أبي أونس اليهال...ابي مساعدتكم

[Young^Heart]

السلام عليكم و رحمه الله و بركاته.....

كل أسبوع نفس المأساه.....وين نروح :gr4uu: ...انا عيالي صغار سنه و 3 سنوات....يعني لازم مكان يكون فيه :
1. ألعاب حق اليهال.
2. مكان حق الصلاه مع حمام (مكان تبديل بامبرز).
3. مطاعم .
4. يكون المكان مسكر (علشان لما ولدي ينحاش أقدر ألقاه)

حاليا أماكن محدوده اللي تتوفر فيها هالأشياء و يكون الجو العام مريح...يعني ما يكون فيها مناظر غير مستحبه (بدون تفصيل)...الله يهدينا و يهديهم...و يكون الجو العام عائلي :ioljnmlk: ...هم علشان إذا ولدي قام يتمردق بالقاع و يصرخ ما ألقالي تعليقات مالها داعي :denya: ...جني قاعده اتحلى عليه و اهوا امفشلني :eh_s(14): ... المهم... ابي اقتراحتكم حق احلى أماكن في احلى ديره علشان انونس اليهال ........ و شكرا:tek:

 

[esTanosh]

حولي بااارك خوش مكاان؟
شرايج تبيين يعني جذي امااكن ولا غير

 

[Young^Heart]

اتصدقين عاد وحده معاي بالدام مادحتلي اياه و قالت ان عيالها استانسوا وايد اهنام بس ما جربته ... شورج و اهدايه الله..و شكرا :tek:

 

[ThEQuEEn]

المركز العلمي حلو اخواني يستأنسون فيه و فيه برى بحر و داخل مكان مغطى و فيه حمامات و غرفه لصلاه و مطاعم و كوفي و .....

 

[شندوخه]

طفل المستقبل بس ماذكر وين فروعهم
بس بالمثنى
وجنه بكيفان

 

[caramel]

عندج حولي بارك الصاله المسكره وايد حلوه وفيها العاب وايد

 

[فيونكا فوشيهـ]

طفل المستقبل اللي بستي سنتر فوق في العاب و مطاعم و مكان صلاة و و حمام كلللهم فوق بعيد عن السوق
خليهم يلعبون و انتي اختاريلج طاوله تقعدين عليها تكون جدام الالعاب
احنا كله نسوي جذي و نروح بعد صلاة الظهر نتغدى و نمشي احسسن وقت

و عندج يووم بحار حلو حق اليهال الصغار يعجبني هالمكان مع ان الكل يقول شخبااري ( مصلى + حمامات + و هم في الاكل الخفيف )

وو بعد عندج سوق شرق الالعاب ملوتهم بس ماني ذاكرتهم من زماان مارحت صوب الالعاب و مادري اذا يضلون طول السنه و لا يشيلونهم

و هم حولي بارك صوب العاب اليهال اللي مصكرين ( مصلى + حمامات + مطاعم ) كللهم يم بعض و بنفس الصالة الا المصلى برة صوب الالعاب المفتوحه

وو بعد شنوو
علاء الدين مادري جان في مطاعم و مصلى صارلي مدة طووويله مارحتله

ووو بعد عندج حديقة الحيوان حلوه حق اليهال اللي بكبر عيالج ابوي كان بين فتره و فتره يودينا اهناك و كان ونااسه بس مادري عنها الحين جانها زينه و لا لأ

و حتى بالمجمعات في العاب اذا بتروحين تتمشين و تخلينهم صوب الالعاب على ماتخلصين ..!! بس احس عيالج صغار مو حلوه تخلينهم بروحهم مع الخدامه بهالعمر

 

[al7anona]

مثل ماقالو البنات

حولي بارك<<وايد حلو صوب العاب اليهال اللي كبر عيالج مسكر وداخل الالعاب والمطاعم

شرق

المهلب

سوق السالمية

المركز العلمي

 

[Young^Heart]

مشكورين اخواتي الحبيبات على تفاعلكم معاي ... الحمد للله في احد حاس بمعاناتي :friends: ... الشاهد هالاسبوع انا ماخذه اجازه و بطلع اليهال انشالله....الله يستر :bbbiu: ... بقولكم مكان امدحته لي بنت خالي و اهوا بروي اللي بالافينيوز ... و قالتلي ان حلو حق عمر عيالي انشالله بوديهم و اقولكم الاخبار.. :eh_s(17):

 

[ام فوااز]

بروي وايد حلو حق اليهال انا ولد يستانس عليه والاحلى شي انهم مايقدرون اليهال يطلعون من نفسهم انتي اللي تاخذينهم يعني مافي نحشة

 

[um_yoyo]

نفس عمر عيالي ولدي يحب حولي بارك و بروي و الكويت ماجيك فوق هم حلو بس بعيد

 

[MaZyOoOoNa]

طفا المستقبل الخليجيه
وفي العاب بالمرينا فوق
برووي الافنيوز

 

[عقر بقر]

وديهم مهرجان السحوبات خل يشاركون

 

[حنين]

عندج كويت مجك في العاب يره على بحر وعندج العاب داخل وفي مصلى ومطاعم

 

[<< أزيان >>]

والله على وصفك مالك الا بروي بالافنيوز مكان مسكر مايقدر يطلع قطيهم مع الخدامه وتسوقي او قعديلك بكافيه عيالك صغار وهذا اللي ينفع لهم يلعبون بالرمل ويرقصونهم مع الموسيقى ويلونون هذا الانسب لهم

وعندك حولي بارك الصاله المسكره ونفس الشي بسوق شرق فوق بس جربي بروي

 

[Young^Heart]

السلام عليكم و رحمه الله و بركاته...بغيت اقولكم عن مغامرتي انا و اليهال في الافينيوز....رحت الله يسلمكم عقب صلاه الظهر شلت قشي انا و اليهال...أول ما دشينا طبعا ولدي العود ما صدق على الله انحاش...خليته ما ركضت وراه و بعدين جنه اخترع و رد :dddds: ...رحت حق بروي و رحت عند بوابه الالعاب اللي فوق صوب الملابس و الالعاب..حاولت ادخله ما رضى...اما العنونو حبيبي قاعد يصفق مستانس :ggdw:..بس العسر فشلني صراخ و صياح مو راضي يدش...ما بقى فلبينيه ما يت اتحاول فيه...اضطريت للعنف جان اشيله و اهوا يعافر و دخلته داخل جان فجأه يصير ميوت :dddds: ... و ديته صوب العاب الاركيد...اصلا هدني و راح ...عجبني وايد االمكان...طبعا ماكو يهال وايد يمكن 4 يهال بس...ساند بوكس كبير و فيه العاب مع ببلز ييييييييييييييييين ولدي لما شافهم...و زحلاقيات و مكان فيه كور...انا هديتهم و رحت اتسوق شوي و قعدت بستار بكس شوي :nbptr:...رحت اصلي العصر ...صج المكان شوي بعيد بس احس رياضه...خوش حمام نظيف...و مكان الصلاه فيه مكان اتيددين وايد حلو و مرتب...و مكان الصلاه هم حلو.... و رحت لهم شبه اركض لأني احاتي الصعيعه اللي بشوفها....الحمد لله لقيتهم قمه الوناسه حتى العنونو قاعد يسبح مع الكور واااايد مستانس...طبعا طلعتهم غصصصصصصصصب...و رحنا انتغدى...طول الطريج نتسابق...مشالله مطاعم وايد الواحد يحتار تغدينا... و رحنا انتسوق شوي....بطلعتنا كانت الزحمه باديه بس صج صج صج استانسنا حتى الخدامه استانست.. و عيالي ناموا بالسياره من التعب...:nbvppw:

 

[وردة النرجس]

عليج بالعافية الطلعه

وصج أنسب مكان لهم بروي

وأنا عيالي بعد يستانسون على بروى ومراكز طفل المستقبل المنشرة بالمجمعات

 

[خوختي دنيتي]

الحمدالله ناسبهم بروي كنت بقول بس اشوه جربتيه واستفدتي

 

[ضحـاوي]

عليج بالعافيه صح بروي حلو

لكن انا عيالي يستانسون اكثر على المركز العلمي

يحبون قاعة الاستكشاف انا اقعد بكوستا واهم يشبعون بالعاب قاعة الاستكشاف

بعدين ندخل اي ماكس حسب الفيلم الي يناسب الوقت ووااااايد يندمجون مع افلام الاي ماكس

تقريبا اروح كل اسبوعين مره هناك من كثر ما يحبونه وانا اامن فيه

وفيه مطاعم ومصلى واحماماتهم نظيفه ,,,,, وحتى بره التمشي على البحر روووعه بعد المغرب

 

[نونو ام كشة]

عاد انا دايما اروح الافنيوز بس مره وحده اللي اخذت ولدي معاي لانه مزعج بس قالت لي وحده عن بروي بس هالبنت مو ثقه خفت اخذه واتحسف بس ما دام كلكم مدحتوا بروح له هالاسبوع..

وفعلا من الاماكن الحلوه حق هالعمر حولي بارك الصاله المسكره وطفل المستقبل اللي بشرق واللي فوق ستي سنتر