أبي أووولد

[MiSs Q.8tya]

السسسلام عليكم
بنآت انا بدخل العاشر باجر وبروح لدكتورتي باجر ابيها تولدني تعبت وزهقت ابي افتك وأولد بس المشكله
ماجاني لا طلق ولاشي تتوقعون اذا طلبت منها تولدني بطلق صناعي ترضى ..؟

 

[نور-الكويت]

احنا بعد نبي شي بعد الله يفتح الرحم ونولد ان شاء الله

 

[*وردة نرجيسية*]

الله يسهل علي وعليكم

 

[منوووورة]

انا بثااني اسبوووع من التاسع الله يستررررر ويهووون عليكم وعلي ان شااء الله

 

[.،:"$الـعـوبــــة$":،.]

رد : أبي أووولد

إه !
تعبت وانا اكتب نفس نفس نفس الكلام !!
شوفي ياقلبي ،،
التساهيل من الله ،،
انا قبل عبالي من الدكتورة نفسها اذا هي شاطرة تولدك بسرعة وماتحسين بشي ومن هالكلام! طلع لا والله التساهيل من الله !
ممكن اقولك شغلات شكثر حق فتح الرحم ! وتفتح الرحم عندك بسرعة ! بس ماتجيب الطلق ! أو العكس !
وممكن هالشغلات ماتفيدك ولاتأثر فيك !!
الشي الأكيد هو الدعاء والاستغفار والصدقة ،، هذي على ضمانتي راح تخليك تولدين احسن واسهل ولادة ،،
اذا رحتي الدكتورة وقالتلك انك مفتوحة لو سانتي ،، اشربي حلبة وحليب الصبح ، واشربي خرع مع الأناناس ،
مو الا تخلصين العلبة كاملة ! لأ ! على ربع ربع ربع !
وامشيييييييييييييييييييييييي على شاطي البحر وياليت تكونين حافية ، وعالممشى ولابسة اريح شحاطات او جوتي رياضة عندك ،
عندك ناس تمدح الحلتيته ، ناس تقول تشمها ، وناس تقول نفوحها بماي لين الماي يثقل وبعدين نصبها عالكوتكس وهو دافي ونلبسه ووحدة بوحدة ! بس الله يعين الدكاترة على ريحتك! لأن الحلتيته ريحتها شي مو طبيعي !!
وعندك الجماع ويكون القذف داخلي وتكونين منسدحة على ظهرك اطول فترة ممكنه ،
وتقدرين تخلين الدكتورة توسع لك بعد ، وانا هذي جربتها في بنتي ، وبنت عمي جربتها بعد ،
وناس تقول العسل والرطب !
وكف مريم شربته رفيقتي والله مامر عليها ساعة الا هي بالمستشفى !
انا شربته يمكن 5 ايام ورى بعض ومافادني !
وبس هذا اللي اذكره ، عسى الله يهون عليك وعلينا كلنا يارب ولايعزر فينا اللهم امين ،​

 

[MiSs Q.8tya]

جززآج الله خيرر يـ العووبه

 

[& الذاهبه &]

الله يهون عليج ان شاء الله

 

[ryoonah]

ـ الله يهون عليج يارب

 

[عاشقه رويشد]

الله يسهل عليكم يارب

 

[sharoo_e5]

الله يهون انا كنت مثلج واخر شى طلق صناعى والحمد لله ولدت طبيعي

 

[n-h-m]

الله يهون عليج

 

[الأميرة جوري]

رد : أبي أووولد

انتى صبرتي 9 شهور اصبري هالاسبوع وبتولدين بطلق طبيعي انتى نفسي اعدي موعدي بعدها باسبوع اولد

 

[MiSs Q.8tya]

رحت للدكتوره اليوم وقالتلي مفتوح سانتي واحد بس وقالت تعالي بعد يومين اولدج
لا تنسوني من دعائكم الصالح