آكون شآكره جدا للي تحب تساعد وتكسب اجر فقط .!

[MzOoOn 22]

السلام عليكم ..

حبآيبي مسآعده لاهنتوو ..

اللي تحب تسأعدني اكون شاكرتلها وايد وراح ادعيلها والله .!

لكن اللي ماتحب بس ع الاقل رفعي الموضوع مو ادشين وتمشين جزاج الله خير ...




أهدافي :


يميز بين الزي الشعبي الكويتي وغيره من الازياء

يحرص ع لبس الملابس الشعبيه القديمه

يلعب بالالعاب الشعبيه القديمه




ساعدوني بالهدف الاول والباجي مقدور عليه:eh_s(10):

 

[جميله55]

اب اب

 

[سري الدفين]

السلام عليكم
أممممم ما أدري أذا راح يفيدج كوني توني ببداية التعلم بس يمكن تستفيدن
تقولين قصه عن أمل وأخوها أحمد أنهم في رمضان وتبي تروح مع باقي الأطفال للقرقيعان وتلبس أهيا وأخوها ملابس خطأ تحطين صورة للأمل وأخوها مثلا لابسين بنطرون وأمهم تقول لا ملابسهم ما تصلح وتسألين الأطفال عن الملابس الازمه وبعدين تتناقشينهم بأن هذه ملابس أهل الكويت قبل وبس أتمني أكون فدتج وأدعيلي
((( ماشاء الله ولا حول ولا قوة ألا بالله )))​

 

[أريد حلا]

أهدافي :


يميز بين الزي الشعبي الكويتي وغيره من الازياء :

مثل ما تفضلت الاخت اللي فوقي تحطين صور ومثال عليهم

او تيبين العاب لبس الكويتي الشعبي الشداشة والغتر والعقال وتورينهم الفرق بينه وبين اللبس العادي اللي الحين


يحرص ع لبس الملابس الشعبيه القديمه

تخلين احد الاطفال يرتدي اللبس فوق لبسه يمكن صعبه شوي مادري بس كمثال حلو

يلعب بالالعاب الشعبيه القديمه

توفرين الالعاب مثل درباحه بمجسم حلو او تحطين صورهم

حلوة لان دام يلعب


،،،،،،،،،،،،،،،



بالتوفيق يارب موتخصصي بس حبيت ارد​

 

[MzOoOn 22]

مشكورين خواتي

 

[3so0ola]

منبهج لعبه ذهنية ابحث عن العنصر المخالف وهي لعبه تقوي الملاحظة عند الطفل
خليه عالداتا صور بنات ٦ مثلا لابسين ملابس عاديه ووحدة شعبي
او محسوسات عرايس لابسين عادي ووحدة شعبي
وقولي للطفل شنو تشوف شنو تلاحظ*
لين يقولج وحدة ملابسها غير شعبية
مناقشه شنو هالملابس وين نلبسها ومنو يلبسها
ونفس الشي للولد تحطين صور اولاد لابسين عادي وواحد شعبي
عرضي فيديو قرقيعان وخل يقرقعون
وبعدها لعبيهم العاب شعبيه*
واخر شي قعديهم وقوليهم عندج رساله من يدتج
صوري يدتج واهي تنصح الاطفال وتتكلم عن اللبس الشعبي
وتوصي الصبيان يلبسونه حق المسيد مثلا وتوصي البنات يلبسون دراعه بالقرقيعان وجذي كختام للحلقه عشان يهدون عقب الالعاب
والله يسهل عليج وعلينا



تابعينا بتويتر ندز افكار وشغلات تفيدج
@markazm3