أبي حل حق هالعيشه

[سوسن 32]

أنا عمري 32 سنه وتزوجت وعمر ي 14سنه صغيره جدا

زوجي دايما مشغوول نشوفه بس وقت الغدى ووقت النووم

لاطلعه ولاتروحين وتجين ولايجلس بالبيت ابدا على طول مشغوووووووووول

عمري ماسمعت منه كلمه حلوه او ذكرني بهديه

مستحيل يجلس معاي او مع عياله او يسولف او يضحك

والقهر انه مع الناس سوالف وضحك حتى عيالي مقهورين منه

يعني يجي من شغله والكل فرحان فيه واستقبله احسن استقبال

يرد علي >>> روحي بسرعه حطي الغدا

وقت الغدا يمكن ربع ساعه ونتغدى

بصمت >>> ولا كلمه

ويرجع على شغله الى الليل

طبعا لاتقولون نبي نطلع نغير جو لأن

راح تصير مشكله كبيره

مانطلب شي او نبي روح مكان ألا قال ليش تبون تروحون وشعندكم توكم رحتو ذيك المره بس جلسوا بالبيت

تخيلو بالشهر والشهرين ماأطلع من البيت

تمنيت اكمل دراستي ورفض

سويت لي مشروع صغير بالبيت بديت اسوي خلطات بخور وابيع ورفض

قال انتي مومحتاجه

وانا كل قصدي اضيع وقت واتسلى اشوي

والله احس مالي هدف بالحياه

بس عايشه اكرف وااكل

لاتقولون مو مهتمه فيه والله ماخليت شي ماسويته له

لدرجة ابيع ذهبي واشتري له هدايه وماضل شغله ولاحركه الا سويتها

ويستانس لما يشوفني اكرف بالبيت أذا شافني جالسه ينجن

واذا شافني اكلم بالجوال يبيني اقوله كل شي

وهم على النت يبي يشوف المحادثات ويسألني شتسالفون

والشك عنده موطبيعي بكل شي يشك الجوال كل مره يدخل البيت يفتح على السجل
يشوف المكالمات أذا شاف رقم قريب يقولي دقي عليه اشوف من

مره شاف السجل ممسوح وجن جنونه قالي اكيد عندك شريحه ثانيه وحاس الغرفه والدروج والسرير وكل شي يدور شريحه

أنا خلاص انهرت جلست ابكي بحرقه

قالي أنا من حبي لك وخوفي عليج>>> ههههه شر البلية مايضحك

وغيره اشياء واااجد

والله الي مصبرني عليه عيالي

احس خلااااااااص قربت اجن

لاني التفكيروالنفسيه الزفت اتعباني خلاص موقادره اتحمل

كرهته وكرهت نفسي وكرهني بكل شي موقادره اتحمل والله خلاص

بس خايفه اتركه وتضيع عيالي

والله احترت وراسي بينفجر من التفكير موقادره اتحمل

بنات أنا من جم شهر توفت بنتي عمرها 16سنه

وتدرون بحرقة قلب ألام :eh_s(2):

قلت يمكن زوجي يتغير لأنها كانت مقهوره منه

وسافرنا قبل شهر على مكه والمدينه عشان نغير أشوي عن جوو الحزن والتعب النفسي

لاكن مافي تغير بس يهاوش مااتكلم الا هب فيني حتى عيالي مقهورين منه وربي

أنا بحزني وقايمه ببيتي لاشغاله عندي ولاأحد يساعدني وربي كرف وعزايمه على طول

على أتفه ألاشياء يهاوش

وكل شي يسويه يعايرني >>> أنتي ماحد عايش مثلج عازج ورازج وأسوي لج وأعطيج


وعذرا اذا كلامي ملخبط اشوي

لاكن اتمنى القى عندكم الحل

واستفيد من استشاراتكم

 

[ام فواازي]

الله يعينج حبيبتي بس شنو المطلوب؟؟
صارلج 17 سنه متزوجه وماتغير ولا عياله حننو قلبه
ماظنتي يتغير بس صبري ان الله مع الصابرين باجر عيالج يعوضونج

 

[قآنون كيفكـ!!]

17 سنه وهذا حاله واياج ..
انا معاج ان وضعج صعب وانتي استحملتيه مو عشانه عشان عيالج وانتي قلتيها خايفه لايضيعون ..
خليه يولي ويلهى بشغله وانتي وش حلات لمتج وايا عيالج قعدي عصريه ولا مغربيه جمعيهم حولج على قهوة وجاي
وخذي ياسوالف تونسين عمرج انتي وعيالج ضحكيهم سولفي واياهم بدل ماتشغلينهم بهمومج مع ابوهم اللي سبب وفاة بنتج الله يرحمهاا

والله يكون بعونج

 

[Tom ♥ Jerry]

,،


وااااااااااي !


ريلج من الطراز القديم حبيبتي ترا انتي غلطآنه !
أوكي عندج اشتريله هديه بس عآد مو تبيعين ذهبج و تروحين تقصرين على نفسج عشان تشترين له هديه .،

أول شي سالفه .، أنه مآ تطلعين .، قعدي معاه و قوليله انا مره اشوف
الحريم كلهم يطلعون و يستانسون مع رياييلهم يعني آنتآ مآ ترضا آطلع و لا آنك راضي تطلعني
مآ يصير جي .، اليهال ودهم بلمه عائليه و طلعه عائليه !
لازم نحسسهم انا ويآك آنه اسره حآلنآ حآل غيرنا نطلع نستانس .،
أوكي مو كل يوم و لا كل يومين ، على الاقل خلها مره بالاسبوع لو مطعم بس !
لو ساعه أو ساعه و نص و نرد ! مآ آتوقع رآح نزعجك لو عطيتنآ من وقتك بالاسبوع كله ساعه بس :| !
وين المشكله يعني !

و بعدين انا رآضيه مآ آشتغل أوكي ، بس على الاقل خلني آملي وقتي بشي حلو !
ودني مكتبه اشتريلي كتب اقراها بوقت فراغي ! أو آدخل دورة أو نآدي نسائي آستفيد من وقتي ،
مآ تبيني آطلع بره أوكي ؟ خلني استفيد من وقتي بالبيت !
خلني ابيع منهآ آحصل فلوس و منهآ آستغل وقتي بشي حلو و مفيد (=

أوكي مآ رآح اقصر لا عليك و لا على البيت و لا على العيال !
بس ودي اسوي شي ، حآلي حآل غيري !

 

[Tom ♥ Jerry]

،


على فكره آنتي وآيد غلطتي لأنج تكلمتي متآخر يا قلبي !
17 سنه و آنتي ساكته و الريال تعود على هاذا الروتين .، الحين صعب صعب صعب
وآيد آنج تغيرينه ! جآن من آول ، الريال على قولتهم على التعود

 

[Vaniela]

شكاك .. اف من هالحاله ..
الله يعينج اختي ..
اهو شكاك ومب معطيكم ويهه ..
طيب قولي له يحط لكم سايق حني عليه .. طالبي بوقتج معاه ..
تدرين .. دوري على السبب الي ينفره من البيت و يخليه دايم مشغول ..
يعني لا تزعلين بس انتي صار لج كم سنه متزوجه 17 سنه و يايبه عيال وايد ..
اكيد سمنتي اذا ما اهتميتي بروحج .. اكيد صادج توسع اذا ما سويتي تضويق .. غيري ستايلج صيري مستقله حاولي اتدورين نفسج الي دفنتيها بحياتج .. اهملتي نفسج على حساب حياتج الزوجيه .. << هذا اذا انتي سمينه و مب مهتمه بروحج ( مب شرط ترى السمنه انا اقصد كشخصج انتي تغيريتي عليه وايد ) ويمكن بدا يدور برااا على غيرج .. او يعوض بالربع مطين عيشتكم
اما اذا كل شي تمام واوضاعج اوكي .. دوري عن السبب .. يمكن الريال متملل من البيت منج من العيال ..
حاولي ترتبين نفسج على هالاساس انا اقول حطي افتراضات ليش اهو ابتعد ..
غيري من نفسيتج جددي ستايلج و حرري روحج من الكبت فرفشي حاولي تسوين عزايم عندج حق الحريم ايونج ويونسونج صيري اجتماعيه على هالمستوى .. ومب تقولبين له كل شي حسسيه انه لج خصوصيه وانج كيان بحد ذاته مب كل شي تخرينه عنده الاكو والماكوو لا يمه سكتي وخلج ساكته الريال ما يحب الهذاره يعني اسكتي لج اسبوع شوفي بحس بالفرق ..
حسسيه انج مستقله ترى الريال يمووووت ولا يحس انه مرته تقدر تعيش بدونه يتعلق فيها يصير خاتم ..
مب تحسسينه انه اهو كل شي بحياتج واهو محورهااا ..اهو ضامن هالشي عشان جي مطمن ..
اما مساله الشك الله يعينج حاولي تحلينها دوري بالمنتديات والمواقع شلون تتعاملين مع الريال الشكاك ..
انا اقول اجذبيه لج و مب بسهوله بيرد لج لانه وقت صار لكم 17 سنه ..
رايي والله اعلم انه المشكله تبداء من عندج ..
خلي عياله يستقبلونه احلى استقبال و يحسسونه انه ابوهم و يسولف ويعطي معاهم .. خليهم يطلبون منه يطلعهم البحر ملاهي اي شي .. المهم تكونون اسره واذا اجتمعتوا لا تبدئين بالطلبات و بالاشياء السلبيه لا سولفي معاه بالاشياء الحلوه مخططات حياتكم عيالكم وانجازاتهم فهميه عياله محتاجينه و يحسون بفراغ .. يبون يحسون فيه كابووو .. وجوده مهم كأب

و بعدين اطلبي لج خدامه ما يسوى عليج كل هالكراف << من قص عليه عازج ورازج وخدامه ماعندج .. اطلبي .. ولا تصيرين من هالحريم الي يخلون الريايل يعتمدون عليهم بكل شي .. باجر يوهقج ..
انصحج بالتجديد و التغير ..
و لا تطلقين ولا شي حاولي بكل الطرق تجذبينه لج ولجذبتيه صار ما يرفض لج امر .. والله يوفقج ويعينج بصراحه تعورين القلب

 

[المديـ بنت ـنة]

ياابعد قلبي .. وربي الرجال ماتنفع معاهم الا المرررره القويه اللي تااخذ حقها غصب عن عينه

هذا لا يرحم ولا يخلي رحمة الله تنزل .. لا يوديكم ولا يمشيكم ولا يبيكم تروحون وتطلعون تستانسون وش هالرجال .. خلف الله

شوفي شكلك دلعتيه زياااده وشو تبيعين ذهبك وتجيبين له هديه انتي تحسبين الرجال مثل الحريم لو كلمة حلوه تكفينا عن الدنيا ونشوفها شي كبيررر .. وربي تبيعين ماتبيعين مايفرق عنده انا بعت لي طقم وكله عشان شفت خاطره متكدر يبي يسدد جواله والفلوس يبيهم بشي ثاااني رحت سيده وبعت الطقم وحطيت الفلوس بيده واقسم برب العبااااد انه بخييييييل علي انا بسسس شفتي لو يرسل السواق يجيب عصير وباقي 5 رياااال او عشره يرجع وين الفلوس وين الباااقي هاتيهم << مدري اضحك والا وش اسوي .. مايقول خليهم يمكن تحتاجين خبز شي فيهم وهي شي مايسوى ..

اكررررره اللي يذلني بالفلوووس لا بوه ولا ابو ام جابته اللي يذلني بالفلوس <<طلعت برى الموضوع هههه من زود القهر وربي

ارجع لك بالسااالفه .. اقعدي يوم معاااه حايليه لاتزعلين بسرعه اذا رد لك طلبك . ناققشيه قولي له انا محتاجه اطلع انت مشغول

موب فاضي لنا اناو عيالي محتاجين نغير جو وابي احدد لي هدف بحياتي اعيش عليه مو عايشه بس للكرف والطبخ والنفخ

ماعليش واجباتي تجاهك وتجاه البيت والعيال مو مقصره فيها لكن انا عندي وقت فاضي ابي اشغل عمري بشي يفيدني ...

اشتركي في ناادي توظفي اي حاااجه ترفهين عن نفسك شوي .. زززني عليه وكثر الدق يفك اللحام ع قولهم لكن هذي ماهي

عيشه مايكفي انه بعيد عنك وعن العيال .. طيب تعالي له من ناحية الاطفال .. خليهم يحايلونه يمكن قلبه يحن ..

الله يرحم بنتك ويصبرك ياااارب ويثلج قلبك يااكريم.

ادعي ربي يرزقني بذريه تعوضني صبري

 

[ChocolateFlower]

الله يعينج ويصبرج قطعتي قلبي

 

[ELFAD3Ah]

عظم الله اجرج حبيبتي في بنتج وربي يعينج على ما ابتلاج

 

[سوسن 32]

[font=&quot]أنا ألان عندي 3 أطفال [/font]
[font=&quot]وعندي سمنه لاكن موكثيره يعني وزني تقريبا 75[/font]
[font=&quot]وزوجي بيني أنحف لاكن يرفض أني اروح نادي اذا جبت له طاري النادي يجن جنونه جني قايله له بروح كزينوو[/font]
[font=&quot]يقول هاذا الي باقي تروحين نادي[/font]
[font=&quot]يقولي سوي رياضه بالبيت وخففي أكلج [/font]
[font=&quot]بس مأتحمل رجيم بسبب شغل البيت والتعب [/font]……
[font=&quot]أذا طلعت معاه بالغلط يخليني جدامه أمشي عشان لاحد يطالعني [/font]
[font=&quot]ويرفض ان يكون لي صديقات حتى زوجات حمياني أذا جمعتهم عندي يعصب ويضل يومين زعلان[/font]
[font=&quot]طلع عليهم كلام لمن بعدني عنهم حتى أهما يقولون لي الله يعينج عليه زوجش مو طبيعي [/font]
[font=&quot]وأهلي ينجن اذا جيت اروح عندهم يقول يخربون حياتنا معننهم والله ناس على قدهم وفي حالهم [/font]
[font=&quot]مايبي احد يجيني ولا أروح لأحد [/font]
[font=&quot]ونفس الشي مع عيالي اذا صار عنهم أصدقاء يقول لهم اتركوهم يخربونكم[/font]
[font=&quot]معننى أهوا أشكثر أصدقائه [/font]
[font=&quot]أوقات افكر اتركه وأترك له البيت واروح بيت أهلي [/font]
[font=&quot]لأني تعبت موقادره أتحمل أشتقت للحريه وربي مراقبه بكل شي[/font]
[font=&quot]حتى اذا كنت طالعه أحس أني مرااقبه [/font]
[font=&quot]وكل شوي يتصل وينكم
[/font]
[font=&quot]
[/font]

 

[Vaniela]

عقب ردج هذا اتوقع يبيلج مساعده اختصاصيه ..
و اشتري لج جهاز مشي عن الرياضه وحطيه بالبيت ..
بس وايد محكر لج بصراحه استشيري حد متخصص ..

 

[نماين]

بحالتك هذي يانك تستعين باحد من اهلك او
تاخذين برأي الاخت >قانون كيفك < الي حيل عجبني

سنه وهذا حاله واياج ..
انا معاج ان وضعج صعب وانتي استحملتيه مو عشانه عشان عيالج وانتي قلتيها خايفه لايضيعون ..
خليه يولي ويلهى بشغله وانتي وش حلات لمتج وايا عيالج قعدي عصريه ولا مغربيه جمعيهم حولج على قهوة وجاي
وخذي ياسوالف تونسين عمرج انتي وعيالج ضحكيهم سولفي واياهم بدل ماتشغلينهم بهمومج مع ابوهم اللي سبب وفاة بنتج الله يرحمهاا

والله يكون بعونج

 

[قاهره عذالي]

الشك عندي نهاية الزواج


خلاص يخلي المراه تكرهه

خذاج عمرج 14 سنه ما عرفتي احد غيره

ويفكر تكلمين بالتلفون غيره

شوفي يمكن انه كل من يرى الناس بعين طبعه

يمكن هو يكلم بنات وخايف انج تسوين مثله

 

[الرمانسية]

الله يرحم بنتج يارب وان شاء الله تفتحلج ابواب الجنه يارب

الله يرحمهااا فديتهاا والله

 

[شقرا كويتيه]

الله يعينج ويهديه لج

 

[حبيبي مالكني]

حبيبتي الله يرحم بنيتج ويصبر قلبج
انتي لا تخلين اهتمامج كله لريلج
اهتمي بروحج
دلعي روحج
وخلي قلبج بارد
المفروض تعودتي علىطبايعه
ومالج الا دعاء والله يهديه لج

 

[نورعيني أنا]

الله يكون بعونج والله يحنن قلبه عليج والله ضايقتيني عليج الله يفرج لج ويخليلج عيالج

 

[نورعيني أنا]

والله يرحم بنتج ويصبر قلبج على فراقها

 

[fdeet_shosho]

عظم الله اجرج ببنتج والله يرحمها يارب ويصلح عيالج ويعوضونج يارب من الحرمان اللى عشتى فيه
انتى قعدتى 17 سنه وراح شبابج كله وحياتج وانتى تدارينه ومخليته محور حياتكم الاساسي مع العلم انه قعدته وياكم ماتتعدى ساعه وطول اليوم برا - حبيبتى ركزي طاقتج بنفسج وبعيالج مهما صار الانسان يبيله صديق احد يقعد وياه يسولف يشكى همه واهو الله يهديه حارمكم من كل شي وهالشي بادي فيه بعد مع عيالج مالهم ذنب يتعقدون عشان اهوا نظامه جذي
قعدي معاه لاتخافين بيزعل بيعصب على راحته بس انج تقولين كل اللى بخاطرج فهميه الثقة لازم بينكم ولج حق تعزمين اللى تبين فى بيتج دام مايرضى تطلعون وعيالج لهم شخصيات مستقله لهم الحق يعيشون حياتهم ويختارون اصدقاءهم
مو شرط طلعاتكم وياه اطلعى انتى ويا عيالج اتوقع عيالج كبار مو صغار
انا ممكن اتحمل كل شي بس توصل لعيالى هنى ستوب بالخط العريض انا ما اتعب واربي بالاخير يعقد العيال ويحرمهم من ابسط حقوقهم ليش اسمى ام ؟؟! تدرين شنو ام لاوصل الموضوع لعيالها تصير شي ثانى
اسمحيلي لازم تبنين لج شخصيه مستقله اشترى كتب للشخصية واقريها وثقفى نفسج لاتحطين اللوم عليج انتى مالج ذنب الغلط الوحيد اللى صار انج تزوجتى وانتى صغيرة ورباج على ايده وتحكم فيج والله يعينج يارب على مابلاج

 

[PuPa^^SWeeT]

يبيلج اعادة حسابات

ماقوولج هدييه

بس انتي غيري حياتج و اصري على اللي تبينه