آآآآآآآآآآه يازمن أول.........تصريح خطير من ام زوجي

[مساء الرياض]

هلا بنات كيفكم أن شاء الله بخير وسلامه

كنت قاعده أسولف مع ام زوجي عن زمانا :eh_s(16):وزماااانهم
قالت لي زمانكم مافيه حب صدقي لكن زمان هو زمن الحب لدرجة ان الواحد لاماتت زوجته يموت بعدها بفتره من الحزن عليها:eh_s(2):
قمت أفكر ...الحين بزمانا ليله حمراء وصفراء ومدري ايش وقمصان نوم وعطور وهابين الحريم بالالعاب الزوجيه وهداياء وحالت الحريم حاله وقصات وصبغات وماصنعنا ذاك الحب الحب القديم
الحب الاصيل
أول مكحله وقارورة عطر وروز وخط البلده وتسوى عند زوجها عيونه
الفرق بسيط وواضح
الوحده فينا تقعد طول اليوم بالسوق عشان تشتري عطر بس اول طووول ليلها قاعده تصلي وتدعي ربي يسخر لها زوجها
كانو قريبات لله عزوجل
بيده كل شي بيده القلوب يقلبها كيف يشاء سبحانه
بنات لاتفهموني غلط التكشخ والتلبس والعطور اشيااااااااء مهمه وضروريه بالحياة الزوجيه
ومن حسن التبعل للزوج :eh_s(15):بس لاتنسون اهم شي كانو يسووونه جداتنا وامهاتنا وهو الدعاء :eh_s(17):
​

 

[الـفـجـر الـبـعـيـد]

صح كلامج :rerrerek:

وازيد ان الزمن تغير والشباب مو مثل اول حياتهم

من الشغل لي البيت لي الديوانية

ومافي تلفزيون ولا موبايلات ولا نت

ماعنده غير زوجته وعياله الحين نادر ما تلقين

واحد مخلص لزوجته وماعنده وحده ثانية بحياته :eh_s(4):

والله يسخر لنا ازواجنا ومايشوفون غيرنا ان شالله :eh_s(1):

يعطيج العافية

 

[BroKeN GiRL]

والله ياحبيبتي دنيا حظوووظ .. كلن ونصيبه

تجيج وحدخ ماتدش من الباب وماتلبس ولاتكشخ وريحتها اللهم ياكافي وماتعرف اتكلم وهيليقيه
وغلااااااااااااااااااااااااايه رجلها يموت فيها وكل شي تبيه يسويلها

وتجيج الذربه الناعمه الحلوه الرشيقه السنعه المثقفه وحظهاا بالارض لا من زوجها ولا اهل زوجها

نصيب ياحبيبتي .. ... ..
وزمان قبل حبيبتي ماعندهم كشخه وسوالفنا الحين

كل جيل وجيل يختلف

 

[Tulips]

اي والله احلى شي البساطه

بس زمان اول تحول

قبل ماكان فيه هيفا و ميساء مغربي و كيم

اللحين الرياييل يشوفون اللي بالتلفزيون ويبون حريمهم كربونه عنهم ماراح ترضيهم الكحله و غرشة عطر روز واحنا على التنفيذ !!

 

[لبى كل الغلا]

رد : رد: آآآآآآآآآآه يازمن أول.........تصريح خطير من ام زوجي

أي والله صاجه كل شي بيد الله
يسلمووووووووا عسوله

 

[سارة ة]

كل شئ نصصيب

 

[ام خالد 78]

رد: رد : رد: آآآآآآآآآآه يازمن أول.........تصريح خطير من ام زوجي

والله الرياييل تغيروا الله يكافينا شرهم

 

[ام شيخوه]

صح لسانج

 

[أم فـرح الحلوه]

كل شئ نصيب وحظ ..​

 

[*|MaMo0oLLaa |*]

مو شرط

هم كان اول في ريال اقشر يمشي ويطق ويكفخ

انا بالنسبه لي ترجع للريال نفسه ..

وصح كلام اختي الفجر البعيد

التلفزيون والانترنت والدوانيه كلها تلهي الريال

 

[Miss Chanel]

رد : آآآآآآآآآآه يازمن أول.........تصريح خطير من ام زوجي

صح كلامج الدنيا تغيرت
بس هم فيه قبل رياجيل قشرين وماينطاقون الدنيا حظوظ

 

[ام شووووق]

رد : آآآآآآآآآآه يازمن أول.........تصريح خطير من ام زوجي

قبل ماكان في انفتاح نفس الحين

 

[الفدنه]

ونعم بالله
بس حظوظ

 

[الفدنه]

ونعم بالله
بس حظوظ

 

[قاهره عذالي]

رد : آآآآآآآآآآه يازمن أول.........تصريح خطير من ام زوجي

الرجاجيل تغيروا

عن رجاجيل اول

الجيل تغير

قبل للمراه قيمه

للزواج كعلاقه قيمه

الحين ما اشوف له قيمه عند الشباب ولا يحبون مسؤولياته وتبعاته كعلاقه

 

[غزالة سعودية]

الله يوفقك لما يحب ويرضى صادقه والله يختى تمسك المراة بالدين والمحافظه على كل مايرضي ربها الله سبحانه وتعالى يرضيها بماتحب حتى لو كانت ملتزمه وراعيت دين والزوج غير ذالك ولعاب بس والله انه يحترمها احترام هى ماتدرى عنه ولا يمكن يقارنها بغيرها لانها عنده غير يحسها دره له هو بس ودره غااااااااااليه بعد مشكوره اختى على الموضوع والله يجعله فى موازين حسناتك

 

[##سبحان الله##]

مو شرط

هم كان اول في ريال اقشر يمشي ويطق ويكفخ

انا بالنسبه لي ترجع للريال نفسه ..

وصح كلام اختي الفجر البعيد

التلفزيون والانترنت والدوانيه كلها تلهي الريال

فعلا انا اشوف التفاهم الحين اكثر

 

[مساء الرياض]

مشكورين على المرور العطر

 

[راعية الطويلة]

تسلم يمناج
كلام درر
الله يوفقج

 

[DooLy88]

رد: رد : رد: آآآآآآآآآآه يازمن أول.........تصريح خطير من ام زوجي

ههههههههههههههههههههه

موشرط

حتى قبل في خيانات ومعاملة موزينة

والحين بعد في حب اكثر من الحب مال اول

بس مثل ماقالو البنات

نصيب