آخر ما قال الاعلام عن أميرنا

[بريسم]

خل نخصص هالموضوع للاعلام و القنوات الفضائية و البرامج اللى تنعرض عن أبونا الغالى جابر

اليوم على روتانا خليجية طلعت حليمة بولند و بركات الوقيان فى برنامج خاص عن جابر حبيب الكل

و كانت مو قادرة تمسك نفسها من البجى و بركات متاثر حده يا حياتى يا كويتيين

حتى مذيعينا فى تلفزيون الكويت وجيهم متصفقة يا عمرى​

 

[طوق البنفسج]

مشاركة: آخر ما قال الاعلام عن أميرنا

شتقولين يابريسم الله يهداج هذا الي راح مو اي احد هذا جابر الشعب بسمه الحب والله الصدمه كانت كبيره على الكل عسى الله يسكنه جنات النعيم و ينتقم من الجزيره حسبي الله عليها

 

[سبائك]

مشاركة: آخر ما قال الاعلام عن أميرنا

انا تعجبت من مذيعة العربيه كانت تسال ولد الصباح ليش الجنازه بسيطه؟؟؟

الشيخ كان طالب تكون بهالشكل؟؟؟

رد عليها جزاه الله خير ان هذي سنة الرسول صلى الله عليه وسلم

 

[جوريه]

مشاركة: آخر ما قال الاعلام عن أميرنا

صج حماره هالمذيعه

ماشوف تلفزيون كلش قولولي الاخبار

 

[سبائك]

مشاركة: آخر ما قال الاعلام عن أميرنا

شي غريب والله يا بنات

قاعده اسمع عن الصحف العالميه شكاتبه عن بابا جابر......

والله كلها تمدحه وتشيد بصفاته ومناقبه رحمة الله عليه........

وحتى الاجانب يتكلمون عن تواضعه وبساطته الله يرحمه.........

يعني اذا الصحف الاجنبيه قاعده تكتب عنه جذي عيل قناة الجزيره ليش ما يتسنعون ويصيرون اوادم بالله!!!!!

 

[bambena]

مشاركة: آخر ما قال الاعلام عن أميرنا

والله شي يونس حطوا عن مصر واحد مصري يقول ان الشيخ جابر اهو اللي موكلنا وفاتح بيتنا وحطوا الناس بالسعوديه والجزائر ولبنان وسوريا وكلهم يمدحون فيه ويعزون الكويتيين وكاني قاعده اطالع اكمل الباجي

 

[بريسم]

مشاركة: آخر ما قال الاعلام عن أميرنا

فى برنامج على الكويت اليوم يقول عضو مجلس الامة الهارون

ان النرويج اعتقد صار عندهم فائض فى الميزانية فما عرفوا شيسوون فيه ... فقالوا لهم ان فيه فكرة حلوة مسويتها الكويت هى صندوق الاجيال القادمة قاعدة تستثمر فيها الفائض من ايرادات النفط
فارسلت النرويج فريق للكويت عشان يتعرفون على هالفكرة الذكية و يطبقونها عندهم ... تخيلوا اشلون دولة متقدمة تاخذ من افكارنا او بالاصح افكار قائدنا الفذ الذكى رحمة الله عليه

 

[عنابه]

مشاركة: آخر ما قال الاعلام عن أميرنا

أحلى شي اللي قاله الدكتور عبدالرحمن السميط عن الشيخ جابر في تلفزيون الكويت .

 

[طوق البنفسج]

مشاركة: آخر ما قال الاعلام عن أميرنا

وين الجزيره طاح حضها من قناه اتي التشوف اشلون شيخنا بحكمته و رجاحه عقله الدول الغربيه على امكاناتها قاعده تستفيد من افكاره و اهي طاح حضها بس قاعده تشب الشر حسبي الله عليها

 

[كويتية في لندن]

مشاركة: آخر ما قال الاعلام عن أميرنا

على طاري الجنازة البسيطة ...........والله اليوم ويانا وحدة بالجامعة اجنبية شافت الجنازة جان تقول ليش وايد ناس طالعين بالجنازة .................قلت لها لان اللي مات اب الكويتيين مو رئيسهم ..انصدمت جان تقول لي لي هالدرجة تحبونه ............... قلت لها لو عشتي بالكويت معانا جان عرفتي يعني شنو جابر بقلوبنا

عسى ربي يرحمه ويوسع قبره

 

[bambena]

مشاركة: آخر ما قال الاعلام عن أميرنا

امييييييييييييييييييييييييييين

 

[طير الحب]

مشاركة: آخر ما قال الاعلام عن أميرنا

يعلها الحراق هالجزيره الله لا يوقفهم ما تشوفون اغلب الدول مانعتهم تصورون

 

[BlUe SkY GuRl]

مشاركة: آخر ما قال الاعلام عن أميرنا

الله يرحمه وما قصرتوا يابنات