف تطبخينها
لان طريقتي انا استخدم الروبيان من بدال الدجاج
وبعدها اسوي لها مرق الصالونه

من اختج شوشو الشقيه
كتبي لي الطريقه عشان اجربهاااااااا اذا نجحت عندي
بقول لج نجحت عندي
اذا في خطا بسئلج

 

[Namlah]

تسلمين على الطريقه
ويعطيج العافيه

 

[F.A]

أختى هالكبة للقلى بالدهن
بس لا تحطين وايد بالمقلى بس 3 أو4 حبات بالمقلي
وبالعافيه

 

[جارة القمر]

مشكووووووووره

 

[noorq8]

اذا ممكن تحددين كم وزن الدجاج لأن أنا ماأستعمل نايف فأبي أعرف كم وزن الفيليه .....وجزاكي الله خير

 

[F.A]

ما أدرى أنا أخذ الكيس الكبير لفليه الدجاج من نايف
أتوقع من دجاجتين
سوري حبيبتى بس اذا رحت الجمعيه وشريت أحطلج الوزن لأنى خلصته بالكبه

 

[[]نهاوند[]]

مشكووووووووووووووووووره حبيبتي وتسلم الأيادي ​

 

[جرح الليالي]

تسلم ايدج حبيبتي

 

[pretty sarona]

الله يعطيج العافيه