أبي أعيد في تركيا

[لوولووة]

بنات زوجي خطط انعيد في تركيا ابي اتساعدوني وين أحجز يكون مكان سنتر وكل شي يمه ومعاي اليهال وشلون الجو اللي راحت في راس السنةعفييييييية لا طنشوني ما في وقت

 

[الجورية الحمراء]

اولا عيدج مبارك مقدمن لولوة
ونسوا اليهال وروحوا استانسوا
حلوووو التغيير
لولوة عندج منطقة ,, ترابيا ,, نفس استطبول وموقعها على البحر
اغلبها منطقة سياح وخصوصن انة فترتج محددة واذا تبين تلفين تركيا يبلج شهر ما اتخلصين
وتعتبر مركز وسط المدينة بس ما فيها سوق بس اغلبها فنادق
وفية بعد منطقة تقسيم,, لازم تمرينها فيها اسواق
والسوق المسقف ألاسلامى بس أغلبة تراث
ويبلكم يوم ب بورصة وبعد هاذى تقدرون تسكنون فيها فيها اسواق ولونا بارك كبيرة ةتبعد عن اسطنبول اربع ساعات ساعتين بحر وساعتين بر وبعد منطقة ,, بورصة ,,واجهة السواح وفيها لونا بارك مدينة ملاههى
كبيرة
وأتصعدوا الجبل عن طريق التلفريك والشجرة التاريخية والنافورة وكثير من المعالم
يبلكم بعد رحلة لمنطقة يلواا وتروحون لمنتجع ترمال مكان حمامات معدنية
شقول وشقول بعد

لاتنسين زيارة المتاحف والقصور السلطانية
بس عمومن
صارات تركيا اغلا بعد انضمامها للأتحاد الأوربى
ولمعلومات اكثر
دخلى على مواضيع السفر عن تركيا تلقينى كاتبة والخوات بعد مو مقصرين بموضوع تركيا
نترك المجال لغيرنا
انشاللة محد راح يقصر معاج

 

[جكورة]

إختي دشي موقع العرب المسافرين فيه كل المعلومات اللي تبينها عن تـركيــا

ورحله موفقه بإذن الله

 

[الجورية الحمراء]

يعطيج العافية
جكورة

دخلى بحث قوقل وحطى منتدى المسافرون العرب

وفية تفاصيل الرحلات مع الصور

 

[لوولووة]

مشكوووورة كل وحده ردت علي عساكم ذخر

 

[أنا وين ؟؟]

ترى الوقت اللي بتروحون فيه وايد برد وسنو .... يعني مو كل شي موجود بالصيف راح يكون موجود ابهالوقت

في مجمعات تجاريه مثل مجمع جواهر وهذا كبير وبداخله مدينة العاب اسمها تعطيليا (( تاتيليا )) وفيه مطاعم وسينمات ومحلات متنوعه بس اغلبها محلات الشايع اللي عندنا بالكويت

وفي مجمع يديد وغريب توه فاتح بالصيف اسمه كانيون تصميمه غريب وفيه محلات ومطاعم حلوه وسينمات

مجمع " اك مركز " ملموم وحلو

ومجمع مترو ستيتي

وفي السوق المسكر ... والسوق المصري ...
المسكر مشكل فيه زل وذهب وملابس يعني منوع من كل شي
والمصري ما دخلته بس على حسب ما سمعت انه كله شغل مصر بالاضافه للبهارات

وفي المتاحف والمساجد تقدرين تستفسرين عنهم من الرسيبشن

وعلى السكن في فنادق وايد زينه واسعارها تتراوح بين المعقول والغالي ... بس حجزو من الكويت اعتقد ارخص من لما تحجزون من تركيا

 

[¤§ زيتونة §¤]

الله تركيا فديتها تهبل



والله ذكرتيني فيها رحت 8 مرات ولا شبعتمنها


والبنات قالو كل شي ماشاءالله



وترى بورصة احلى من اسطنبول اذا كنتي تحبين الاحتشام لان اسطنبول اوربي واسيوي يعني فري زيادة عن بورصة


وفيها كل شي يخطر ببالج


واخذي ملابس شتوية ترى الحين برد والثلج ينزل فوق بالجبل

ولا تنسين التلفريك تراه متعة فظييييييييييييييييييييعة


اااخخخخ والله شوقتيني لها بالشتا ياااااااااااااي تهبل

اكيد ريلج يعرف مكتب سياحة واحسنهم ترى يم الملعب في بورصة ستوديوم






موفقة حبيبتي وتروحين وتردين بالسلامة

 

[دمعة فرح]

هلا اختي انا رحت تركيا مرتييين والصراحه رووعه وخاطري ازورها ثاني مره


طبعا بيكون الجو بارد

رووحي ترمال الي منطقه فيها اسمها جوب جدار اضن جذا فيها الحمامات الحاره واايد حلوووه

ورووحي اسطنبووول حلووووه وفيها لسوووق المصري

 

[طوق البنفسج]

انا اقول دام عندج نيه سفر روحي مكان يسوى تركيا كلش ماتسوى انا توني رايحه بالصيف مو ذاك الزود و بعدين الحين برد موووت و ثلج يعني ماراح تستانسين بالطبيعه الا اذا بتروحين جبال و منتجعات ثلجيه حق سكي وماسكي الانه هذا الي عندهم بالشتا

 

[بنت الحزن]

رحتلها ما حبيتها ناسها عسرين