أبي حل ..(العصبيه عند قرب الدورة الشهريه)

[* ليــــدي *]

انا نفسج ادور الزله لو اخوي إكح ازفه اناشب بكل شي
و مره كنت رايحه للسعوديه وكان قبل موعدها بيومين
الله لا يوريج نكدت عيشت اهلي بس اهاوش وازف
مع اني هاااديه بس رحت هناك لمركز سلمان فقيه
قلت له انا اعصااب لدرجه في عرج تحت عيني ينبض حيل
من كثر الاعصاب وريجي ينشف وكل شوي وانتوا بكرامه
اروح الحمام كل خمس دقايق قالي ..
عادي وضعج طبيعي ويسير دااايم هذا توتر وخوف من شغله
انسي وعطاني حبوب مهدءات علبه بيضه وفيها خط عريض بني
خذيتهم مره وحده هدت اعصابي بس حسيت نفسي
جنه دايخه لان قوووي تأثيرهم وبفقدان وعي والله جنه سكرانه
استغفرالله فــ يعني خلج على الاعصاب لان الحبوب تسبب دوخه
اما اذا تبين ومحتاجه روحي الصيدليه اخذي مهدءات بس ما انصحج
انا جربتهم و خفت لان مفعولهم قوووي حيل بصراحه خفت ..

كلنا بالهوا سوى .. طولي بالج

 

[om deaj]

انا ابي حل للعصبية والشرااااااااااااااهة الي اصير جني مخمة امشي وابلع>> الله يكون بعوننا الحريم هم بكل شي تتعب

 

[shorok]

عندي لكم الحل


حبوب evening primrose oil
تنباع في الصيدليه قيمتها 6 دك و هي مكمل غذائي طبيعي

تحسن من البشرة و تكسبها نضارة ،
تقلل من اضطرابات ماقبل الدورة التي تسمى PMS
بس يستحسن تنأكل قيل النوم لأنها تفتح الشهية للأكل

 

[البيداء_77]

بنات انا عانيت من الي عانيتو منه وحليته بشغله وحده والحمد الله شفت منها نتيجه حلوهههه وطبيعيه ومفيده

الي اهي



التلبينه


وهي عباره عن شعير مطبوخ وكان الرسول صلى الله عليه وسلم يوصي بها للناس الي تصير عندهم مصايب وحالته وفاه لانها تعالج الاكتئاب ووايد هدت اعصابي

 

[قهوة برية]

حبيباتي هذه شئ عادي

وتشعر فيه كل أنثى وفيه منهم من يصاب بالأرق ولاينام قبلها بجم يوم ... محسوبتكم

والسبب بكل بساطة رفع الرايه الحمراء ...!!!!

اهو تغير الهرمونات من زيادة الاستروجين و نقص في البروجستيرون

حاولي تقليل من الكافيين بقدر المستطاع وعليج بالحاي الأخضر والنعناع