آحس آن محد لي ..!

[long time]

السلام عليكم ورحمة الله

يمكن تعتبرو مشكلتي بايخه ومالها معنى بس انا افكر فيها طول الوقت عمري 18
احس انه محد يحبني !! مادري ليش شخصيتي كل يحبها احس بالنقص ليش مايحبوني وشش فيني ؟؟ احس اني اكتئب بسبب هالششي !!
وانا شخصيتي هادئة واحب اتكلم واسولف في بيتنا لي معزة خاصة كل العائلة تحبني الحمد لله
وعندي صديقتين احبببهم ججدا بس احس اني انا الي احبهم اكثر وانا الي اتواصل اياهم اكثر
في المدرسة الفصل محد يعبرني ادا صار اي ششي محد يقول لي ششي ! مثلا يسوو مفاجئة لوحده بالفصل يرسلوا لبعض وينسوني مثلا راحو مع معلمة رحلة محد قالي لي :eh_s(16):
وفيه قروب على الواتس اب للفصل يتكلموا فيه اذا قلت اي ششي يحقروني ولحد يعبرني
ولا احس اني محبوبه انا ودي الكل يحبني ويصير عندي كثير صديقات 7 او 8
وتكون شخصيتي مهمه والكل يهتم فيني
وانا اشوف بنات معانا بالفصل الكل يحبهم وش السرر ؟؟
وغير كذا دائما احس اني ماعرف نفسي ماعرف وشش ابغى اصير بالمستقبل اخاف من المستقبل
متردده كيف اختار التخصص الي يناسبني !
أنتضضر ردودكم

 

[Daisy chain]

أكثري من الإستغفار وربي يفرجها لج إن شاء الله

 

[احلى بنوته11]

انتي لا تخلين نفسك مكتئبة كذا
لا تظهرين هالشيء قدام البنات الي في الفصل
لو شافوك كذا بهذي الحاله راح يحسو انك ضعيفة وراح يحقروك اكثر
انتي خليك واثقه من نفسك
وانتي راجعي نفسك ، يمكن انتي احيانا تسوين تصرفات فهموها غلط
حاولي تخلي نفسك طبيعيه ولا تهتمين لاحد
وادعي ربك واستغفريه حبيبتي ترا الدنيا ما تسوى

 

[رحــــيــــل]

حبيبتي لاتشيلين هم وتاكلين بنفسج ممكن هالإحساس ​

الي تحسين فيه ماله أي صحه مجرد شعور أنتي زرعتيه بإيدج وكبرتيه​

أو ممكن يكون بسبب عدم ثقتج بنفسج واسمحيلي على هالكلمه حبيبتي​

بس الناس تحب الشخص القوي الواثق من نفسه يبحثون عن شخص يحتمون فيه ​

غيري من نفسج خلي عندج كلمة وهدف وخليج واثقه من نفسج لاتترددين​

غوصي في أعماق نفسج حتى تكتشفينها واعرفي ميولج ​

وخلي عندج هدف واسعي لتحقيقه ​

وأهم شي الإبتسامه خليج على طول مبتسمه وويهج بشوش تدخلين قلوب الناس بسرعة​

لاتكتئبين وتشيلين عمرج هم توج صغيره والله يوفقج يارب​

 

[نسيم المحبة]

مريت باللي مريتي فيه و توصلت الى ان هالافكار كلها اوهام و عززت ثقتي بنفسي
تقربي من ربج و اقري قرآن و صدقيني بترتاحين و بتتوفقين و بتحسين ان الدنيا بخير

 

[روح امها]

انا ابي اقولج شي كثرة الصديقات مو دليل على انج محبوبة
ماتدرين كثرتهم ممكن تسبب لج مشاكل

انتي تقولين عندج 2 صح
مو الشطارة بكثرتهم اهم شي يحبونج ويخافون عليج وصداقتهم تكون حلوة
وماتكون مبنية على المصلحة

 

[ي حليليِ]

ي قلبي :$'


اول شيء الناس ما تحب الشخصية اللي مثل شخصيتج

الناس تلفت نظرها البنت العوبة ، اللي تتكلم وايد وتكون اجتماعية وايد !


انا عن نفسي هالمشكلة اعاني منها ، بس احياناً لما اكون متميزة بشي ء بالفصل احس الاقبال راح يكون كبير


يعني مثلاً انا بالجامعة احب اسولف واشارك ويا الدكتور .. !!

واكون نشيططة بالحصة وعلاماتي ممتازة


>> يعني لقيت شيء اتميز فيه !


انتي غوصي باعماقج شوفي شنو الشيء اللي ممكن تتميزين فيه؟


واهم شيء ثقتج بنفسج !


ترى مو شرط تكونين محبوبة عند الكل ، يقولوج الذيب يمشي بروحه اما الخروف مايحب يمشي الا جماعة ههههههه

فأنتي اخذي هالمصطلح بحياتج ، و موو كل بنت تسولف معاج تستانسين وتقطين روحج لها ، خليج درة مو اي احد يوصل لها !!


وارد اقولج مرة ثانية ، تميزي بشيء تكونين حابته هواية شعر اي شيء اي شيء يسوي لج سمعة حلوة بين البنات

جذي البنات راح يحبونج اكثر

و احلى شيء يكون عندج روح الفكاهة ، ابتسمي دايم واضحكي وفرفشي

لا تبوزين ترى الناس تحب الضحك







الله يسسعد قلببج باباتي ويحقق لج مرادج !




" دعواتكم لي "

 

[البارونـه]

بهالعمر كلنا تمر علينا هالافكار، انا كنت دوم اتمنى الكل يحبني وعلى قولتج اهتم بربعي اكثر منهم
وحتى كنت احس ان مالي قيمه بعين بنات فصلي
لكن الفرق كان عندي قروب وفاهميني ويحبوني
الايام بتعلمج ، انا الحين حالي من احسن ما يكون ومخليه رضى الناس اخرررر همي
وما اهتم بحد اكثر من اللازم، الي يعطيني اعطيه ، الي شافو ان مالي قيمه خليت هالشي دافع لي اني انجح واثبتلهم انا شنو
انسي الناس، اهم شي انتي واهلج وبس!! ورضى ربج بالمقام الاول طبعا