أبلاتي الحلوات اسمعوا سالفتي واحكموا

[ms gucci]

السلام عليكم ...... أنا مدرسة انتقلت حق مدرسة جديدة السنة هاذي وكنت في مدرستي القديمة مظلومة لدرجة ما تتصورونها على الرغم من اني مخلصة في شغلي والحمد لله ----ما أطول عليكم ------ ما خليت شي في مدرستي الجديدة ما سويته درس ريادي ورشة ندوة مجلات سيدبات ---- كل شي ----- الناظرة والإدارة ومشرفتي والحمد لله يقدروني وحاطيني على روسهم لكن يا بنات مشكلتــــــــــي القسم في البداية كانو زينين معاي لكن بعد ما كرمتني الناظرة بعد الدرس انقلبوا مليون بالمئة يا بنات أدخل أسلم محد يسلم ..... غير التنغز في الكلام والنظرات الي انتو تعرفونها ----- نفسيا تعبت لأني والله ما لي شغل في أحد ولا أعرف أرد وما لي في المشاكل ---- أنا نفسيتي حدي تعبانة شرايكم أطلب نقل ولا أقعد في المدرسة ؟ يا ريت تنصحوني يا بنات وتعطوني رايكم شسوي وجزاكم الله خير والله لايحطكم في هالموقف

 

[درر النور]

السلام عليكم ...... أنا مدرسة انتقلت حق مدرسة جديدة السنة هاذي وكنت في مدرستي القديمة مظلومة لدرجة ما تتصورونها على الرغم من اني مخلصة في شغلي والحمد لله ----ما أطول عليكم ------ ما خليت شي في مدرستي الجديدة ما سويته درس ريادي ورشة ندوة مجلات سيدبات ---- كل شي ----- الناظرة والإدارة ومشرفتي والحمد لله يقدروني وحاطيني على روسهم لكن يا بنات مشكلتــــــــــي القسم في البداية كانو زينين معاي لكن بعد ما كرمتني الناظرة بعد الدرس انقلبوا مليون بالمئة يا بنات أدخل أسلم محد يسلم ..... غير التنغز في الكلام والنظرات الي انتو تعرفونها ----- نفسيا تعبت لأني والله ما لي شغل في أحد ولا أعرف أرد وما لي في المشاكل ---- أنا نفسيتي حدي تعبانة شرايكم أطلب نقل ولا أقعد في المدرسة ؟ يا ريت تنصحوني يا بنات وتعطوني رايكم شسوي وجزاكم الله خير والله لايحطكم في هالموقف

السلام عليكم يا الغالية حبيبتي مالج شغل فيهن احقريهن هذي حركات غيرة وحسد مادام انت انسانة تشتغلين ومخلصة راح تصادفين هذي النوعية من الأبلات .. السالفة وكل ما فيها انج انسانة مبدعة والمبدع مكروه من أهل كاره .. يعني بالعربي من أهل مهنته .. اياج والهروب وطلب نقل .. اختي اثبتي وجودك ولا تلتفتين لهن وأكثري :eh_s(17):من الاستغفار والدعاء .. مادام رئيسة القسم راضية عنج والناظرة لا تخربين على نفسج وتنتقلين .. استخيري واستعيني بالله وأكثري من الدعاء واطلبي من الله ان يألف ما بين قلبك وقلوب زميلاتك .. والله انا مريت في هذه المعاناة ومازلت اواجهه كل هذه المشاكل رضاء الناس صعب والشئ اللي راح يرضن عنه لما تسرين انسانة كسولة ومهملة ذيك الساعة يمكن يرحبن فيج .. حبيبتي الناس ما ترمي بالحجر الا الأشجار المثمرة وأنت انسانة متميزة فلا تهتمين لهن وعسى الله ينصرج عليهن وطمنينا على أخبارج .. وعليج بالأكثار من الاستغفار وصلاة قيام الليل وعسى الله يعطيج خيرهن ويكفيج شرهن آمين. استغفر الله العظيم ولاحول ولا قوة الا بالله العلي العظيم استغفره وأتوب اليه وحسبنا الله ونعم الوكيل نعم المولى ونعم النصير .

 

[KOKO_284I]

واضحه حبيبتي محترين

خو الحسد بزمنا على افا من يشيل طول ما انتي فاشله الكل يبيج واذا نجحتي صرتي مو زينه

طااااااااااااااااااااااااااااااااااااف حبيبتي انتي في غنه عنهم

 

[الجود دهن العود]

الحين صاحبة المشكلة منو ؟؟؟
معزوفة البيانيو ولا قوتشي

 

[جروح ودموع]

الله يكافينا شر الغيره والحسد انا بعرف ليش الناس صاروا ما يحبون الخير حق الغير وحبيبتي الله يكون بعونج ويسر امرج ويفرج همج يا قادر يا كريم

 

[ام حنااين]

التمسي لهم العذر يمكن بزحمة الامتحانات وتخليص المناهج الكل متغير ومتوتر

الله يهديهم

 

[(كويتيه عسل)]

يغارون منج ومنقهرين <<< انا مريت بهالموقف

انتي دخلي سلمي واذا ماردو الملائكه ترد عليج << في احلى من الملائكه

وخل يولون حقريهم اليوم يعادونج باجر تصير حاجتهم عندج ربج يمهل ولا يهمل انا مجربه

واذا ضاق خلقج عندج الفون مايقصر يونيس في قيمس وجات وقروبات وماسنجر وتقدرين تدخلين المنتدى وخل يولون بالطقاااااااق لا تعطيهم اهميه ولا تتضايقين علشانهم موكفو

 

[جيتك تعال]

حبيبتي ما علييك منهم توكلي على الله ... والسلاام لله الي ما تبي ترد لا ترد

خليهم لين تهدى نفووسهم وبرووحهم بيردوون ... لكن ابدا لا تناقشين هالموضوع مع احد ولا تتكلمين

لان ممكن احد يستغل كلامك ويحوره على كييفه ... انا مريت بموااقف وايد مثل هذي " خبره 13 سنة تدريس و7 ادارية "

وما كنت اتكلم لان واايد ممكن يستغلوون الموقف ويكبروونه وكان ذنبي الوحيد اني اشتغل واحب مهنتي وابدع فيها

لدرجة انه بعض الاوقاات من ادخل القسم يقومون وحدة وراا الثاانية يطلعوون للقسم الي يمناا

وانواع الحش ... وخليت امري لله لحد ما ردوو من نفسهم واعتذروو كلهم لانهم شافوو اني ما بادلتهم الصد بالصد

ومدرستك لا تنتقليين منها لانها مو بيتهم ... انتي وهم موظفاات وما تاخذين منهم شي

خلي تكاالك على الله وطنشي ... والله يفرجهااا

 

[(نبنوبه)]

هههههههههههههههههههههههههههههههههههههههههههههههههههههههههههههههههه
سوري ضحكت غصبن عني لاني كنت نفسك مدوخة راسي بالبنات اللي معاي بالقسم 3 سنين وانا اعاني وفكرت بالنقل وتعبت ومرضت ولا احد داري عني

يبة بالطقاق اسيمحيلي على هالاسلوب اهم شي الناظرة الناظرة الناظرة وبس

تدرين شسويت خليت مكتبي بالغرفة بالقسم بس فراغي وقعدتي ووناستي مع قسم الفنية رفيجاتي وهم بالطقاق نارن تاكل حطبها

سؤال انتي معلمة لغة عربيةصح؟؟؟؟؟؟؟؟؟؟؟؟؟؟

 

[توتي فروتـي]

...

خليج بنفس مدرستج .,

وياهنيالهم فيج دامج معلمة متميزة.,!!


الله يكون في عونج .,

 

[ms gucci]

شكرا يا بنات على النصيحة وجزاكم الله خير ---- أنا قدمت أمس ورقة النقل للناظرة ووقعتها ---- لكن ما وديتها المنطقة واحتفظت فيها قلت أستخير المشكلة ودي أقعد حرام شغلي يضيع --- بس يا بنات نفسيتي زفت وانعكست على عيالي وبيتي ---- تخيلوا حتى المعلمة الوحيدة في القسم الي كانت تكلمني اليوم أكلمها ما ترد علي قدامهم ولما صرت أنا وياها بروحنا قامت تكلمني قهرتني منساع حاقرتني ما تكلمني .... فقلت لها منساع أكلمج ما تردين علي .... جان تقولي متى ما انتبهت .... وهي والله يا بنات أسألها تصد عني وتكلمهم اقهرتني حسبي الله عليهم شمسويه لهم

 

[توتا وحب الكويت]

واي من صجج تنتقلين علشان شوية حساد

واي حريتيني من صج كل ما اكتب حجي امسحه ما ابي اغلط فيهم

انتي لا يهمج احدددددددددددددددددددددددددد لا يهمج احد لا يهمج احد
انتي الحين اذا انتقلتي ورحتى مدرسة ثانية ماراح تلاقين اشكالهم ولا راح تضمنين النفسية العدله هناك تخيلي تروحين وتلاقين قسم يهبل وروعه ورئيسة القسم اي شي ونفسية وتحط عليج
تخيلي تلاقين الناظره شنو ما تسوين ما يعجبها
وتقعدين تدورين حوالين نفسج
انتي شتسوين لاجيتي في القسم
1- سلمي وبصوت عالي وبثقه قويه وابتسامه شاقه الحلج
2- سويلج مكتب منفصل وخلي شغلج كله بالادراج وقفلي الادراج بالمفاتيح
3- طول وقت فراغج سمعي قران بالهتفون ، او اقري ، او دشي سوالف بالمبايل
4- اللي يكلمج ردي عليه واللي ما يكلمج مايشوف شر ، اللي يطلب منج مساعده عطيه عيونج بس بحذر
5- لا تخلين احد يستغلج ولازم لازم تعرفين متى تردين ومتى ما تردين مثلا
6- عمرج لا تشرهين على احد ليش تكلمني او ما تكلمني وينج كنت انطرج وما ادري شنو ( المهم تشعرين انها لشخص هذا تجاهلج تجاهليه) بالمثل
7- وشوي شوي راح يعرفون منو انتي
وما تدرين يمكن ما تكمل السنه ولا السنه اليايه اهما مو عندج
وادعي وكثري استغفار والله يهون عليج
اختى لا تتعبين نفسيتج علشان شي ما يسوى اهم شي صحتج وعيالج وبيتج
والله يكون في عونج انشاء الله

 

[PuPa^^SWeeT]

الله يعيينج

بس ترا مو حل انج تنتقلين من مكان لي مكان

انتي شووفي قوولي حق وحدة شراايج اتسويين درس ريادي ولا ندوة انا اساعدج و جذي

ترا الغيرة لأنه الابلات مايعرفوون شلوون يبرزوون

انتي علمي وحدة و خلييهم اهم يركضون لج

 

[حلوى عمانيه]

الله يعينج على هالاشكال بكل مكان مو بس بين المعلمات
معاي وحده بالدوام كل ما احترت مني وغارت تقط نغزات مع ضحكه طبعا
عشان يعني انا مو محتره وغيرانه هههههه حركات حسوده

 

[توتي فروتـي]

//

لا حبيبتي النقل كلش مو حل .,
إستعيني بالله ...

 

[خيشة شكر@]

ياااااييي انت نفس مشكلتي ثلاث سنين وانا اقول بنتقل ودمعتي على خدي يمااااا واول ما ارد من البيت انام الظهر ابجي على مخدتي ليما يصفي الي براسي مايبقى دمووع والحمدلله الحمدلله الي ما احب اشوفهم انتقلم والي تقاعد والي بيترقى وبيروح انشاالله وشدعوه الي معاي تارس راسي قبل كانت نظريتي ان قسمي اكثر من خواتي واتكلم بكل شي ولا احد داري عني ياحسره واعزم اذا صارت مناسبه ولا يجون ولا حتى عذر ودارت الايام وصارت لهم مناسبات ولبستهم والحين صارم عندي مثل الادراج ما يهموني الي ابي ارد عليها ارد عليها عادي والي ما ابي ارد اسوي رووحي صمخه ماسمعت غادي ترى بتستانسين جبري ترى والله لج اجر انج سمعتي وطنشتي وما رديتي ليس الشديد بالصرعه وانما بالحلم عند الغضب اهم شي صديقاتج الي برا لان هذوله لو صادقوووج للمصلحه فقط صدقييني