أبي أروح اوروبا بس قصتي قصه :(

[مدام زيزو]

شلونكم بنات شخباركم
الله يسلمكم ابي اروح اوروبا هالصيفيه
بتقولون روحي وين المشكله صح؟
المشكله اني ماعرف ولا ريلي بالسفر حق اكثر من ديره
شرايكم ؟؟
- شنو الدول اللي ازورها وشكثر تكلفني انا تقريبا ميزانيتي 3500 ؟ زين؟
- اروح مع قروب ؟ والا اروح بروحي؟؟
-عندكم سفريات زينه اتعامل معاها؟ والا اسوي شغلي بالنت بروحي؟
- اي وقت بالضبط من الصيف احسن واحلى ؟؟
بليز بليز ساعدووني ​

 

[مدام زيزو]

بنات تكفه وانا احوس بين المنتديات قريت عن بطاقه خصومات حق التنقلات بين الدول الاوربيه منو جربتها ؟؟ تقولي عنها
وابي اسألكم شكثر اطول؟ اسبوعين والا ثلاث عشان اضبط الاجازه
واي بعد بسألكم التنقل يصير بقطار؟؟ وفنادق اربع نجوم ارخص احسن مو؟؟

 

[طوق البنفسج]

تكفي ..و اذا حجزتي من النت ارخص لج .. او شوفي السفريات الحين اسعارهم معقوله حق لندن ولا باريس 7 ايام 6 ليالي بحدود 400 مع الطيران و السكن و الريوق و التنقل من و الي المطار ..

يعني انتي و زوجج 800 و يبقى لكم الفين و شي تستانسون فيهم اذا روحتكم اسبوع او 10 ايام

 

[أثير الورد]

احسن روحى مع قرووووب

 

[مدام زيزو]

بالنسبه للنت في مواقع مضمونه تعرفينها؟
وبالنسبه للقروب في سفريات تمدحينها؟


وبعد بنات ابي آراءكم

 

[طوق البنفسج]

جربي سفريات جامبو بالافنيوز جبال كيرفور .. يسون لج الرحله حسب الي تبينه .. و بالنت عندج مواقع الطيران اي طيران تبينه كتبي بقوقل يطلع لج و جربي expedia للطيران و booking للفنادق

 

[مشمشة رمانة]

والله حبوبة اذا اول مرة وبخاطركم تروحن كذة دولة

انصحج تروحين مع قرب اونس لكم وترة مع القروب يعطونكم خصم على الفنادق

لانة ياخذون عدة غرف ويعطونهم الفندق خصم لكم

وعلى السفريات احنا كنا نحجز من التذاكر والفندق من المستقبل

ايبلج رقمهم

 

[3e6er alwrd]

فلوسج تكفي وانا من رايي روحي بروحج احسن انا ما احب القروبات لان انتي وحظج طلعو الناس زينين ولا مو زينين وشالله حادج انتي رايحة تسناسين ولا رايحة هذا قال وهذا سوى صج انها يمكن ارخص بس مو وايد ترى تقدرين تروحين حق سفريات وخططون رحلتكم بس روحوا بروحكم.. والتذاكر الي سمعتي عنها تنباع اهناك ساعات من الفنادق نفسها او من المحطات اقتراحي لج روحي المانيا والنمسا (ميونخ-زل ام سي - فينا ) وايد سهلة الفنادق معروفة بالسفريات والقطارات متوفرة وديرة وايد ناس رايحين لها

 

[Miss Cherry]

اكيد اذا حجزتي بالنت تطلع لج ارخص .. وانا عن نفسي ماحب القروبات احب اخذ راحتي اذا معاكم لغة سوو اموركم بنفسكم احسن واونس


بالنسبة للبطاقة اللي تتكلمين عنها هي الاويستر اللي اعرفه بلندن وممكن توصلج فرنسا .. وطبعا اكيد ارخص لج بس مادري اذا فيه بطاقة غيرها لدول اوروبا

والفنادق باوروبا اربع نجوم او 3 ترا زين اهم شي يكون الفندق سامعة عنه او معروف يعني مو تحجزين بالنت الا مسويه سيرج ويكون الموقع موثوق ماتدرين بعد

 

[مدام زيزو]

جربي سفريات جامبو بالافنيوز جبال كيرفور .. يسون لج الرحله حسب الي تبينه .. و بالنت عندج مواقع الطيران اي طيران تبينه كتبي بقوقل يطلع لج و جربي expedia للطيران و booking للفنادق

حبيبتي مشكوره خذيت الاسامي وبدش اجيك بعد شوي عليهم

 

[مدام زيزو]

والله حبوبة اذا اول مرة وبخاطركم تروحن كذة دولة

انصحج تروحين مع قرب اونس لكم وترة مع القروب يعطونكم خصم على الفنادق

لانة ياخذون عدة غرف ويعطونهم الفندق خصم لكم

وعلى السفريات احنا كنا نحجز من التذاكر والفندق من المستقبل

ايبلج رقمهم

انطر الرقم بروح ازورهم واشوف

 

[مدام زيزو]

فلوسج تكفي وانا من رايي روحي بروحج احسن انا ما احب القروبات لان انتي وحظج طلعو الناس زينين ولا مو زينين وشالله حادج انتي رايحة تسناسين ولا رايحة هذا قال وهذا سوى صج انها يمكن ارخص بس مو وايد ترى تقدرين تروحين حق سفريات وخططون رحلتكم بس روحوا بروحكم.. والتذاكر الي سمعتي عنها تنباع اهناك ساعات من الفنادق نفسها او من المحطات اقتراحي لج روحي المانيا والنمسا (ميونخ-زل ام سي - فينا ) وايد سهلة الفنادق معروفة بالسفريات والقطارات متوفرة وديرة وايد ناس رايحين لها

مشكوره حبيبتي تدرين انا خاطري بسويرسرا وقالولي اذا رحتليها نفس النمسا اهي

 

[مدام زيزو]

اكيد اذا حجزتي بالنت تطلع لج ارخص .. وانا عن نفسي ماحب القروبات احب اخذ راحتي اذا معاكم لغة سوو اموركم بنفسكم احسن واونس


بالنسبة للبطاقة اللي تتكلمين عنها هي الاويستر اللي اعرفه بلندن وممكن توصلج فرنسا .. وطبعا اكيد ارخص لج بس مادري اذا فيه بطاقة غيرها لدول اوروبا

والفنادق باوروبا اربع نجوم او 3 ترا زين اهم شي يكون الفندق سامعة عنه او معروف يعني مو تحجزين بالنت الا مسويه سيرج ويكون الموقع موثوق ماتدرين بعد

حياتي تسلمين
اسم البطاقه سويس ايرل بعد البحث