((((( أبي أضبط أسناني في إيران عطوني رايكم )))))))))

[ريحانة_14]

صباحكم ورد يابنات

اليوم باباتي حبيبي زارني في البيت وشفت أسنانه تهبل الله يحفظه

أنا أدري إنه مسويهم بإيران عند دكتور شاطر وايد .. وطبعا الأسعار خياليه

أهو مسوي كل أسنانه بـ 400 دبنار كويتي كللللللهم زراعه
ورحت عيادة هني بالكويت قالي الضرس الواحد بـ 200 دينار :tomato2:

وعزمت بإذن الله أضبط أسناني بإيران أنا بعد

بس أبي أسمع منكم إذا تعرفون أحد مضبط أسنانه هناك

وإذا تعرفون أرقام عيادات دكاترة أسنان لا تقصرون يابنات



تحياتي لكم

 

[%F&R%]

رفيجتي مسويتهم بايران بمشهد ومو مكلفها وايد بس شغلهم مضبوط

 

[froha]

رد : ((((( أبي أضبط أسناني في إيران عطوني رايكم )))))))))

الله يعينج الاسنان ابيخ شي صراحة
انا مسوية اسناني عند انيسة الرشيد
صج نار و شرار
بس انتسي حسبيها تذكرة و فندق و لوية <<< هذا رايي الشخصي

الله يعينج

 

[سحايب نجد]

رد : ((((( أبي أضبط أسناني في إيران عطوني رايكم )))))))))

انا بعد وياكم تكفون فيدونا
طيب صاحبه الموضوع الوالد سواها عند منو
ووين مكانه بالضبط

 

[زبــــــــدة]

و تقولين ابوج مسويهم ؟

خلاص روحي وسويهم عند نفس العياده اللي ابوج راحلها

 

[ريحانة_14]

رد : ((((( أبي أضبط أسناني في إيران عطوني رايكم )))))))))

هلا وغلا بنات

تسلمون عالردود بعد عمري

=====================

f & r شغلهم حيييييييل مضبوط عشان جذي بروح إن شالله أسويهم

=====================

فروحة حياتي .. ياريت تقولينلنا عن تجربتج الشخصية وشنو سويتي بأسنانج تبيض والا كانت أسنانج عوية والا شنو بالضبط ؟

===================

سحايب نجد .. الوالد سواهم في مشهد عند واحد ينقاله أعتقد دكتور مندكار .. يمدحه حيييييييييييل
إذا تبين راح أييبلج عنوانه بالكامل

====================

زبدة .. الله يهديج يبا قاعدين ناخذ آراء يبا إيدج معانا وشدي حيلج ويبيلنا خبرات

أبوي سواهم قبل 5 سنين .. الحين هالدكتور رفع أسعاره حيييييييل والوالد الله يحفظة كل سنة يطرشلة
مو أقل من 15 زبون ..
فقام سوق العياده ماشالله والكل قام يمدح فيه ويتشكر من الوالد بس الله يهديه الدكتور رفع أسعاره حيل

فبشوف منو في بعد عالساحه

================

 

[ريحانة_14]

رد : ((((( أبي أضبط أسناني في إيران عطوني رايكم )))))))))

بنات

ولد عمي دكتور أسنان وأمس إستشرته بموضوع السيراميك

يقول إذا مالج خلق سوالف التقويم والحشوات وهالشغل هذا سوي سيراميك

بس مو مثل سيراميك حسن البلام .. يقول أهو مختار لون فوق الطبيعي
فصاير شكلهم موحلو ..

منو عندها خبرة بسالفة السيراميك ؟؟؟؟؟؟؟؟؟؟

 

[أساور]

صاجة اسنان البلام مو شي كلللش
يس شنو يعني سيراميك زراعة ؟

 

[الكادي 1981]

أب أب أب أب

 

[هديل 77]

رد : رد: ((((( أبي أضبط أسناني في إيران عطوني رايكم )))))))))

صاجة اسنان البلام مو شي كلللش
يس شنو يعني سيراميك زراعة ؟

صج شنو يعنى سيراميك , زراعه ولا طبقة تتركب فوق الضرس بس .

 

[ريحانة_14]

رد : ((((( أبي أضبط أسناني في إيران عطوني رايكم )))))))))

شلونكم بنات

في زراعة ضرس .. يعني يركبونلج برغي باللثه ويظل 5 شهور لغاية ما يسكر عليه عظم اللثه وتالي يركبون الضرس فوقه

أما السيراميك مثل ماقالوا البنات قشرة يركبونها فوق الضرس .. أول شي يبردون الضرس لي حد معين وتالي يلبسونه قشرة بحيث يتساوى مع باقي الضروس .. وهالطريقه تغنيج عن التقويم والتبيض

بس لازم تديرين بالج عليها لأنها أيضا ممكن تتسوس حسب علمي

ومدتها من 5-7 سنوات على حسب محافظتج عليها .. وتالي لازم تغيرينها

شرايكم بنات ؟