أبـــــي حل للإمـــساك :(

[**(فـيـلا دانـتـيـل)**]

شلونكم بنات

اللي تعطيني حل للإمساك
راح ادعيلها من قلب ..​

 

[لذوذه]

لعلاج الامساك
خذي :
تمر هندي مقدار نص كوب + 2 اعواد قرفه ( دارسين ) + نص ملعقة اكل مسمار ( قرنفل ) + ملعقه ونص اكل سكر
وحطيهم في قدر مع كاسين ماي
وخليهم يغلو على نار هادئه لمدة ربع ساعه ثم يصفى
ويشرب دافئ او مثل الحرارة العاديه
طبعا كوب واحد يوميا لمدة 3 ايام
لان من فوائد التمر الهندي معالجة الامساك وتطهير الدم من السموم وينزل الدوره الشهريه المتأخره

وان شاء الله من اول يوم تحصلين نتيجه

ادعيلي ان الله يشافييني من الوسواس القهري

وطمنيني عنك يالغاليه

 

[بنتq8]

استخدمي الياف من صيدليه بني فايبر

وباجر اخذلج اسم دوا من امي واقولج واايد تمدحه رووعه للامساك

 

[سحيله_الحلوه]

شربي ماي وايد واكلي كيوي واناناس

 

[**(فـيـلا دانـتـيـل)**]

تسلمون يالغالـــــــــــــــين

انا والله احب اشرب الدارسين بس اخاف من كثرته!! اخاف له مضار لان معروف ينزل الدورة
ولآ لو بيدي والله اشرب 3 اكواب باليوم ..

بنتq8
اخاف يتعود جسمي على ادويه الصيدليه واصير مااقدر اتركهاا

سحيلة _ الحلوة
انا قريت بالنت ان لازم اشرب 10 اكواب ماي
عاد قاعده احاول اشرب قبل الصلاه قلاص وبعد الصلاه قلاص والله كريم

 

[عالية المستوى]

رفع

 

[ام مها]

اختي شفاكي الله وعافاكي
مجربه الطريقه مع بنتي ولله الحمد شفيت
ملعقه زيت زيتون على الريق ومعلقه فبل النوم استمري عليها وان شاءالله خلال اسبوع بيبين النتائج
و اول ماتصحي من النوم اشربي كوبين ماء دافيين
ويمدحون الفواكه المجففه ( المشمش و القراصيه والتين ))

 

[الغاليه نونو]

شوفي يمه اخذى خمطة كشمش بيدج وحطي عليها قلاصين ماي وطبخيهم ليما تشوفين الكشمش ذاب شوي وصار لين تهرسين الكشمش بالماي وتشربينه عالريج وبالليل قبل النوم يومين أو ثلاث ايام ورا بعض اغلب الاحيان يبين تأثيره خلال يوم بس ان شفتي النتيجه مايابت مفعولها خليج علي هالوصفه يومين وثلاث والمشافي الله سبحانه

 

[Nonaa!]

العنببببببببببب شي خيال

والله حاسه فيج

بس ديري بالج لا تشربين وايد واايد واايد ماي لأنه الامساك لازم وراه اسهال ,, فأكلي عنب لأنه فيه الياف و ادعيلي و الله يوفقج و يشافيج و يبعدج من كل شر قولي آميـن =)

 

[مساء مونترو]

هلا حبيبتي..
كرنيشن نص الكوب يعني كثر منه مع شاي..
البرتقال والكيوي وحدة بوحدة

 

[ماي الورد]

جربي الفول السوداني وايد زين حق الامساك انا الصراحة ما يروح مين الامساك ابدا الا اذا اكلت فول سوداني ارتاح منه والله

وان شاء الله ما تشوفي شر ياقلبي

 

[shmoo5 2ntha]

هذي معاناتي

وكله بطني منتفخ ولو أشرب قلاص ماي ينتفخ بطني ملوع جبدي والله


ومولاقيه حل

بس صارلي جم يوم أشرب أربع قلاصات ماي ع الريج ووايد مرتاحه الحمدلله والإنتفاخ راح بنسبة 50%

ولان بطني إشوي

إهوا لازم عشر أيام يالله ينظف البطن وإن شالله بكمل


والله يعينج يارب

 

[rosmary]

زيت السمسم العضوي ملعقة كبيرة ويشرب بعده كوب ماء قبل النوم مباشرة وان شاء الله ما تشوفين امساك مجرب
بس اتاكدي انه عضوي

 

[مساء مونترو]

عل فكرة كثرة الامساكات ..
تلعب فيج من ناحيتين..
اول شئ ..
البواسير
ثاني شي على كلام اخصائية البشرة
انها تلعب بالبشرة تسبب حبوب وتصوفر البشرة بسبت الامساكات ..لانها تحتبس الفضلات وانتي بكرامة..
فديربالج عالجي نفسج وروحي لدكتور ان ماليقيتي علاج..

 

[- rym -]

اللله يعيينج اختي كل الوصفاات وكل هالنصااايح ههههههههههه

الله يجازيهم خير بنات كويتياات والله مايقصرووون ،،،

اختي من تجربتي مع امي ،، الحمدلله ياربي
تشرب يوميا قلاصين ماي دافي ع الريج ،،والله امي حاست وداخت من دكتور لي دكتور ،،
بس الحمدلله مليون مره ،،
جربيه انشالله يفيدج ،،

الله يوفق الجميع انشالله للخير ،،

 

[أميره بكل مكان]

الله يعينج وشربي عصير برتقال على الريق
وكثري من اكل الخضروات

 

[الفرحه السجينه]

انا الدكتورة قالتلي اطبخ كوسا وواكلها واشرب حتى الماي المطبوخ لانها تمشي البطن بس ما جربتها

انصحج بالعنب والبرتقال والرقي والشمام او البطيخ النتائج ميه ميه انا مجربتهم

وهم في دوا من الصيدليه يهبلللل اسمه اجيولاكس لون القوطي اصفر والحبوب داخله مثل البنق وهم في حبوب الفحم هذيلا اهم اللي حلوا ازمة الامساك عندي بس الحين ماله حل لاني حامل مو راضي يفج بس الدكتورة عطتني دوا اسمه فايبر كلير ما يضر الحوامل وكله الياف طبيعيه يعني ما يضرج ان شاءالله

 

[الحلآآآ]

رررررفـع

 

[البلوره]

هلا خيتو

مدري انا بقولك شي سهل مره ومجرب مدري اذا يفيدك او لا

اول ماتصحين اشربي حليب شوكليت المراعي او اي نوع الي بالمزاز حق الاطفال ههههه بس حتى الكبار يشربونه

او مع الفطور كوب كابتشينو .. ..

وفي شوربه نسويها دايم والله مفعولها خطير كل العيله يسونه

ملفوف ابيض نص ملفوفه قطعيها شرائح 3 بصلات شرائح حزمة كرفس .فليفله بارده

مع ملح وبهارت وضيفي عليعم مويه مغليه خليهم يطبخون لين الغليان

اخر شي حطيهم بالخلاط واخلطيهم .. واشري كل يوم منها خليها بالثلاجه ماتخرب

كل يوم حطي منها بزبديه صغيره وسخنيها.. واذا خلصت ريحي اسبوع وارجعي سويها..

ولاتنسن عصير البرتقال مع الوجبات طبعا فريش مره سحري..

وبس ماتشوفين شر ..

 

[الشيهانه83]

في عشبه اسمها_ الاسبغول _ تنباع بالجمعيات مع منتجات عسل العويد اومن عسل معجزه الشفاء هذي كلها الياف وعجيبه للقولون والامساك مالها طعم ولا منها مضره ابد انصحج جربيها وبنفس الوقت اتخفض الكوليسترول والسكري لها فوايد كثيره_ الفواكه المجففه تفيدج بس عيبها سعراتها الحراريه وايد