آنا مو آنا !!!!!!!!

[شعولة العسولة]

السلام عليكم و رحمة الله و بركاته



بنات هل في يوم طالتعو المنظرة و حسيتو أن الصورة المنعكسة عليها مو أنتو

هل حسيتو أن الصورة إلي عالمنظرة ماهي إلا نسخة كونتها الظروف و الحياة

بس الشي إلي في داخلكم ثاني ؟؟؟؟؟

أقصد شخصياتكم و أفكاركم آمالكم و طموحاتكم حتى أشكالكم هل هي تحمل

تراكمات الماضي كلها تجمعت و تكودت و طلعت الصورة إلي قدامكم

الماضي إلي مو قادرين تنسونه و إلي صار مثل الضيف الثقيل يمر عليكم كل يوم عشان يذكركم بشي

أتنو أصلا مو ناسينه عشان تذكرونه ؟؟؟

هل سألتي نفسج و أنتي واقفة قدام المنظرة

(آنا مو آنا آنا إنسانة أنجبرت أني أكون على هالصورة بس إلي في داخلي شي كبير

أنكسر و ظنيت أني نسيته بس ما نسيته لأني كلما أوقف قدام المنظرة يطري علي

و أسأل نفسي و آنا أمرر إيدي على ويهي

شلي صار لي !!! وليش ؟؟؟ حتى صورتي ماعدت أعرفها و ماعادت آنا !!!!)

 

[puppet]

أنا ما أحس جذي ..

 

[صلي على النبي]

ممممممممممممم ولا مره حسيت الحمدالله مقتنعه بالي ربي عطاني اياه


















بسم الله الرحمن الرحيم

اللهم صلي وسلم على نبينا محمد

استغفر الله العظيم واتوب اليه

سبحان الله وبحمده سبحان الله العظيم

لاحول ولاقوه الابالله

لا اله الا الله وحده لاشريك له له الملك وله الحمد وهو على كل شي قدير

سبحان الله والحمدالله ولا اله الا الله والله اكبر

بنااااااااااااااااااات عفيه دشو هنا



http://www.q8yat.net/showthread.php?t=507184
















--------------------------------------------------------------------------------


السلام عليكم ورحمه الله وبركاته

بنات الله يهديكم

كلمه إن شاء الله تكتب كذا (((( إن شاء الله ))))

موووو ,,,,,,,وليس,,,,,,,, وحرام تكتبين كذا ((( إنشاء الله ))))))

لانه في الأولى بمشيئه الله

والثانيه والعياذ بالله إنشاء أي أنه ينشئ رب العباد والعياذ بالله

فهمتوا الله يرفع قدركم

أنتبهوا .... أنتبهوا

 

[شعولة العسولة]

في بعض الأحيان .......


نكون نضحك من قلب بس إلي في داخلنا يكون غير

نكون نجامل بكل ود بس رأينا في هالشي غير

نكون نبكي بدموع غزيرة بس السبب يكون خير

نكون نحس بروحنا تذبل بس نعيش عشان الغير

نكون من الحزن كارهين روحنا بس نظل نحب الغير

نكون في قمة الذل و الإنكسار بس نظهر القوة للغير

في بعض الأحيان ..............


نضطر نظهر أشياء ماتمثلنا و لا نحس فيها بس لأنه موكل

شي كل شي نحسه ممكن نقوله و لا كل شي يمكن نفضفض

فيه ممكن يفسرونه بالخير

عشان جذي نظهر على شخصيات ماتكون أحنا ولما

نيي نطالع روحنا بالمنظرة ....ونشوف الشي إلي ماحد يقدر يشوفه غيرنا

حينها نسأل باستغراب.........!!!

منو هذي و ليش (آنا مو آنا )؟؟؟؟؟

و الجواب الوحيد يكون (الدنيا تتطلب منا أنا نكون غير ........ ليش ؟؟؟؟؟؟ مادري بس عساني ألقي عندكم

تفسير ياهل الخير !!!!!)


تحياتي لكم

مشاعل

 

[StrOnG WoMeN]

شعوله نفس الاحساس
ممكن من بدايه الشغله كان الاختيار خاطيء فالزمن نبي يمشي
على جذي لازم ندفع الثمن ونمثل الدور بان نكون انامو انا
ولكن كل شي له حد مع الوقت
وهم في شغله تخلينا نكون مو انا الي اهي الحياه نمشيها بكل الطرق
مالنا نغير نمثل بهل دورللاسف الشديد
ولكن لظروف صعبه جدا اهني الوهقه الحقيقه:s141:
مثلا ع المثل الي يقول ((لجل عين تكرم الف عين))
يعني مانافق مستحيل بصراحه بس نضحي
خااااااااااااااااااصه لاسف اذا كانت حياه زوجيه
لازم نساير الدنيا واكون مو انا واي على عمري عشان العيال:ioljnmlk: يعيشون
وبالنهايه ان شاء يارب:yaaaaaarb: نظهر على ماانكون و نمثل الكلمه انا
والله ينصرنا ع المواقف الصعبه
بس تدرين متى القهر اذا انتي كل شي سويتي للناس وتسمعين كلمة انتي
ماسويتي شي اهني حسافه بكل لحظه كنتي موانا:eh_s(2):
اهني انا اقول لنفسي اسفه اني جبرتج باشياء على شي مايستحق ولا يستااااااااهل :ssssso:
كانج يتي بالوقت
وكل عام وانتي بالف خير والمنتدى كله:jbdwjbd:
وربي يوفقج ويسعدج :eh_s(17):
اختج وليده القدر

 

[شعولة العسولة]

واااااااااااااااااااي أخيرا حصلت أحد يفهمني و يفهم المغزى من موضوعي


حياتي و الله يا (قدروة ) ماحد فهمني غيرج

الأنسان في هالحياة تمر عليه لحظات و تنفرض عليه قرارات مستحيل (في نفسه ) أنه يفبلها بس

مايكون في حل غير أنه يوافق عليها و يتاقلم معاها و هني يكون (مو أهو )

شعور صعب أن الأنسان يبعد حتى عن ذاته عشان تستمر حياته


حياتي و الله يا (قدورة ) فديتج و فديت ردودج الرائعة لا تحرميني منها أبد

أش رايج باسم الدلع (قدورة )


تحياتي لج

مشاعل

 

[شعولة العسولة]

شنو القرار أو لموقف إلي أنفرض عليج

و تصرفتي فيه على عكس شخصيتج تماما ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

 

[StrOnG WoMeN]

هلا شعوله
حياتي فديتج ع الكلام
ورايي بدلعج
ذوق واحساس
تبين موقف لي او قرار
في شغله صعب ع الانسان يتحملها
لكن لازم اصير انا مو انا واتحملها عشان اعيالي
وهي الخيانه الزوجيه شي محد يحبه اتوقع وصعبه
بس انا على يقين مردوده الدنيا دين والله بيوري كل شخص
ظلم نفس الي شفنا
بس ترى مو انا اخون لامستحيل اصلح غلط بغلط
المقصد الي خان وطرق الي كان بسطر الخيانه لكن
الله بنتظاره ويضاعف الي ورانا يا وخاصه من غير ذنب هذا الي يحرق
ولا لو ع الشخص راح ولا رد ماله مكانه يصير بعد اي جرح
وشغله ثانيه انا مو متكبره بس تعز علي نفسي واييييييييييييد فيسموني متكبره ماعلي الناس فاهمني غلط
لكن بمثل موقفي دست على كبرياي ورضيت بالواقع المر يعني تنازلت
على اهم شغله امتلكها الكرامه
و قمت اتنازل واضحي على كثير قرارات صعب ع الانسان يقبلها
بس لاسباب تحدني وامثل دور مو دوري :lkmnkl:
عطيتج ممكن اصعب موقف وقرار اتخذته بحياتي:eh_s(2):
بس ماعلي كل شي يهون بالدنيا
ويعطيج العافيه
اوكي انتي ذكري موقف يمثل انتي مو انتي؟
كنتي مع مقتطفات قصه وليدة القدر

 

[شعولة العسولة]

و الله أنا ياقدورة واجهت شي أصعب من إني أعرف أوصفه

يمكن عند الغير يكون بايخ بس كان له أثر كبير في حياتي و غيرني تغيير كبير فصرت أحس أن (آنا مو آنا )


آنا واجهت (شماتة الأهل ) شي مهين و صعب و يجرح فوق ماتتصورين خاصة إذا كنتي تحبين أهلج و ماتكنين لهم غير

حب و خير


في قمة ذلي و أنكساري كنت ألمح فيهم نظرة الشماتة و الفرح على حالي الشي هذا (قتلني )

فصرت تقريبا مثل المجنونة يعني حتى لو كنت ميتة ميتة من الحزن و لازم أقابلهم


أوقف جام المنظرة و أقرر أني ألبس القناع الضاحك

أقابلهم بابتسامة عريضة و صوت كله فرح و تفاؤل ولهث من السعادة وهم (طاقتهم البوهة )

أطيح أي شي بالأرض بس عشان أوطي راسي و أمسح دمعتي من غير لا يشوفني أحد

أو أسوي روحي ميتة من الضحك على شي مايسوى بس علشان أمسح دموعي (اونه ) دموع ضحك

و هي دموع تحمل كل معاني الحزن وبالأخير لما أدش غرفتي و أطالع مرايتي أسال نفسي

من آنا و أشلون صرت جذي

ماعدت أعرف نفسي لأن (آنا مو آنا )


تحياتي لج

مشاعل

 

[شعولة العسولة]

قدورة إلي (يبيعج برخيص بيعيه بالتراب )

و كل خاين و ظالم بييله يوم ربج (يمهل و لا يهمل )

الله يوفقج و يخليلج عيالج و يعوضج بعيالج خير

لا موبس بعيالج أتمنى أني أشوف لج كتب في الأسواق و أن أسمج يبرق في سماء الأبداع ياأحلى مبدعة

و أغلى عضوة على قلبي و الله لو مارد أحد على موضوعاتي غيرج رح أظل مستانسة حدي

ولو الكل رد من دون ماشوف ردج مارح أحس أن الموضوع إلي حطيته (أي شي )

للأمانة الله يوفقج و يديم بينا المحبة

تحياتي لج

مشاعل

 

[StrOnG WoMeN]

تسلمين حياتي
اخاف انتي فاهمه الموضوع غلط مع اهلج
واذا كان موضوع صج مثل ما انتي فاهمته
الله يصبر قلبج ويحنن قلبهم عليج وان شاء الله انتي تنظرين للموقف نظره حلوه
اتجاهم او يمكن انتي سويتي شغله ماعجبتهم شعوله
راجعي نفسج بعد شوفي شلي غيرهم وربي يرجع شملكم على حب وحنان واحترام
تدرين الموقف الي قلتي تسوينه
وانتي تنزلين تبين تاخذين شي من الارض يصير فيني لحد الجنون الموقف
مابي احد يشوف دمعتي
او البس نظارتي بالشمس وابجي بي لناس جني مينونه ع الي يصير فيني
تدرين تحوشني حاله ان انا قاعده بين الناس واذكر الي صار لاشعوريا ابجي
والله ماينسى احد ان شاء الله نرتااااح ونصير انا انا
ياشعوله
واشكرج على كلامج الحلو وربي يسعدج دنيا واخره ويوفقج بدراستج
بس حاولي تكسبين الموقف مع اهلج
الانسان بالنهايه ماله غير الاهل صدقيني
تقبلي مروري وليدة القدر

 

[شعولة العسولة]

أكيد الأنسان ماله غير أهله و أنا مهما صار أظل أحبهم و أعزهم لأني أعرف أن هذا طبع الأنسان وبعدها يطخون و يتسامحون منج المهم أن الواحد فينا يستفيد من كل موقف يمر عليه و مايظل يتذكر الماضي و يتحسف على شي راح و مارح يرد . كل تجربة تمر بالشخص تغير فيه
أشياء و تعرفه على قدرات كانت فيه وهو مايدري فيبدأ يستغلها و ينميها حتى تصير جزء من حياته و شخصيته .
مهما صار و مهما حصل كل واحد فينا لازم يوقن بأن الله مايختار للإنسان إلا الشي إلي فيه الصالح و الخير يمكن أنت ماتشوف الجانب الحسن من المشكلة بس بعدين كل شي يظهر و يبان و تعرف أن الشي إلي صار لك أهو الأفضل لك و لحياتك
كل ما كان أيمان الشخص بالله قوي مستحيل أي شي يهزه و مستحيل أي أحد يغلبه لأن الله رحيم و روؤف بالعباد
الله أرحم فينا من أمهاتنا و من أنفسنا
اللهم أجعلنا من عبادك الذين تحبهم يارب العالمين
الللهم آمين

تحياتي لج

مشاعل

 

[StrOnG WoMeN]

ماعلي حبيبتي المهم نتعلم هذا الكافي
المهم نعطي بحدود
ولازم نرد نكون احنا مع الوقت
قولي ان شاء الله

 

[شعولة العسولة]

أكيد رح أرد و أكون آنا بأحسن و بأحسن مما كنت عليه بعد لأني واثقة أن الله مايرضى بالظلم و كل واحد تكلم عنا أو جرحنا بأي كلمة

رح تنرد له بأضعاف من إلي سواه

كل أمنيتي أن الله يعيني و يعينج أن نكون مثل ماتمنينا و أقوى بعد

إن شاء الله يي اليوم إلي نلتقي فيه و احنا في أعلى المناصب

حضرتج تكونين ( الكاتبة المبدعة قدر )

و أنا أكون ( الدكتورة مشاعل )

باذن الله يتحقق الحلم و نطالع روحنا بامنظرة و نحس أن أحنا أحنا

و أخيرا أقول لصورتي ( آنا آنا )

_بس حزتها يمكن أكون بحاجة لعملية تجميل _

إن شاء الله يارب يارب تتحقق كل أحلام الأمة العربية و الأسلامية

آمين


تحياتي لج

مشاعل

 

[شعولة العسولة]

بنات المنتدى و عضوات أبداع كانت هذي قصتي آنا و الأخت الغالية (قدر )


ياريت نقرأ آراءكم و نعرف رأيكم في الموضوع موشرط تكتبين قصتج و أنما أبي جواب على سؤالي


هل في حياتج أنجبرتي أو أضطريتي تكونين على شخصية مو أنتي و لا تمثلك تماما

و شنو كان شعورج في ذيج الفترة

ناطرتكم تنوروني بردود كم

تحياتي لكم

مشاعل