أبلات تخصص اللغة الأنجليزية ثانوي ممكن مساعدة؟

[سكارلت]

السلام عليكم يا ابلات

الله يسلمكم انا معلمة انجليزي تعيين جديد وقالوا لي انهم حطوني بالمرحلة
الثانوية بسبب النقص الحاد:eh_s(16):

وبصراح انا حدي خايفة لأني توني جديدة وماعندي خبرة فحبيت استفسر
منكم واتمنى تجاوبون على اسألتي:yaaaaaarb:
عشان اذا وضحتوا لي مساؤئ الثانوي من الحين عالأقل اقدر ادبر لي واسطة واحول متوسط!

اولاً: شنو رايكم بتدريس بنات الثانوي؟وهل هو اسهل من بنات المتوسط؟
لأني كنت ميداني بمدرسة متوسطة وبنات المتوسط بصراحة كانوا قليلات ادب ومزعجات
فأخاف ان بنات الثانوي اسؤء منهم خصوصاً ان وجهي بيبي فيس وبنيتي ضعيفه!

ثانياً: شنو الكلمات اللي مقررة على صفوف العاشر والحادي عشر والثاني عشر؟
اذا في ملف يشمل كل الكلمات عالأقل للكورس الأول
ابي من الحين اتجهز عشان احط امثله عليهم.

ثالثاً: شنو القواعد المقررة لصفوف الثانوي؟
اتمنى ذكرهم بالأسم مثل tag questions

رابعاً: هل طريقة تدريس الرايتنق نفس المتوسط يعني بريين ستورمنج وعصف ذهني
وتجميع افكار وكلمات وجمل ولا غير والبنات يعتمدون على نفسهم.

خامساً: شلون توجيه الأنجليزي؟ يقول انه صعب ويشدد اكثر على مدرسات الثانوي.

سادساً: شنو الفرق بين المرحلة الثانوية والمتوسطة من نواحي الأشراف والتصحيح للطالبات والأمتحانات والأعمال المكتبية؟
بأختصار منو أخف وأهون؟

سابعاً: شنو الموضوعات و units المقررة في جميع الصفوف ؟ مثال على ما أقصد
لما كنت ادرس سادس وسابع كنت أدرسهم عن وحدة كاملة خاصة ب family ويونيت خاصة بالرياضة ..الخ
أبي اعرف شنو راح أدرس. ما أبي أدخل على عماي وأتفاجئ بالمنهج!

ويعطيكم ألف عافيه ويارب تجاوبون على أسألتي وتطمنوني بأسرع وقت
والله يوفق ويسعد اللي ترد علي اللهم آميييييييييييييييييين والله من قلبي بأدعي لها:eh_s(7):.

 

[سكارلت]

ووووووووووينكم يا أبلات الأنجليزي؟

 

["." simba]

سلام

انا طالبه و أكيد ما عندي كل اجابات الاسئله بس عندي جواب السؤال 7

أنا توني مخلصه عاشر ف الكتاب للحين عندي

Module 1. Culture

Unit 1 We are what we eat

Unit 2 Respecting cultures

Unit 3 Inspiring architecture

Focus on. Traditional dress in kuwait



Module 2. Free time

Unit 4 Computer games

Unit 5. Sport psychology

Unit 6. Nature

Focus on. Kuwait : a shopper's paradise



Module 3. Power

Unit 7. Power- the alternatives

Unit 8 The power of the technology

Unit 9. Money

Focus on The national assembly building




Module 4. Fact and fiction

Unit 10. Stories

Unit 11. Messages

Unit 12. Flying stories

Focus on. Ahmed meshari and the national anthem

 

[سكارلت]

يعطيج العافيه ماقصرتي

بس اعوذ بالله شنو هالمواضيع الممله والمكررة :ch12:

الله يعين الطالبات ويعين المدرسات معاهم:eh_s(1):

زين ماتعرفين شنو القواعد المقررة على عاشر؟
ترى موجودين على ما أعتقد بأوائل الصفحات روحي جيكي عليهم
ورديلي خبر

ومشكوووووووور وعسى الله يوفقج

 

["." simba]

العفو و لو و مشكوره على الدعوه الحلوه اللي مثلج

لقيت القواعد موجودين ب اخر الصفحات شوي و يكونون عندج *

 

[طالبة1990]

انتي اي محافظة

حبيبتي فرررق كبير بين الثانوي والمتوسط

لاتفكرييين كللش بالثانوي

وعلى فكرة التحويل من الثانوي لي المتوسط شبه مستحيل

الا مستحيييل جدا خصوصا الانجلللش

والله اعرف وحدة ماقدرت تحول قدمت استقالتها وبعد يمكن 5 او 7 سنين رجعت قدمت متوسط


وتعالي صج ترا مو بكيفهم يحطونج ثانوي

انتي روحي مراقب المتوسط بنفسج اكيد في مدارس متوسط شكثر عندهم نقص

اذا كللش ماقدرتي اجلي تعيينج

لان التعيين بداية العام الدراسي فيه صعوبات في التوزيع

بس لما تتعينين نص الكورس او بعد توزيع التعيين الجديد يكون اسهل لج

وهالكلام واجد قالوا لي وفعلا صح

لان انتوا تجون تحصلون اوريدي اسماؤكم متوزعة وجاهزة

بس انا تعينت شهر 3 فقالت لي موظفة التعيين روحي لمراقب المرحلة اللي تبينها

وطبعا انا اللي خذيت اوراقي و رحت بنفسي لمراقب المتوسط

يعني ما اجبروني على مرحلة معينة


الثانوي ماتترقع كللش

لامن بنات لاتقولين لي يخافون على درجاتهم

ثنتين ثلاث يخافون وعشرين لا وحبيبتي هذول كبار

عارفين اش لهم شعليهم ويعتمدون اكثر شي ع التحريري

بعد مو من كثر الشفوي

والمنهج لوووعة وكلماته غثيثة ولاتنسين في الامتحانات يخلصون اخر ناس


وهمن استخيري قبل كل شي


والله يوفقج ويقدم لج اللي فيه الخير

 

["." simba]

الغرامر فيال ملخبط فبحاول اكتب النقط المهمه اللي في لأني صراحه مادري شنو اكتب

اول شي المراجعه و في
Present simple , adverbs of frequency , past simple , present continuous , order of adjectives

و الحين الدروس

Unit 1 describing past actions and events

( past simple , past continuos , adjectives )


Unit 2 describing past and present experiences ; prepositions
*
(present perfect "simple" , prepositions [ on , amongst , in , for , of , with , by


Unit 3 describing and comparing things

Comparative and superlative adjectives

Compound adjectives



Unit 4 Talking about the future - the future forms ; the more ... The more

The will future form

The going to the future form

The present continuos with future meaning

The more ... The more


Unit 5 asking questions ; giving instructions ; modal verbs [ can / could / should / would



Unit 6 talking about quantity - countable and uncountable nouns ; present perfect and present perfect continues



Unit 7 expressing conditions for future possibilities - if sentences



Unit 8. Expressing abilities , possibilities and obligations [ can / could / be able to. / must / should ] ; wish + simple past / past perfect




Unit 9 expressing necessity ; giving advice - have to / should / must ; reported speech




Unit 10 using description ; use to / used to



Unit 11 giving information in different ways

The passive



Unit 12 Giving additional information about people , things and places ; third conditional

 

[سكارلت]

q8ya samra

يعطيج العافيه ماقصرتي يا الشقردية
عسى الله يوفقج ويسعدج ويهنييج ويرزقج بكل اللي تتمنينه

 

[سكارلت]

انتي اي محافظة

حبيبتي فرررق كبير بين الثانوي والمتوسط

لاتفكرييين كللش بالثانوي

وعلى فكرة التحويل من الثانوي لي المتوسط شبه مستحيل

الا مستحيييل جدا خصوصا الانجلللش

والله اعرف وحدة ماقدرت تحول قدمت استقالتها وبعد يمكن 5 او 7 سنين رجعت قدمت متوسط


وتعالي صج ترا مو بكيفهم يحطونج ثانوي

انتي روحي مراقب المتوسط بنفسج اكيد في مدارس متوسط شكثر عندهم نقص

اذا كللش ماقدرتي اجلي تعيينج

لان التعيين بداية العام الدراسي فيه صعوبات في التوزيع

بس لما تتعينين نص الكورس او بعد توزيع التعيين الجديد يكون اسهل لج

وهالكلام واجد قالوا لي وفعلا صح

لان انتوا تجون تحصلون اوريدي اسماؤكم متوزعة وجاهزة

بس انا تعينت شهر 3 فقالت لي موظفة التعيين روحي لمراقب المرحلة اللي تبينها

وطبعا انا اللي خذيت اوراقي و رحت بنفسي لمراقب المتوسط

يعني ما اجبروني على مرحلة معينة


الثانوي ماتترقع كللش

لامن بنات لاتقولين لي يخافون على درجاتهم

ثنتين ثلاث يخافون وعشرين لا وحبيبتي هذول كبار

عارفين اش لهم شعليهم ويعتمدون اكثر شي ع التحريري

بعد مو من كثر الشفوي

والمنهج لوووعة وكلماته غثيثة ولاتنسين في الامتحانات يخلصون اخر ناس


وهمن استخيري قبل كل شي


والله يوفقج ويقدم لج اللي فيه الخير

انا قالوا لي أنهم ماصدقوا على الله يلقون أبلة انجليزي تقدر
تدرس ثانوي! ومستحييييييييل يفرطون فيني!
ومثل ماتعرفين مدرسات الأنجليزي مو واجد وأغلبهم يكون تخصصها ابتدائي
اما حنا يا المتوسط - ثانوي فعددنا أقل بوااااااجد ونعتبر عملة نادرة:eh_s(11):

بالنسبة للكلمات والقواعد الحمدالله ماعندي مشكلة فيهم أنا متمكنة
وأتكلم انجليزي بطلاقة .
بس مشكلتي مع كثافة المنهج وكمية الدروس الطويلة! وهذا اللي يبط جبدي من أنا بالميداني
لأني الى الأن ما اعرف ادير وقت الحصة وغالباً ماتضيع وأنا مادرست الا شي بسيط!
بس الحمدالله أن مناهج سادس وسابع قصيرة ومايبي لها شي ولا جان طحت بورطة!!

بالنسبة للشطانه وقلت الأدب بنات المتوسطة بصراحة ماعليهم قاصر:rgewrg:
الوحدة لسانها شطوله بس الحق ينقال اغلب صفوف تاسع كانوا اهدأ واكثر أدب
من بنات ثامن. بأستثناء صف واحد من تاسع كانوا معروفين بسؤء اخلاقهم وسلوكياتهم
اعووووذ بالله منهم ومن تربيتهم السيئة!!

بس أنا خوفي أن بنات الثانوي يكونون أسؤء منهم بما أنهم كبار ويعرفون
كل كبيرة وصغيرة!

بالنسبة للمشاركة بما أني مدرسة مادة صعبة فأكيد أن نسبة المشاركة أقل
من باقي المواد والبنات بجميع المراحل اساساً اغلبهم يكرهون الأنجليزي
وأنا بصراحة ما أتحمل سذاجة بنات سادس وسابع وأسئلتهم السخيف جنهم ما أدرسوا بالأبتدائي
شي يجون المتوسطة وهم صفحة بيضاء:rgewrg:

عندي تدريس الثانوي أسهل لأنهم يعتمدون على أنفسهم!
بس توجيه الثانوي عذااااااااااب حسب ماسمعت اذا انا كنت اعاني
من التوجيه وأنا مجرد طالبة ميداني متوسط فما بالج وأنا بصير مدرسة ثانوي
الله يستر!!

والله يسلمج عالدعوه الحلوه ماقصرتي يا الغاليه:eh_s(7):
والله يعينا أجمعين .

 

[طالبة1990]

شكلج حاابة الثانوي ومقتنعة فيه

فالله يوفقج فيها

لان اهم شي تدرسين مرحلة مقتنعة فيها وحابتها

 

[قطوه بطه]

يؤ يؤ يؤ هذا وانتي ماخذه ميداني يعني عارفه شراح تواجهين


شقووول انا اداب يعني ماعرف لا للتدريس ولا مناهج التربيه شكلي بروح فيها هههههه واحنا الاداب تعيين ع طول ثانويه يعني ما ياخذون راينا اصلا

بس انا الكورس الجاي خريجه يعني الكورس الثاني يمكن التعيين

عاد تدرين احس الثانوي احسن كل وحده دعله طوفه شطولها تفهم وتحرص ع نفسها واحسن شي انج تقطين المعلومه قط يعني ماتحاتين اذا تأسسوا او لا وبعدين اللثنويه بيخافون ع نسبهم يعني بيركضون وراج ركض عاد فهموا ما فهموا مشكلتهم يحطون مدرسين خصوصي حالهم حال غيرهم ههههههههههههه

انا ان شالله ثانوي وانتي الله يوفقج

 

[سكارلت]

شكلج حاابة الثانوي ومقتنعة فيه

فالله يوفقج فيها

لان اهم شي تدرسين مرحلة مقتنعة فيها وحابتها

لا والله مو حابته بالعكس حتى خفت لما قالوا لي ثانوي:eh_s(11):
وحاولت فيهم أنهم يحولوني متوسط وماخليت أحد مارحت له أبيه يتوسطلي

بس أنا الحين قاعدة احاول أسلي نفسي وأخفف عني القلق وأذكر مميزات الثانوي
لأن احتمال اني احول متوسط ضعيف جداً
وشكلي راح اتدبس بالثانوي فمضظرة أكيف نفسي غصب:eh_s(4):

 

[سكارلت]

يؤ يؤ يؤ هذا وانتي ماخذه ميداني يعني عارفه شراح تواجهين


شقووول انا اداب يعني ماعرف لا للتدريس ولا مناهج التربيه شكلي بروح فيها هههههه واحنا الاداب تعيين ع طول ثانويه يعني ما ياخذون راينا اصلا

بس انا الكورس الجاي خريجه يعني الكورس الثاني يمكن التعيين

عاد تدرين احس الثانوي احسن كل وحده دعله طوفه شطولها تفهم وتحرص ع نفسها واحسن شي انج تقطين المعلومه قط يعني ماتحاتين اذا تأسسوا او لا وبعدين اللثنويه بيخافون ع نسبهم يعني بيركضون وراج ركض عاد فهموا ما فهموا مشكلتهم يحطون مدرسين خصوصي حالهم حال غيرهم ههههههههههههه

انا ان شالله ثانوي وانتي الله يوفقج

شوفي أنا مو مكرهني بالمتوسط الا انهم جهااااااااال ولو أشرح مني لي باجر
ماراح يفهمون :rgewrg:
وأنا بصراحة مو صبورة كلش وما أحب أسئلتهم السخيفة واللي يكررونها باليوم
مليوووون مرة .
الثانوي من جهة ثاني كبار بس أخاف أنهم يكونون اسؤء سلوكيات من المتوسط
وما أقدر اسيطر عليهم وأضبظ الصف!
بس أحسن مافيهم أنهم يعتمدون على نفسهم بنسبة 40 %
عكس المتوسط اللي يعتمدون عليج بنسبة مليار بالميه:rgewrg:

من جهة ثانية مناهج المتوسط أسهل وأخف وحتى لو غبت لظروف صحية
لأيام ما أضظر اني اخذ حصص أضافية بالعكس أقدر أخلص المنهج لو أبي قبل نهاية
الكورس بأسبوعين او اكثر
عكس الثانوي أن غبت يوم لظرف قاهر لازم اعوض الحصة اللي ضاعت وأخذ
حصص أضافية من طول المنهج وصعوبته على البنات .

بأختصار مع مساؤئ المتوسط الا انها اهون علي من الثانوي بصراحة ما أبي
ادرس حريم طول بعرض وما أبي توجيه الأنجليزي الغثيث والمشدد على الثانوي
على وجه الخصوص أنا تعبوني وانا مجرد طالبة ميداني فشراح يسوون لو كنت مدرسة ثانوي؟!

وبصراحة أنا ما اييد الدروس الخصوصية لأنها اهانة لي كمدرسة ودليل على ضعف أدائي
المفروض شرحي يكون بأمانة والبنات يفهمون علي ومايضظرون يروحون لمدرس
خصوصي!

ومشكوووووووووووورة عالدعوة الحلوة ياعسل

 

[سكارلت]

على فكرة يا قطوة رشيقة

طرق تدريس المتوسط تختلف تماماً عن الثانوي
واللي درسناه بالجامعة ماله علاقة اصلاً بميدان التدريس نهائياً
يعني درسنا بالتربية عالفاضي

فمن جذيه أبي استفيد من معلومات ابلات الثانوي ومن خبراتهم
الكتب والمقررات الجامعية اللي درسناها مانفعتنا بشي!!

 

[سكارلت]

ووووينكم يا أبلات

ابي كلمات صفوف عاشر والحادي عشر والثاني عشر
عشان من الحين احط عليهم امثلة وجمل سنعة واخلص وافتك .

وياريت لو تذكرون لي قواعد ومواضيع صفوف 11 و 12
وتجاوبون على باقي اسألتي لو تكرمتوا
ومشكورين وماقصرتوا