آكـــــل ولاا ما آكــــــل

[جـلكسي عـسل]

السلام عليكم ..

مرحباا خواتي انا محتاارهـ


الله يخيلكم لااتقصروون معاي والله يجزاها خير الله لي تفيدني

انا توني عروس اليوم كملت شهر
من ثاني يوم زواج واناا مو متهنيه مع زوجي مع ان قبل الزواج كان بينا مكالمات بس مو ع طوول بين فتره وفتره

على اتف الاسباب تصير مشكله والله احيان احس فيه انفصام بالشخصيه مره يعصب عقب ساعه يرد يضحك ويسولف الوضع طبيعي احترررر من طبعه

وانا احبه وماتخيل اني اتطلق منه واتزوج واحد ثاني

اللي ابيه اكل حبووب ولاا لاا ؟؟
تعبانه من هالسالفه مافي وحده اتنزوج ماتبي اتشووف ضناها .
واخاف اكلها وعقب اتاخر بالحمل ولا لاسمح الله اتاثر علي ماحمل بعدين

وهم اخاف ماكلها اجيب عنون وكل واحد بديرهـ

ودعواتكم لي ربي يصلح حالي معاه لاني تعبت من كثر التفكير

 

[فوفو22]

رد : آكـــــل ولاا ما آكــــــل

الظروف اللي تمرين فيها ويمر فيها زوجج طبيعية ببداية الزواج

ورايي الشخصي انا فوفو لكل بنت

التمهل بموضوع الحمل لمده 6 شهور

استمتعي ببيتج وملابسج وسفراتج وطلعات ووناسه

ولاحقة على الحمال والمسئوليه


بس ما افضل طريقة المنع تكون حبوب

افضل اي طريقة اخرى باتفاق الطرفين

فوفو

 

[~LiBrA~]

رد : آكـــــل ولاا ما آكــــــل

حبيبتي اهو مو زين للبنت اول ما تتزوج تاخذ مانع عرفتي؟؟

قعدي تافهمي معاه واتفقو :قوليله اشرايك نأجل موضوع الحمل جم شهر على مانعرف بعض وهذا الي سويته مع زوجي والحمدالله اقتنع

اول شي فتحت الموضوع معاه لما كنا نسولف ونضحك عادي يعني مومعصبيين... بعدين تحجينا باليهال ومستقبلنا ومن هالسوالف..

عطو نفسكم فتره يمكن الله لايقول ماتصلحون حق بعض

بس اذا حملتي وتبون تنفصلون حرام شنو ذنب البيبي؟؟

الله يهديه انشالله ويوفقكم

 

[ام شووووق]

رد : آكـــــل ولاا ما آكــــــل

ببالعكس الولد بقربلكم لبعض وبتلهين معاه

 

[نفووود]

أحسها صعبه الحبوب في البدايه
ممكن تسبب لخبطه بالهرمونات...
وبالتوفيق ياقلبي

 

[جـلكسي عـسل]

رد : آكـــــل ولاا ما آكــــــل

انا مااودي بالانفصال

بس انا ماضمنه لاانه اغلب كلامه واذا عصب جاب طاري الطلاق بس يبي شي قووي يطلق عشانه موو لاقي .. وبنفس الوقت يبيني احمل منه مستغربه انا منه ومن طبعه ليش معاملته لي كذا

مع اني مو مقصره معاه بشي بس الحمدلله على كل حال

فكرت ان الحمل بيقربناا بس اغلب اراء لي عندي اتقوول احبووب وانا نفسيتي تعبااااااااااااااااااااااااااااااااانه محتاره ..

 

[اخت خالتهم]

رد : آكـــــل ولاا ما آكــــــل

لا تفكرين بالانفصال ولا تيبيين طاريه
لا تكتبينه اساسا
بس فكري شلون تحلين مشكلتج
واتوقع البيبي الصغيرون بيقربكم

 

[واصله]

حبيبتي اقنعيه انكم تنطرون عالحمال شوي وعشان تستانسون وعقب لاحقين عالبيبي
وسالفه المشاكل تري اغلب المعاريس جذي
بس بصراحة كلامه يخوف ليش اهو اللي اييب طاري الطلاق دايما
انتي وضحيله انه هالشي يضايق ولازم ما يعيد ويزيد بهالكلمة

 

[M O O N]

رد : آكـــــل ولاا ما آكــــــل

حبيتي انا مثل حالتج بالضبط توني متزوجه ماصكيت الشهرين وهمن المشاكل من اول اسبوع

طبعا اول شي سويته استخرت ربي وبعدين

قلتله شرايك تبيني احمل الحين ولا نأجل الفكره بعدين واكل حبوب منع حمل

وقال اذا اكلتيهم اذبحج .. فأنتي استخيري بالاول بعدين سأليه وعسى الله يهدي سركم

 

[Vouge]

رد : آكـــــل ولاا ما آكــــــل

لا تثقين بالعزل مهما كان
لأن زوجج لي الحين هو واحد ما تعرفينه و يمكن بي يدبسج معاه بياهل


عندج حبوب .. كاندوم .. لولب .. روحي طبيبة و سئليها أحسن

 

[أم حيدور]

بعد جبدي الوضع جدااا طبيعي

يا كثر ما تحسين بانفصال بالشخصيه هذا

ماعليه يبيلكم بعد فتره على ما تتعودون على بعض لا تتخيلين انه بس تزوجتي خلاص ماراح تتناجرين شوية

اصلا احلى شي لما يراضيييج هالايام لو تبين القمر اييبه لج

حبيبتي لا تاخذين حبوب ولا شي لا تخربين جسمج وبعدين رب العالمين راح يرزقج لما تكونين قدها ..

سواء خذيتي حبوب ولا لا لو الله بيكتب لج الذريه بتحملين بتحملين ..

تتاقلمين شوي شوي مع ريلج بس مو اقل من سنه يعني نطري ..

 

[صفاء القلوب]

رد : آكـــــل ولاا ما آكــــــل

حبيبتي الوضع طبيعي كلنا مرينه فيه اول شي بس بالتفاهم كل شي يصير طولي بالج معاه ترى الريال مثل الطفل واكسبيه من اول شي نصيحه خليج قنوعه ومطيعه والله تكبرين بعينه وشي طبيييييييعي من الحياة العزوبيه الى الزوجيه مو شوي يبيلها وكت خاصتا شبابنا هالوكت مو نفس اول حريه وفجأ فتح بيت اكيد تتغير عليه الحيااه


اخذيها نصيحه من اختج واللله انا الحين لي 3 السنين متزوجه اول سنه الله يعلم بالحال والله صبرت وايد وايد مو شوي والحين يارب لك الحمد عايشه ومرتاحه وكبرت بعينه واول شي ترى الريال بدرس المره ويشوفها ترى الحياه مو شوي مو سنه وثنين عمر والله يخليكم لبعض والله وانتي تتحجين ذكرتيني اول عرسي

وعلى فكره كل وحده تقول كلمت زوجها قبل العرس يكون بينهم مشاكل بالاول بس انتي ادرسيه عدل وشوفي شخصيته وافهميه ورخي الحبل لاتشدينه ترى الحياه حلوه والريال والله والله ياهل كبير اكسبيه يعطيج اللي تبينه من رضاا

وسوري طولت بس الله يعلم محتره وحاسه وانشالله اكون فدتجج

واللله يوفقج انشالله حبيبتي

 

[صفاء القلوب]

رد : آكـــــل ولاا ما آكــــــل

سوري نست اقولج لا تاكلين حبوب حبوبه ترى الذريه نعمه من ربج والله يرزقج انشالله

 

[أنفاسي دخون]

الله يهديه ويسخره لش يا رب

الوضع طبيعي لان كل واحد شخصيته غير الثاني ويحاول يفرض شخصيته ويستأسد عليش والدليل انه يخرعش بطاري الطلاق وهو ميت على البيبي ويبيش تحملين يعني لو انه كارهش او ما بيبش ما جاب طاري البزران

 

[Tom ♥ Jerry]

.

حبيبتي الله يهدآج بدآل لا تفكرين تاكلين حبوب
و تفكرين أنج مآ رآح تكملين معآه :*
فكري بنوع شخصيته زوجج اشكره " مزآجي " !
اقري مقالات و كتب عن هالشخصيه و عرفي شلون تتأقلمين و تتعاملين معآهآ :* !

و عليج بالدعاء و الله يسخره لج !

 

[عاشقة_الجمال]

تفاهمي معاه احسسن

لا تاخذين حبووب وانتي تووج عرووس

ترى مو زين للهرموونات

 

[BiiShOoO]

الله يهديه و يصلحه لج ان شاء الله

 

[G!RLooNa]

الحبوب ما تأثر عالحمل اذا قطيتيها بالمستقبل يعني هذا كلام دكتوره نسا أنا البنت كانت بتصرفلي اياهم عشان مشاكل الدوره... بس الحبوب تلعب بالنفسيه اللزقات احسن.... عموما الحمل حلاته عقب 6 شهور عالاقل مو بس الوحده تعرف ريلها عشان تستانس معاه بعد بدون مسؤولية يهال

 

[G!RLooNa]

الحبوب ما تأثر عالحمل اذا قطيتيها بالمستقبل يعني هذا كلام دكتوره نسا أنا البنت كانت بتصرفلي اياهم عشان مشاكل الدوره... بس الحبوب تلعب بالنفسيه اللزقات احسن.... عموما الحمل حلاته عقب ٦ شهور عالاقل مو بس الوحده تعرف ريلها عشان تستانس معاه بعد بدون مسؤولية يهال

 

[i'm so happy]

بعدكم متزوجين وكل بيت مايخلى من المشاكل حبيبتي لكن لو جبتي بيبي كللل شي بيتغير نفستج انتي بتتغير وبترتاحين اهو بيستانس
دامة متشوق يكون اب ناس تتمنى هل لحظه حبيبتي بس انتي فكري اول شوفي قرارج اذا عن العصبية كل من يمتلك العصبية
والزعل والمشاكل لكن مستمر بحياته وصابر ولله الحمد عادي ياقلبي بعدكم متزوجين كل واجد للحين مااخذ على طبع الثاني
وماعرفتوا بعض اكثر واكثر والدليل ماكنتوا تتكلمون وايد في التلفون وتعرفون بعض غير من فتره بسيطه جدا انا نصيحتي
لي جبتي بيبي كل حياتج بتتغير لي الاحسن وراح تنشغلين معاه