×. هرمون الحليب وصل 490 عادي يصير حمل ؟؟ .×

[×. مـلامـح .×]

السلام عليكم ورحمة الله وبركاته ..

بنت خالتي صار لها 9 شهور تقريبا متزوجه و مع اول ايام زواجها طلع معاها التهابات وقامت تتعالج ..

حللت مره عن هرمون الحليب طلع واصل 490 ولما سألت الدكتوره قالت لا عادي تقدرين تحملين .. بنت خالتي غشيمه وماتحب تسأل احد .

عاد مره وحده من خالاتي اسألتها جم واصل هرمون الحليب قالت 490 قالت مستحيل تحملين حيل مرتفع هرمون الحليب !!

فحابه اسألكم 490 عادي يصير حمل ولا مستحيل ؟؟

ومنو احسن دكتوره حق هالسوالف اهي تتعالج عند عاليه الفضلي وحتى االاتهابات للحين ماخلصت عشان جذي حابه تروح لدكتوره ثانيه ..​

 

[madam_cake]

الله يرزقها الذرية الصالحة والله ماعندي علم وانشالله البنات يفيدونج اكثرررررررررر

 

[كويتيه مذهله 87]

خل تسمع كلام دكتوورتهاا

هذا اذا بعد بنت خالتج دكتوووره!!


الله يرزقهاا يااااارب هالشهر

 

[×. مـلامـح .×]

الله يجزاكم خير

بس جم المعدل الطبيعي لهرمون الحليب

 

[Swan]

اختي في اكثر من نتيجه لهرمون الحليب بحسب الجهاز المستخدم بالمختبر
في نتيجه تكون بالعشرينات وفي نوعين من النتايج تكون بالمئات شي 420 على ما اذكر وشي 500 وشي
والله ماني ذاكره النتائج بالضبط بس اهيه خل تشوف ورقه تحليلها شنو المقياس الطبيعي عشان تقارن اذا طبيعي والا مرتفع

وعلى العموم ممكن تحمل اذا كانت النتيجه مو مرتفعه وايد

 

[ميلك شيك]

خل تاخذ علاج لهرمون الحليب وتنزله .. وعليها بالمرميه تشربها على الريق بالصبح وبالليل مفيده والله يرزقها ياااارب ان شاء الله تحمل انا وحده كان هرمون الحليب مرتفع عندي ونزلته وحملت ولله الحمد بس كنت كل يوم اشرب مرميه الصبح وبالليل

 

[vevo]

شوفي حبيبتي انا كان عندي ارتفاع بسيط بهرمون الحليب كان 480 والطبيعي 450 عطاني الدكتور حبوب اللي تنزل الهرمون لمده ثلاث شهور انا حملت وصار معاي اجهاض طلع من هرمون الحليب يعني ممكن تحمل بس تجهض فلازم تعالجه احسن

 

[ايمانو حلوة]

خليخا تاخذ دوا وتنزله للن مرتفع اشوي الطبيعي 400 انا قبل كان مرتفع اكثر من 1000 بس نزلته حملت وانشالله ماتشوفون شر

 

[نفـــائس]

هو يصير حمل مع هرمون الحليب ....................... بس مثل ما قالت الاخت يسبب الاجهاض

وفي مرضعات وايد يحملون وهم يرضعون

 

[مبسمها عذاب]

انا رحت للدكتوره سكينه وسويت تحليل
وكان الطبيعي عندها 18%
وانا كنت 44%
يعني حيييييييييييل مرتفع وعطتني حبوب اكله لمده شهرين وقالت اذا ماحملتي تعالي وكليتها صارلي شهرين ولا حملت ((((((((( للعلم انا فيني تكيس)))))) ولا رحتلها بروحلها انشالله

 

[غيـ الناس ـر]

الطبيعي240 .. خليها تروح لطبيبه ثانيه .. وانصح بنداء بو خضور لهالسوالف شاطره

 

[ni3ssani]

عادي حبيبتي يصير باذن الله انا دايما هرمون الحليب عالي وصار حمل 3 مرات بس ما كمل، لان الدكتور قال فوق 800 يصير خطر

بس ممكن تستشيري الدكتور وهو يطمنج اكثر

 

[المهذبه]

الله يرزقها

 

[أحلى^حياه]

حبيبتي انا كان عندي الهرمون عالي وعالجته
خليها تشرب مرقدوش اذا ماتبي تروح الطبيب

 

[فتكات بنت كيداهم]

وايد عالى والحمل صعب شوى الافضل تنزل الهرمون الحليب ضرورى

 

[روعة خيال]

حبيبتي انا كان مرتفع عندي 954 و رحت حق دكتور عبد الناصر العثمان و وصاني على دكتورة ماجدة كميخ العازمي روووووووووووووووعة شوية عليها انا قعدت عندها شهر و الشهر اللي وراه حملت و الحمدلله بس الحين اهي مسافرة فخل تروح حق دكتور عبدالناصر العثمان استشاري غدد و هرمونات و اهو يحولها عند احسن دكتورة بهالشغلات و موفقة

 

[الريشة]

هرمونها مرتفع شويه
لازم تحت 250
خل تشرب مرقدوش كل يوم
و مرمية مرتين بالأسبوع لأن كثرتها مو زينة بس المرقدوش ما يضر

و ترى الوحدة اذا هرمونها مرتفع ما تحمل فشلون يصير فيها اجهاض؟؟؟؟؟؟

و اذا ارتفع مدة طويلة يأثر على البويضة و تصغر
خل تشرب اللي قلت لك عنه

 

[نف نف22]

اتوقع طبيعي الان انا كان يرتفع فوق 500 واخر مره ارتفع 1600 وتعالجت مع منشف الحليب راجعي الدكتوره وختصه وانصحج في دكتووووووور وايد زين بهالسوالف واختصاص الغدد د.احمد الانصاري راجعي عنده وادعيلي))

 

[الحلوه الأموره]

حبيبتي ،،
أنا ببداية زواجي كان تقريبا واصل 700 وكسور ... الدكتور قالي وايد مرتفع ...
وعطاني حبوب نزلته لييين ال 15 ... قالي الحين زين

بصراحه ماعندي علم جم الطبيعي ... بس دكتوري وايد زين اسمه جعفر قناوي بمستشفى هادي

الله يشفيها يارب ويرزق كل محرومه بالذريه الصالحه يارب

 

[×. مـلامـح .×]

جزاكم الله كل خير بنات ماقصرتوا .. بقولها تروح لدكتور هرمونات وغدد مثل ماقلتوا .