أبي اماكن شعبية

[حيوته]

السلام عليكم
اشلونكم خواتي ابي الفززززززعة عندنا سائحة المانية زايرة الكويت وتحب تشوف الأماكن الشعبيه وباجر بنطلعها اليمعه يلا شدو الحييييييييييييييييل وعلموني تبي اماكن تراثيه وشعبيه

 

[جمان_الكويت]

رد : أبي اماكن شعبية

هلا حبيبتي
طبعا اول مكااااااان

الـمـبـاركـية .... المكان ايننننن و يهبل و كبيييير

ثاني مكاااان

سوق الحريم .. اللللله ودي ارووح .. راح تشوف سوالف اتيننننن

ثالث مكاااان

سوق السلاح.. فيه سوالف هم حلوه

المكان الرابع

يوم البحار اللي جبال مجلس الامه.. طبعا هذا بعد ماتخلصون مشاويركم حق القعده الحلوه و شرب الجويهه

و فرفروها بالدييره في اماكن وااااابد حلوه مخشووشه

و عليكم بالعافيه

 

[حيوته]

الله يعطيج الف عافيه يااااااااااااااااارب تسلمين يا قلبي :*

 

[صخر جلمود]

Up


up

 

[حبيبي سهلي]

عندج سوق الجمعة ناحية اللي يبيعون ادوات الصيد وسوق الحمام وبيت السدو والمتاحف وبيت القرين وديها مزارع تربية الدواجن ومزارع السمك اللي بالوفرة او العبدلي وعندج بعد سوق الاقط والدهن العداني والاعشاب سوق المباركية والسلاح سوق البشوت وسوق السمك والقهوة الشعبية ويوم البحار وديها مصنع الحلوى الكويتية الوطن وديها على سوق الحريم تتعرف على الملابس الشعبيه وعندج بعدها جبد خليها تشوف سوق الجت والابل والغنم وبعدها خليها تشوف الكويت بعد العمران حق المجمعات وغيرها وصج نسيت وديها المستشفي الامريكي القديم جدام يوم البحار وبيت ديكسن جدام وزارة الخارجية ............................ تعبت​

 

[زين الوصايا]

يعطيج العافيه ....
بازار
واسواق فحيحيل