مشكورة جنان على الموضوع اللي اتاح لنا الفرصه للتعبير عما في داخلنا:eh_s(7):
مثل ما قلت لكم المدرسه اللي حطوني فيها بين ابيها وبين ما ابيها يعني سامعه عنها كلام:eh_s(16):
المهم دخلت بكل تفاؤل بريلي اليمين لووول
وسألت الحارس وين مكان الاداره
عاد قال على ايدج اليمين
قلت له الناظره مداومه
قال لي لا بس الوكيله موجوده قلت زين الحمدالله
ما اشوف الا زحمه على جذي مكان على زاويه:eh_s(1):>>> وانا جذي كان شكلي
والا اثاريه كتاب كبير طلع حق اللي يوقعون فيه
استحيت اسأل شسالفه والا وين اروح :eh_s(22):
عقبها شفت وحده لابسه عبايتها وادخلت على مكتب المدير المساعد
انتهزت الفرصه ونطرت شوي برا
وعقبها دخلت وسلمت وعرفتها بنفسي
بس من الحيا ما مديت ايدي اهيا اللي مدت ايدها علي :eh_s(1):للتحيه:eh_s(22):
وامسكتني من جتفي بحنان وقالت استريحي بمكتب السكرتيره عشان تاخذ بياناتج
قعدت شوي والا تيي وحده وقالت انها تعيين يديد
واشوا الحمدالله ان تخصصها بقسم الاجتماعيات علم نفس
بس ما كانت معاي بالدوره اهي تبع محافظه ثانيه
ما ادري اشلون حطوها بحولي !!
المهم قعدنا نسولف وجذي وطبعا اهي دشت على طول السكرتيره لا راحت عند الوكيله ولاشي
يت السكرتيره وخذت بياناتنا وانا من الدهشه حتى رقم تيلفوني النقال نسيته
دزيت حق اخوي واتس اب عشان يذكرني ههههههههههه
بعدين رحت بروحي حق الناظره وعرفتها بنفسي والبنيه الثانيه انطرت برا :eh_s(1):
وقالت لي موفقه وان شاء الله ترتاحين مع ادارتنا ومن هالكلام
شوي والا تيي رئيسه القسم وخذتنا القسم وحدها فرحانه فينا لان على قولتهم عندهم نقص
عرفتنا على الابلات وكان ترحيبهم حلو
بس ما ادري يعني ماكانو هالكثر ويانا ما سولفو وايد
ورئيسه القسم كانت تعبانه شوي فما قالت لنا شي مهم
بس قالت مبدئيا راح تدرسون صفين عاشر وصف 11
وقالت في بعد راح اييون لنا بنات يدد باجر
فيمكن يقل النصاب
وقالت يبو دفترين تحضير
وراح اخليكم اسبوعين مشاهده بما ان احنا مو تربويات
بس ما ادري ليش ما علمونا عن الاشياء الضروريه مثل الاشراف والمناوبه وورشات العمل والاجتماعات ومن هذا القبيل!!!
والطامه الكبرى الجهاز البروجكتور ما عندهم الا واحد والمصيبه الاخرى 3 اقسام عليه:eh_s(14):
بصراحه رئيسه القسم حبوبه حتى الابلات ما شفنا عليهم شي بس مثل ما قلت ما سولفو ويانا وايد
وطلعونا 12 ونص
بس قالو من باجر تبدي سالفه الحساب والعقاب يعني التاخير والغياب وهالسوالف
بس اللي بغيت اعرفه هل لكل قسم دفتر حضور وغياب والا كل يوقع بدفتر واحد :bbbiu:
