أبلة إسلامية .. يعني ما تلبسين ولا تكشخين و لازم اسود بأسود !!! دعوة للنقاش

[Th@RbAh]

السلام عليكم و رحمة الله و بركاته

الموضوع باين من العنوان .. كثير ألاحظ في ميدان العمل ان ابلة الاسلامية شي غلط انها تكون لابسه و كاشخه حتى لو كان لبسها محتشم تنانير و اذا طلعت عباية ! ... شنو رايكم انتوا أبي كل وحدة تكتب تعليقها بكل حيادية .. هل ابلة الاسلامية يجري عليها ما لا يجري على غيرها من ناحية اللبس .. انا واجهت هالمشكلة و احس النقد كثير .. انا تعيين جديدة و صغيرة :$ و الابلات اللي معاي بالقسم عبي و ملافع حتى مكياج ما يحطون ! ... انا اذكر ابلاتي بالثانوي كانوا يلبسون و ما عندهم اشكالية و لا كنا ننقد عليهم لكن اللي اشوفه الحين غيـــــــــــر ّّ

شنو تغيّر ؟؟؟؟

 

[شفايف كرزيه]

انا اشووف مافيها شي لو اللبس محتشم مو شرط عبايه وانا بعد ابلاتى الاسلاميه يلبسون ويكشخون
والنقد الحين صاير ببيزه الكل يعلق وينتقد

ونصيحه البسي واكشخى وماعليج من التعليقات

 

[سيدة الذوق]

ابدا مافيها شي

وماعليج من احد البسي اللي تشوفينه مو حرام

 

[digital]

عااادي اذا تلبس ما فيهه شي

بس بمدرستنه ابلات الاساتميه كلهم يلبسون عباية

 

[the white heart]

رد : أبلة إسلامية .. يعني ما تلبسين ولا تكشخين و لازم اسود بأسود !!! دعوة للنقاش

البسي واكشخي قال أحد الصحابة للنبي صلى الله عليه وسلم " إن الرجل يحب أن تكون ثوبه حسنا ونعله حسنة" كلنا نحب الكشخة وبالعكس المؤمن لازم نفسيته حلوة يحب الكشخة بس طبعا أكيد بدون مبالغة وطبعا محتشم ، أنا عن نفسي ضد فكرة الأسود داخل المدرسة

 

[Th@RbAh]

إلى الآن اجماع على ان الموضوع ما فيه شي غلط إذا ما كان مبالغ ..
و التربوية سواء كانت اسلامية او غيره لازم ما تلبس أي لبس كونها قدوة للطالبات

انا ولله الحمد ما اشوف نفسي بالغت في لبسي بل على العكس لبس محتشم و عملي
اليوم لبست عباية من باب التغيير .. و باجر بكسر فيهم خخخخ الله يهدينا و يهديهم أجمعين يارب

 

[oyoon al maha]

رد : أبلة إسلامية .. يعني ما تلبسين ولا تكشخين و لازم اسود بأسود !!! دعوة للنقاش

والله انا أكلمج عن معلمات قسم الاسلامية في مدرستنا ..

بدلات وتنانير وميك آب لا وقذلة طالعة من الشيلة >> شخباري ؟!

بالعكس .

انا الصراحة ما اشوف الشي فيه غلط ولا عيب !!

اذا كانت الزينة والتجمل غير مبالغ فيه وملائم لبيئة العمل ليش لأ ..؟

 

[ღمواثيق الغلاღ]

رد : أبلة إسلامية .. يعني ما تلبسين ولا تكشخين و لازم اسود بأسود !!! دعوة للنقاش

السلامـ عليكمـ ..
موضوع رائع للنقاش ..
بالعكس الاسلامـ ما قال لا تكشخون و لا تتجملون و لا تتزينون ؟

لكن بحدود ..

يقول الله سبحانهـ و تعالى’ :

قُلْ مَنْ حَرَّمَ زِينَةَ اللَّهِ الَّتِي أَخْرَجَ لِعِبَادِهِ وَالطَّيِّبَاتِ مِنَ الرِّزْقِ قُلْ هِيَ لِلَّذِينَ آمَنُوا فِي الْحَيَاةِ الدُّنْيَا خَالِصَةً يَوْمَ الْقِيَامَةِ كَذَلِكَ نُفَصِّلُ الْآيَاتِ لِقَوْمٍ يَعْلَمُونَ

يمكن اللي تشوفينهـ بس في مدرستكـ او بعض المدارس ..

لكن ليش ما تلبس و تكشخ و ارد اقول بحدود ..

انها تعكس صورة المرأهـ المسلمهـ ..

و الملافع كل ابلة اسلاميهـ محجبهـ .. يعني تلبس ملفع ..

و في ابلهـ عندنا تلبس بدلات بس مو فوق المعقول ..

تلبس تنانير طوال مانتوهات ..

و لما تطلع تلبس عبايهـ ..

هالشي حلو و طيب انها ما حرمت نفسها من زينة الله و بنفس الوقت ما تعصي الله ...

الله يهدينا اجمعين .​

 

[UM M&M]

رد : أبلة إسلامية .. يعني ما تلبسين ولا تكشخين و لازم اسود بأسود !!! دعوة للنقاش

مافيها شي تلبس دام شي بالحلال
لكن النقد يكون عاللي تحط مكياج و حمره فاقعه و هدومها ظيجه و تطلع
هني تناقض نفسها
بحكم المادة اللي ادرسها

الا اذا كانت تلبس عباة و تضمن مافي رياييل يمرون بالمدرسه
بالنسبة لي انا مدرسة اسلامية بس البس عباة و تحط مكياج خفيف
ودي اكشخ بس مدرستنا كبيره حيل و دايما فيها رياييل عمال و أولياء أمور .. فبالعباة اخذ راحتي اكثر

 

[قفشـه]

رد : أبلة إسلامية .. يعني ما تلبسين ولا تكشخين و لازم اسود بأسود !!! دعوة للنقاش

والله الحين اغلب الابلات عبايات

ماقاموا يقطون عاللبس

ياتخش لسفره او ذهب او سيارة

مع اني مع اللبس والكشخه

وذكرتيني بابلاتي الاسلاميه قبل ايام المتوسط

التنانير الضيجه والقمصان القصيره والكعوب والمكياج والقذله امطلعتها كانوا قمة الاناقه والفرفشه حتى الحصه اتهبل معاهم

بس لي طلعوا من الباب اسود باسود ماشالله عليهم

 

[أم الشيخ 2010]

رد : أبلة إسلامية .. يعني ما تلبسين ولا تكشخين و لازم اسود بأسود !!! دعوة للنقاش

عادي..


تلبس ..


وتكشخ..


وتحط ميك أب ..


حالها حال غيرها بحدود وضوابط ..

والمعقد اللي يقول غير جذي.

 

[myaar]

رد : أبلة إسلامية .. يعني ما تلبسين ولا تكشخين و لازم اسود بأسود !!! دعوة للنقاش

بـ العكس تلبس وتكشخ دام داخل المدرسة وتضمن ماكو ريايل حزتها


حالها حال كل المدرسات جذي

وما عليج ان شاء الله حتى من أبلات قسمج انتي عليج من نفسج