أبي أسوي مجسمااات بسعر معقوول

[عالي مستواها]

السلام عليكم

ودي اسوي وسائل فلين عليها رسم ومجسمات حق بير وأبراج ، مسرح ظل ومسرح عرااايس شغلات جذي يعني بس مابي دسمان صراحة بتطلع علي ميزانية أسعارهم حييل غالية

أبي رسام وخطاط شغل عدددددل وأهم شي سعره زيين لاني بسوي شغلات وااااجد

 

[عذوبQ8]

الصراحه ما عندي فكره0000000انشاء الله البنات يفيدونج

 

[روزيتاريري]

حبيبتتي روحي مجمع البدر بسوق الفحيحيل في واحد هندي يسويلج اللي تبينه واسعاره حلوه

 

[Om_Ksha]

حبيبتي هالاشياء سهله تقدرين انتى تسوينهم .. انا بوريييج مسرح عرائس قبل امس سوييته وانشالله بعرضه عالموجهه يوم الاحد ..

ماشااللله مشالله واايد حلووو .. عاد الفكره بسييطه كرتووون تلفزيون كبير قصيت الفتحه والباجي جلالاد .. بسس ماطلع علي اب دينار سعر الجلاد !!

بس انشالله انزل الصوووور واحطهم بموضووع واوريج ..

 

[Art Teacher]

والله ماعرف انا مجسماتي بروحي اسويهم كنت مسويه 2 عن التراث

 

[عالي مستواها]

مممممم

ما ينفع الكرتون ما يعمر .. الخشب يبقى على طول

أنا قلت بشوف الأسعار إذا صج غالية .. بعد أسويها بنفسي أرحم

وروني شغلكم يمكن يدش مزاااجي واسوي مثله :ggdw:

 

[زيـטּ عَبْس]

اللي اعرفه مكتبة السنافر بالأندلس

بس ماعندي فكرة عن اسعارها

بس دوري تلقين صور ابراج وغيره كباار وركبيهم على فلينه

 

[ضحـاوي]

في مجمع في حولي ورا مجمع السندس اكثر من محل يسوون باسعار حلوه

 

[أسمى حب]

حبيبتتي روحي مجمع البدر بسوق الفحيحيل في واحد هندي يسويلج اللي تبينه واسعاره حلوه

صحيح _03ba:

الهندي اسمة جمال ( مركز الكلمة )

 

[عالي مستواها]

مشكورين بناااات

الفحيحيل بعيدة علي وما أدل فيها

بروح للي قالت عنه ضحاوي باشوف أسعارهم

 

[غير كل الناس]

اخذي الفلين من القطامي يسوون الشكل اللي تبين وانتي تتفننين فيه او اذا تبين يسوولك المجسم واسعارهم حلوه مكانهم عند ايكيا القديم بالشويخ

 

[هوفه]

شوفي اختي

احسن مكان اتسوين فية وسائل وفناتق وباسعار معقولة جدا

مركز البدر في منطقة الفحيحيل


ممتاز ورخيص

وخلال يومين تستلمين شغلج

انا امسويه مسرح عرايس ماكلفني 10 دنانير

 

[عالي مستواها]

كلاااااااااااااااااامكم يشجع


بروح للفحيحيل لاول مره بحياااتي ههههههههههههههههه

ابي العنوان بليز بناااات وين بالفحيحيل .. ترا حدي خواااره

قولولي وين البدر بالضبط اسم الشارع .. شنو عنده قريب

 

[قصــب سكــر]

وانا اضم صوتي لصوت البنات روحي مركز بدر في الفحيحيل عندي جمال الهندي

وفي يمه واحد هندي يسوي المسرح بـ 8 دنانير وخشب بعد

ولما يقولج سعر حاولي تكسرينه وعموما اسعارهم حلوه وما يشطون بالعالي

والسنافر ما انصحج ترى غالين مع ان مجسماتهم حلوه بس مبالغ باسعارهم

ومركز بدر الله يسلمج يقع في الفحيحيل بنفس المجمع اللي فيه خان الخليلي

بنفس شارع مذركير اللي بالفحيحيل

وحيااج الله

 

[معلمة متقاعدة]

عاشوا البنات

 

[عهود الحب]

شحقه

انا اسوي مسابقاتي بايدي
ومسرح العرايس تقدرين تسوينه بعدة افكار ونماذج

موشرط خشب

 

[rr202rr]

استفدنا من موضوعكم