.. { آحًـاسيًس شعـريًة ..{ .. متَصفح خـاص للآنفَـراد بَـالذاتَ !!

[قايد الريم]

:080402ask_prv:



إذا .. هو يذكر .. ][ايام الغرام ][ .. ويشتكـي للغيـر

فانا .. ماغير ][افكر به][ .. وصدري ، حافظ اسـراره
واذا هو صار بفراقي .. قصيده مابهـا .. تصويـر
فانا لازلت ، بفراقه .. لحن من دون .. / .. قيثاره

 

[قايد الريم]

غَالباً مَا أشعر بإستياء لأنني أحببت لدرجة كبيرة وقد أفقد بها نفسي
رغم ذلك إلا أنني م زلت أفكر في أن أنهض من حفرة المشاعر البلهاء التي أقبع فيها .. كي أعيش بقية حياتي بِ صدق أكثر ،

 

[قايد الريم]

البوح راحه .. وأنا ما أحب كثر البوح ..
ودّي أغني هوى وألبسك وأزهى بــك ..!

الروح .. ما تنقسم وتصير روح و روح ..
وأنا معـك مثل روح الليل فأهدابــك ..!

خذني معك .. لا إنتهينا وإبتديت تروح ..
شيئاَ فـ شيئاً .. إلين أسكنْك و أدفى بك ..!

 

[قايد الريم]

على كثر ما نمت .. ما زلت مرهق ..
وعلى كثر الإرهاق .. ما زلت أحيا ..!

تخنقني العبره على الحال .. وأشهق ..
أردّها .. ولا طاحت , أطيح وأعيا ..!

 

[قايد الريم]

من الغالين .. ولا أغلــى من الغاليــن ..
مدام إنْ روحك العطـره هوى روحـي ..!

إلامني زعلـت وجيـت .. لا تخافيـن ..
وإلامن قلت لك : روحي فـ لا تروحي ..!

صحيح إني أمون .. لـ طعنة السكّين ..
لكنْ مقدر على تطبيـبها .. بروحــي ..!

غلاتك كثرها ..! وش كثرها ..؟ تدرين :
من الآخر .. أحبّـك يا دوا جروحي ..!

 

[قايد الريم]

ليه أنا دايم .. [ يأنبني الضمير ] ..!
وانت . معرض بس صوتك ماعترض

كيف . تسالني .. وانا ( ماني بخير )
الوصال ( علاج ) والفرقا ( مرض )

 

[قايد الريم]

إجروحنا .. ماهيب محتاجه .. لـ ( شرح )
( والادمي ) .. مايفضحه غير .. شرحه ..!

حتى .. ( ضماد الجرح ) . / مايستر الجرح
تلقى بياض الشاش .. ( نسخه ) .. لجرحه

وأنا .. ماعاد ( أجمع ) من الضرب والطرح
مع إني اكثر شخص .. محتاج [ فرحه ] ..!

 

[قايد الريم]

بـ/ افقدك ، لامن همّي جاب لي مـا وراه
اليا طردتني جميـع الخلـق مـن بالهـا !
لاصرت وحدي ، ويومي سرمـديٍ مسـاه
وملت فضاي الهموم [ وطـاب منزالهـا ]
بـ/ افقد حنانك ، اليا اشتد الزمان بـ/ قساه
ولا حولي قلوبٍ مـن حرمانـي ألجالهـا !
قلبك ؟ فقيده عسـى الله مـا يبيّـن غـلاه
لو ساعـة موادعـك مرّتنـي اهوالهـا

 

[قايد الريم]

أبطيت ما شفتك ،

..... ولا [ ذقت صوتك ] !

وبديت احس الجوع

يسكن ضلوعي !

 

[قايد الريم]

يقـول : سمّعنـي جديـدك ، واغنّيـه
واقول : [ يا حظّي ، وحظّ القصيده ]
يا حـظ صوتـي يـوم يدخـل أذانيـه
ويا حظ شعري كـان غنّـا جديـده !

 

[قايد الريم]

مرّت الدنيـا ، والايّـام وعرفنـا
عمره [ الحب الحقيقي ] ما يتأثّر !
في مضامير الغلا طفنـا ، وطفنـا
وغيرنا في الحب كم طاح وتعثّـر
واصعب انواع الخلاف اليا صدفنا ؟
اصطدم في واقـع الحـب وتنثّـر
يا عسى ما نختلف واليا اختلفنـا ؟
[ اختلفنا من يحب الثاني اكثر ]

 

[قايد الريم]

الحب مدري هو قوي ؟

والا انا قلبي ضع ـيف ؟!


بس الوكاد ان الهوى

اصبح على قلبي [ قوي ] !

 

[قايد الريم]

الحق علي قدني من الشوق

بـ / اموت !


وان ما لحقت ؟

الحق صلاة الجنازه !

 

[قايد الريم]

.

اعجبـك ، لا عانـد الوقـت وعيّـا لا يليـن
مـا أمـل عنـاد وقتـي قبـل [ لا يملّنـي ]
اعجبك ، وابيـك مثلـي ليـا جيتـك حزيـن
مشكلـه معارضـه جيـت أبـيـك تحلّـنـي
لا تقصّر مـع حبيـبٍ يحبّـك [ مرّتيـن ] !
مـرّةٍ بلّلتـك الـحـب ، ومــرّه بلّـنـي !
شوف حبّك كنت انا وين ، وودّاني لـ/ وين ؟!
كنت انا بـ/ آخذك كلك ، واخذني [ كلّنـي ] !​

.

 

[قايد الريم]

.

ما اصبحت يوم ؟

الا وذكرك

على البال !

الله يسامح بالي

اللي يجيبك !​

.

 

[قايد الريم]

.

على شوق العيون اللّي تخالف بـ/ الغياب النوم
كبر حبّه ورا ضلعين صدري واعتلـى القمّـه !
انا من يوم ما ربّـي جمعنـا ليـن هـذا اليـوم
وانا احس الدقايق والثوانـي صـارت مهمّـه !
تقاسمنا الوفا ، والحب ، والاشـواق ، والهمـوم
وتفاهمنا على جور الزمن ، وظـروف ملتمّـه
يحاتي كل مشاويري ويلحق شرهته بـ/ اللّـوم
لو انّي ماني وحده من [ بنات الخال ، والعمّه ] ! ​

.

 

[قايد الريم]

.

زعلان مدري وش اللّي مزعل الغالـي ؟!
يمكن لانّي فـي تالـي الوقـت سمّيتـه :
[ سيد حروفي ، وشوقي ، مربك احوالي ] !
والاّ لانـي بـ/ كـل احسـاس حبّيتـه ؟!
اجاهد اشواقي ميـر الحـال مـن تالـي ؟
اسمه في كل قاف مدري كيـف غنّيتـه ؟!
يزعل علي ، ويتغلّـى دون مـا يبالـي !
واقول : ليتـه درى بـ/ الشـوق ياليتـه ! ​

.

 

[قايد الريم]

.

ممكن سؤال وخاطري في إجابـه ..
...............تشفي , خفوق من سبايبك : مجروح .!



اللـي يغيـب و لايبـرر ( غيـابـه ) ..
...............له حق يشره لو رجع مالقا " الروح " .!​

,

 

[قايد الريم]

.

اللقـاء عـلاج مـن بعـد الغيـاب
يمسـح الاحـزان ، ويزيـد الثّقـه
وان حصل بعد اللقا [ نزوة عتاب ] ؟
عانق المحبوب وابشر بـ/ صدقـه ! ​

.

 

[قايد الريم]

.

بعض الألم .. يفرض عليـك اتّكلّـم
.. .. .. .. وبعض الألم بوحه مثل طلعَة الروح ! ​

.