أبي أشتري مقلات و جدووور زييينة \ ساعدوني

[* فطامي *]

السلام عليكم ...

لأول مره أكتب بهذا القسم و متأكده بأنكم ما بتقصرون معاي

حابه أخذ رايكم بشغلة محتاره فيها :bbbiu:...


قاعده أاثث عش الزوجية اليديد وداخلة على حياة يديده وحدي محتاره من وين أشتري الجدور و المقلاه ؟؟؟ أبي سان ستيل أصلي ويكد عدل

مفكره أشتري من إيكيا شرايكم :eh_s(10): وايد عاجبيني و جم وحده مدحوا لي جدورهم و المقالي بس ودي أعرف خبرتكم ورايكم

واللي عندها مكان معين خل تنصحني لاني مو عارف من وين أشتري اللي يقول من إيكيا واللي يقول من أي سوق شعبي عادي أو جمعية الشرطو حدي ضايعة وودي بشي زيين

أنطر رايكم وخبرتكم :RoadRunner: ​

 

[@شمس الضحى@]

الاسواق الشعبيه متروووووسه اشكال والوان وتهبل​

 

[الوردة المكنونة]

الاسواق الشعبيه متروسه صح
بس كــــ عش زوجيه انصج من ايكيا شغل حلو ومرتب ومتعوب عليه

ألف مبروك على عش الزوجيه اليديد

 

[baby_sweet]

ماعلى جدور مصــــــــــــــــــــــــــــــــــــــر تهبل اذا عندج احد يجيبهم
في ماركه اسمهااا زهار زهير شي جذي ماني ذاكره الاسم عدل
باجر اشوف اسمه000 وعساه منزل مبااااااااااااااااااااااااااااااارك يارب

 

[ديرتي الغاليه]

المصري موووووووووشيء يحلي ويطلع الماي رمادي ........اذا تبين جدور معدن كويتي احلى شيء او الاستيل الاصلي

 

[eng_bdliat]

جدور ايكيا حلويين بس مقاليهم مو كلهم زيننين

 

[منارو]

اي والله بنات
انا شريت من الاسواق الشعبيه جدوري
ولاحظت مع الطبخ وحرارة الجوله انه قام يطلع لهم ريحه مثل الصدا
والله اني خايفة من المعادن تطلع اشياء مضرة للصحه
من وين ناخذ شي مضمون وصحي اهم شي

 

[أغصان]

نصيحه اخذي من ايكيا وانتي مغمضه
كل مواعينهم حلوه وزينه

 

[~ام خالد~]

الله يبارك لج ويهنيج حبيبتي
والله انا جهزت كل شغلي من سوق صادق اللي بحولي
وعندج الحين فاتحين المعلم بمجمع بيروت تحتاااااااااااارين من
اللي تشوفينه
وبعد سيتي سنتر يهبـــــــــــــل

الجدور انا ماخذه معدن والله شحلوهم
والمطاطير احسن شي الالماني
والمقالي اخذي كله تيفال

 

[أحلى الجياكر]

لا تحتارين
مؤسسة على عبدالله الصانع ...تيفال و دور ستانسيل اصلية ...وعنده اسعار تنافسية

 

[أم عبدالله Q8]

انا ما آخذ الا تيفال ولا ستانستيل احسن من المعدن حتى المقالي شوفي مبروك لتجهيزات المطابخ تلقينه عند مواقف سوق السالمية

 

[جدة الحلوين]

:eh_s(7):باالمبارك عش الزوجية والله يوفقج حبيبتى اهم شى اخذى جدور ستنا لستيل وعند سوق شعبى اسمة الشرق الاوسط فى الشويخ
واسعارة حلوة لان الطبخ فيهم صحى

 

[منارة الإيمان]

حبيبتى .. هذول جدوووور العمر .. هههههه توصي فيهم

عن نفسي جدوري ستناستيل 18/10 وأفضل نوع وصحي

شئ ما خذته من إيكيا .. وشئ نوعه تركي تراه ممتاز واسعاره مناسبة

صرااااحة وااايد حلوين

وبالتنظيف استخدمي له جفت بجميع أنواعها

يخليهم يبرقووون برق ما شاء الله

خير ما خترتي

وزواج سعيد موفقة

 

[* فطامي *]

يعطيكم ربي العافية حبايبي كلكم على المساعده ورايكم اللي بساعدني في اختيار الاغراض

ان شاء الله ناوية أخذ من إيكيا و أشوف بعد مكان ثاني ...

 

[فرفورة2]

يا حياتي روحي حق الميرة اللي بالضجيج
حلو ومسوين الحلين عروض اتهبل عالمواعين وتوني ما خذة منه للمخيم
مالنا

 

[Miss Selfridges]

لا تحتارين
مؤسسة على عبدالله الصانع ...تيفال و دور ستانسيل اصلية ...وعنده اسعار تنافسية

انا مع الاخت صج غلايه شوي بس قيمتهم فيهم يستاهلون وانا احب الغشل العدل ولا احب اللويه واجرب

هذا طباخ يعني بيدخل بالجسم لازم يكون استيل مو معدن لانه موزين يطل ماده مضره

اله يتمم عليج يارب ويبعد عنج الحساد ويسخركم لبعض انشالله

 

[أساور]

اخذي الستيل من مبروك