أبي تفسير ل هالشي ضرووووري

[حـــواء]

السلام عليكم

أشكركم أولاً على هالمنتدى الأكثر من راقي


بإختصار

أنا سويت عملية أطفال أنابيب


و صارلي أسبوع بالضبط على ترجيع الأجنه (رجعولي جنينين )

و أمس تفاجأ لما رحت الحمام ( عزكم الله )

بنزول قطع دم متجلطه صغيره لونها بني


و بعدها على طول خذيت مثبت الحمل


و مثل ما انتو عارفين اليوم الجمعه (العياده مسكره ) بس بتصل على الدكتور باجر


في وحده صادفها هالشي ؟؟


و لما بحثت بالنت وجدت ان


يا بداية إجهاض

او انغراس الجنين


ممكن تفيدوني ؟



و جزاكم الله خير​

 

[ملكه الحطب]

ماعندي فكره

بس البني يعني بدايه اجهاض اما عن القطع البنيه ماعندي فكره

انطري لي باجر وان شاء الله خير انتي خلج منسدحه ومرتاحه ولا تلبسين كعب ولاتصعدين وتنزلين درج ولا تسوين اي مجهود

والله يثبته لج يااارب ويكونون توم

 

[BsKoOoOoTa]

والله ما ادري بس ما ابي اخرعج

وحده تسيرلنا جذي يوم راحت الطبيب والا واحد من الأجنه طاح والحمدالله ثبت الثاني

الله يثبتهم لج ويتمم عليج حملج

 

[ALMZa^_^JeYa]

الله يثبت حملج يااارب

وتفرحين بشووفة ضناج

 

[غير كل الناس]

ماكو الا العافيه انشاء الله ريحي نفسك وقولي يارب

 

[أم الهواشم]

ان شاءالله مافيج الاالعافيه ولاتحاتين وان شاءالله تبشرينا بحمالج يمكن كنت باذله مجهود

 

[الكشميريه]

انشالله ماكو شي


الله يساعدج

 

[عروووب99]

الله يطمنج ان شاءالله ماكو الا العافيه

 

[حـــواء]

مشكووورين وايد على التفاعل بالموضوع

و الله يسهل يارب

 

[مناوووي]

الله يثتبه لج ياااااااااااارب

 

[داناو]

الله يثبته لج
انتي الزمي الاستغفار ... ليما موعد الطبيب
وانشالله بتتبشرين بالخير