السلام عليكم ورحمة الله وركاته
لما يقولون الموت علينا حق أمر طبيعي هالشي بس لما تاخذ غالي صعب نفهمها أو نتحمل معني هالكلمه ألا لما نكون أيمان كامل بالله سبحانه والله يعينا ونكون مؤمنين بقضاء الله وقدره.. عادي أفقد كل الناس بهالدنيا ويمكن شي قوي أللي أقوله بس صج عادي أفقد أخوي أختي عمي خالتي بس أللي موعادي أفقد أمي أفقد أللي كانت تقعدني أفقد أللي لاتعبت تخاف علي أكثر مني أللي لاياني خير فرحتلي أللي بحياتها ماجذبت علي بحياتها مادورت من وراي مصلحه سنه ونص موقادره تنسيني فرقاها موقادره أشيل أثاث دارها موقادره أنزل عبايتها من الشماعه بداري موقادره أخلي أحد ياخذ صورها فقدت أللي لازعلت وتظايقت من أحد ييت ونمت بحضنها فقدت الحضن أللي ريحته تريح أعصابي وأحس أني بأمان فقدت أللي عسي ماحد يقولي كلمه ماتعجبني من أخت أو أخو أركض عليها تروح تقولهم مالكم شغل فيها هذي جعدتي وتدلع علي كيفها فقدت كلمة يمه وينج لارديت من الداوم تقولي روحي صعدي دارج بدلي وتعالي تغدي وأذا قلت مابي ماتنسي تقعد طول اليوم شريفه ماتغدت أكيد تعبانه وأذا قعدت أكل عشان خاطرها تقعد تراقبني وتقولي ماكلتي صحنج كله حتي لقمتي أللي أكلها تبيني أنتفع منها زهدت الدنيا بكبرها وزدهت الضحكه بس لما أحد يزفني من أهل البيت كنت أركض لداري وأطلع هدومها وأشمها وأقول لو موجوده يتجرأ أحد يقولي كلمه كانت محاوطتني من كل صوب أشكيلها همومي وتريحني دايما بردها أنتي يطفرونج لأنج أحسنهم وأحلاهم كنت أضحك لما تقولي جذيه يوم اليمعه أقعد من النوم علي أيدها تلعب بشعري قومي منو المزيونه أللي بتريق مع أمها كانت تمر لحضات ماأسمع كلامها لما أروح السوق معاها لا يمه شفهمج بالموضه ألحين أقول تعالي لو تقولين لبسي خيشه ألبس بس أشوفج جدامي لما تصير زوارة أهل أو يمعه أحس أني مثل الياهل أللي مظيع أمه أقعد أطل بالغرف اقول لا مستحيل بتطلع أهي مسافره أكيد بترد عقب أتعوذ من الشيطان قمت أكره اليمعات عشان ماتذكر أمي قمت أكره أحد ينطق جدامي أسم يمه كل ماأقعد بالصاله أقول ألحين بطل علي أنام وأقوم و أقول متي بتيي تقعدني كل شي أستوعبته ألا فقدتها مو قادره أستوعبها رحت عمره وأستغفر وأدعيلها بس مو قادره أنساها لأن كانت أهي روحي وحياتي وقلبي فقدتها أحس أني مقطوطه في صحراء بروحي حتي لو أهلي وأخواني موجودين وجودهم موكافي دام عمود وشمعة البيت مو فيه فقدت أبوي قبل عشر سنوات والله ماصار فيني أللي صاير فيني ألحين حزنت عليه وبجيت بس مو نفس أمي أبوي مرض وتعب بس هذي فجأه قبلها بيوم قالت نامي عندي لما نمت عندها قالت تدرين أنتي الوحيده من خواتج الحنونه عساني أشوف عيالج والله مادريت أنها أخر دعوه بتقولها وأخر نومه بحضنها لي دخلتها الطبيب يوم واحد قعدت عند رجولها أبوسها أقول شوفي أذا صار فيج شي ترا بروح وراج من صجج أقعد بالدنيا وأنتي مو فيها وماكانت ترد علي راحت الغاليه صج لما يقولون غاليه صج تلوق عليها يارب أشوفج بالجنه يالغاليه ..
لما يقولون الموت علينا حق أمر طبيعي هالشي بس لما تاخذ غالي صعب نفهمها أو نتحمل معني هالكلمه ألا لما نكون أيمان كامل بالله سبحانه والله يعينا ونكون مؤمنين بقضاء الله وقدره.. عادي أفقد كل الناس بهالدنيا ويمكن شي قوي أللي أقوله بس صج عادي أفقد أخوي أختي عمي خالتي بس أللي موعادي أفقد أمي أفقد أللي كانت تقعدني أفقد أللي لاتعبت تخاف علي أكثر مني أللي لاياني خير فرحتلي أللي بحياتها ماجذبت علي بحياتها مادورت من وراي مصلحه سنه ونص موقادره تنسيني فرقاها موقادره أشيل أثاث دارها موقادره أنزل عبايتها من الشماعه بداري موقادره أخلي أحد ياخذ صورها فقدت أللي لازعلت وتظايقت من أحد ييت ونمت بحضنها فقدت الحضن أللي ريحته تريح أعصابي وأحس أني بأمان فقدت أللي عسي ماحد يقولي كلمه ماتعجبني من أخت أو أخو أركض عليها تروح تقولهم مالكم شغل فيها هذي جعدتي وتدلع علي كيفها فقدت كلمة يمه وينج لارديت من الداوم تقولي روحي صعدي دارج بدلي وتعالي تغدي وأذا قلت مابي ماتنسي تقعد طول اليوم شريفه ماتغدت أكيد تعبانه وأذا قعدت أكل عشان خاطرها تقعد تراقبني وتقولي ماكلتي صحنج كله حتي لقمتي أللي أكلها تبيني أنتفع منها زهدت الدنيا بكبرها وزدهت الضحكه بس لما أحد يزفني من أهل البيت كنت أركض لداري وأطلع هدومها وأشمها وأقول لو موجوده يتجرأ أحد يقولي كلمه كانت محاوطتني من كل صوب أشكيلها همومي وتريحني دايما بردها أنتي يطفرونج لأنج أحسنهم وأحلاهم كنت أضحك لما تقولي جذيه يوم اليمعه أقعد من النوم علي أيدها تلعب بشعري قومي منو المزيونه أللي بتريق مع أمها كانت تمر لحضات ماأسمع كلامها لما أروح السوق معاها لا يمه شفهمج بالموضه ألحين أقول تعالي لو تقولين لبسي خيشه ألبس بس أشوفج جدامي لما تصير زوارة أهل أو يمعه أحس أني مثل الياهل أللي مظيع أمه أقعد أطل بالغرف اقول لا مستحيل بتطلع أهي مسافره أكيد بترد عقب أتعوذ من الشيطان قمت أكره اليمعات عشان ماتذكر أمي قمت أكره أحد ينطق جدامي أسم يمه كل ماأقعد بالصاله أقول ألحين بطل علي أنام وأقوم و أقول متي بتيي تقعدني كل شي أستوعبته ألا فقدتها مو قادره أستوعبها رحت عمره وأستغفر وأدعيلها بس مو قادره أنساها لأن كانت أهي روحي وحياتي وقلبي فقدتها أحس أني مقطوطه في صحراء بروحي حتي لو أهلي وأخواني موجودين وجودهم موكافي دام عمود وشمعة البيت مو فيه فقدت أبوي قبل عشر سنوات والله ماصار فيني أللي صاير فيني ألحين حزنت عليه وبجيت بس مو نفس أمي أبوي مرض وتعب بس هذي فجأه قبلها بيوم قالت نامي عندي لما نمت عندها قالت تدرين أنتي الوحيده من خواتج الحنونه عساني أشوف عيالج والله مادريت أنها أخر دعوه بتقولها وأخر نومه بحضنها لي دخلتها الطبيب يوم واحد قعدت عند رجولها أبوسها أقول شوفي أذا صار فيج شي ترا بروح وراج من صجج أقعد بالدنيا وأنتي مو فيها وماكانت ترد علي راحت الغاليه صج لما يقولون غاليه صج تلوق عليها يارب أشوفج بالجنه يالغاليه ..
