أباطــي أحترق !

[الخالديّـة]

السلام عليكم ..

مسائكم / صباحكم خير ..

طبعاً صاكه فيني الدنيا و متوهقه , الأوادم تتجهز و تشتري ملابس العيد و أنا أعابل بـ أباطي :eh_s(1): ..

أهو مره أنا كنت توني حافه أباطي [ شيره ] الصبح و قمت قبل لا أنام خذت خلطة أختي [ صاحبة النك ] الخلطة الصابونية مع فكس , و حطيتها كنت أحس بشوي حراق بس قلت معلي , و أنا على بالي أحين أهي تسوي مفعولها بما أنها تحر ..

حسيت بقوم باجر أباطـي فوتوشوب :eh_s(4): ..

قمت الصبح حق الجامعة إلا أشوف أباطي أسود بشكل مو طبيعي , سواد مو صج يعني باين أن المنطقه محترقه
, و من يومها أعابل فيه ماكو فايده .. لايعه جبدي حتى أشوفه بالمنظره , أستغفر الله :eh_s(16): ..

فـ من صار معاها جذي , أو تعرف حل حق المشكلة , تكفوون لا تبخلون علي ..

و يتقبل الله طاعتكم ..​

 

[@محبه الرحمن@]

حبيبتى رديلي بالخاص وان شاء الله بفيدج

 

[مـلـآذ الخـوآطر]

أستخدمي سودو كريم والله يعينج

 

[زبــــــــدة]

استخدمي فير اند وايت للمناطق الحساسه راح يفتح ويااج واايد واهوا طبي وماركة فرنسيه تلقينه بالصيدليات او في بوتس ...

ولا تحطين سوالف خلطات مو مضمونه بهالاماكن مو زين

 

[ام عبد العزيز م]

اب اب

 

[barraya]

نطري لين يخف الحرق
وبعدين ييبي ملح الحليب هذا الي بنص اي نوع عادي وانتي تتسبحين حطي شوية منه على اباطج ونطري من خمس لي عشر دقايق وفركي عالخفيف بعد هالمدة ولازم استمرار وبتشوفين نتايج سريعة انشالله

 

[مزيونه وشقره]

حبيبتي المفروض عقب الشيره بيوم كامل ما تستخدمين شين وانتي حاطه صابون وفكس

من اليوم يوميا بليل حطي كريم ميبو والصبح تسبحي و حطي مسحه ماي ورد و كريم سودو مع ديودرنت بايوت لا تستخدمين غيره استمري اسبوع سبوعين لمن يخف

وبعدين استخدمي زيت اللوز المر يوميا قبل الحمام بساعتين او ساعه وبعدين تسبحي وغسل يالمنطقه عدل وحطي كريم الد كوين فور و لمن تتشربه بشرتج استخدمي ديودرنت بايوت وبس وبالتدريج راح تلاقين المنطقه ردت مثل قبل واحسن وعقبها استخدمي اللي تبين الا عقب الحف بيوم يومين لا تستخدمين شي غير ماي ورد بارد وديودرنت بايوت الرول

وسلامتج حبوبه

 

[قاهره عذالي]

حطي على طول طول ما انتي قاعده بالبيت طبقات ميبو

تعودي بعد الحف مباشره تمسحين المنطقه بشوي زيت زيتون او ترشينها بماي ورد او بودرة نشا

 

[om-3abodey]

اول شي عالجي الحرق كريم "" ميبو ""
وبعدين بيضيه مزيونة وشقرة ما قصرت الله يجزيها خير​

 

[الخالديّـة]

أستخدمي سودو كريم والله يعينج

و يعين الجميع . تسلمين حبيبتي ..

استخدمي فير اند وايت للمناطق الحساسه راح يفتح ويااج واايد واهوا طبي وماركة فرنسيه تلقينه بالصيدليات او في بوتس ...

ولا تحطين سوالف خلطات مو مضمونه بهالاماكن مو زين

خلاص توبــه :eh_s(1): , مشكوره قلبي ..

نطري لين يخف الحرق
وبعدين ييبي ملح الحليب هذا الي بنص اي نوع عادي وانتي تتسبحين حطي شوية منه على اباطج ونطري من خمس لي عشر دقايق وفركي عالخفيف بعد هالمدة ولازم استمرار وبتشوفين نتايج سريعة انشالله

أن شاء الله , تسلمين حبوبة على الأفادة ..​

 

[الخالديّـة]

حبيبتي المفروض عقب الشيره بيوم كامل ما تستخدمين شين وانتي حاطه صابون وفكس

من اليوم يوميا بليل حطي كريم ميبو والصبح تسبحي و حطي مسحه ماي ورد و كريم سودو مع ديودرنت بايوت لا تستخدمين غيره استمري اسبوع سبوعين لمن يخف

وبعدين استخدمي زيت اللوز المر يوميا قبل الحمام بساعتين او ساعه وبعدين تسبحي وغسل يالمنطقه عدل وحطي كريم الد كوين فور و لمن تتشربه بشرتج استخدمي ديودرنت بايوت وبس وبالتدريج راح تلاقين المنطقه ردت مثل قبل واحسن وعقبها استخدمي اللي تبين الا عقب الحف بيوم يومين لا تستخدمين شي غير ماي ورد بارد وديودرنت بايوت الرول

وسلامتج حبوبه

و الله مدري أشكنت أفكر فيه , مشكورة قلبي على الأفاده , ماعليج زود ..

حطي على طول طول ما انتي قاعده بالبيت طبقات ميبو

تعودي بعد الحف مباشره تمسحين المنطقه بشوي زيت زيتون او ترشينها بماي ورد او بودرة نشا

مو كان مخلص وقتها فبحط شي ثاني :eh_s(4): .. خلاص أرجع أشتري أن شاء الله , تسلمين قلب ..

اول شي عالجي الحرق كريم "" ميبو ""
وبعدين بيضيه مزيونة وشقرة ما قصرت الله يجزيها خير​

أي هذا اللي بسويه , مشكوره حبيبتي ..​

 

[الخالديّـة]

حبيبتى رديلي بالخاص وان شاء الله بفيدج

حبيبتي مشاركاتي شوي , مأ أقدر أفتح الخاص ..​

 

[@تاج الراس@]

سلامات يالغالية
شوفي حبيبتي مالج الا ميبو
مال الحروق انا استخدمه بعد الليزر
اهوا حق الحروق استخدميه
بعد ما تعالجين الحرق عالجي السواد
لاتعالجين اثنينه بوقت واحد يكفي اباطج محروق لا تهببين بعمرج
وواضح بشرتج حساسه
ماعلبه حبيبتي
اذا عالجتيه يا تستخدمين كريم طبي بوصفه طبية من دكتورة جلدية
او استخدمي اشياء طبيعية عشان تفتحين مثل خلطة ماي ورد وليمون عشان يفتح الاباط
حطيها بخاخ ماي ورشيها عالاباط بدال الديودرنت مالج اذا حابه
واستخدميها وانتي قاعدة بالبيت احسن عن الحر مال برة

 

[ام اغلى الناس]

احسن تروحين دكاترة جلديه
الله يعينج

 

[$نرجس$]

دكتوووور جلديييه الجلد احترق لااا اتحطيين خلطااااااااااات روحي لدكتور جلديييه يفحصج ضروووري وشووفي شيقوول لج وشنوو راح يعطيييج لا اتغاامريين

 

[الكيكه دندن]

مثل ماقالوا البنات تعالجي من الحروق اللي صايره وعقب راح يطيب ان شاء الله

 

[دارين العنبر]

روحي لدكتورة احسن
وحطي كل ليله مرهم ميبو ممتاز بس داومي عليةه

 

[الخالديّـة]

روحي لدكتورة احسن
وحطي كل ليله مرهم ميبو ممتاز بس داومي عليةه

مثل ماقالوا البنات تعالجي من الحروق اللي صايره وعقب راح يطيب ان شاء الله

دكتوووور جلديييه الجلد احترق لااا اتحطيين خلطااااااااااات روحي لدكتور جلديييه يفحصج ضروووري وشووفي شيقوول لج وشنوو راح يعطيييج لا اتغاامريين

احسن تروحين دكاترة جلديه
الله يعينج

سلامات يالغالية
شوفي حبيبتي مالج الا ميبو
مال الحروق انا استخدمه بعد الليزر
اهوا حق الحروق استخدميه
بعد ما تعالجين الحرق عالجي السواد
لاتعالجين اثنينه بوقت واحد يكفي اباطج محروق لا تهببين بعمرج
وواضح بشرتج حساسه
ماعلبه حبيبتي
اذا عالجتيه يا تستخدمين كريم طبي بوصفه طبية من دكتورة جلدية
او استخدمي اشياء طبيعية عشان تفتحين مثل خلطة ماي ورد وليمون عشان يفتح الاباط
حطيها بخاخ ماي ورشيها عالاباط بدال الديودرنت مالج اذا حابه
واستخدميها وانتي قاعدة بالبيت احسن عن الحر مال برة

حبايبـي تسلمون , ما كان أكو مجال أرد علـى كل وحده ..
بس أن شاء الله رآح آخذ بنصيحة الأكثرية و أحط ميبو , أما العيادة أحس دوشه و حوسه
و حاليا رمضان فماكو وقت / للي بالأقتباس تسلمون علـى الأفادة :d ..​

 

[مسـك]

مثل ماقالوا البنات حاليا على الميبو ولما تحفين مره ثانيه غسلي بس بماي ونشفي المنطقه وحطي سودو يبرد الجلد واليوم الثاني غسلي بصابون وخلطات ماتحطين الا عقب الحف بثلاث ايام

 

[al-musk]

روحي لطبيبة ولاتستهونين