أبلة اسلاميه (متوسطه) تعيين يديد وضايعه ..ساعدونــي بليـز

[توته999]

بنـات الله يعافيكم انا عينوني مدرسة تربيه اسلاميه مرحلة متوسطه
ودوامي يوم الأحد وحددددددي ضايعه

خاصه اني خريجة شريعه مو تربيه يعني ما اخذت ميداني فماني عارفه شسوي اول يوم دواام ؟

آخذ معاي دفتر تحضير ولا شنو!! :bbbiu:
راح يخلوني اشرح من أول يوم ؟ انا ضااااايعه وماعرف ولا شي بطريقة التحضير وشلون اقابل الطالبات اول يوم بليييييييز ساعدوني
معقوله راح يخلوني اشرح من اول يوم
ولا بيخلوني اول شي ادش صغوف اشوف طريقة الشرح والتحضير
قولولي انتو اول يوم دوام شسويتو

واسمحولي طولت عليكم بس جد حدي ضايعه ومتوتره وخايفه :eh_s(16):

 

[انسام الكويت]

الله يكوون بعووونج ان شاء الله سهالات

اهم شي خليج ريلاكس ووينكم يا بنااااات التربيه ساعدوها

مؤ شرط تخصص أسلاميه اي مدرسه تدش تقول تجربتها باول تعيين

وموقفه خيييييير

 

[توته999]

تسلمين حبيبتي
اي والله وينكم يا أبلات شدعوه ماطلبت شي تعجيزي

 

[MzMzq8]

لاطبعا ماراح تشرحين و لا من حقهم

تقعد معاج رئيسه القسم تعلمج طريقه التحضير و تزوررين المعلمات فحصصهم تتعلمين

واكيد بيخلونج تمسكين الاحتياط عساس تحتكين البنات

اهم شي كل شي سألي عنه ولا ترضين انج ترشحين قبل عالاقل اسبوع

ولو انا منج اسبوعين

وطبعا لاتجيبين دفتر تحضير روحي القسم وسالي المدرسات

يمكن الموجهه تفضل انج تطبعين بدال التحضير اليدوي

عموما سهالات لاتحاتين وموفقه

 

[توته999]

مشكوره اختي MzMzq8 على ردج وان شاءالله سهالات يارب

 

[هاجر ربيع]

السلام عليكم

استعينى بالله فى كل امورك واعلمى ان الله هو خير معين وتوكلى عيه وان شاء الله ربنا يوفقك من اختك هاجر من مصر

 

[توته999]

جزاج الله خير اختي هاجر والنعم بالله اكيد

 

[أروى المطيري]

ها توته شنو سويتي في اول يوم بتفصيل انا مو تربويه

 

[توته999]

هلا حبيبتي اروى
اول شي احب اقولج انهم غيروني ماحطوني بالمتوسطه
حطوني بابتدائي مدرسة عبدالمحسن البدر بنين بمنطقة جابر الاحمد قالولي في نقص حدددددده ضاق خلقي كلش ماكنت ابي ابتدائي ولا حاطه ببالي
المهم داومت الاداره عسل وقسمي حيييييل يهبل من المدرسات ورئيسة القسم والناظره والوكيله
لكن الصبيان بلوووووووه والله فيني البجيه ماقدرت اسيطر عليهم او بالاحرى ماعجبني تدريسهم
حيل شياطين ويبيلهم وحده 24ساعه تصارخ وفوق هذا كله عمج اصمخ مايردون على احد جنج تكلمين الطوفه
بس الله كريم شقول بعد الحمدلله على كل حال