أبي حل عاجل غير آجل

[زينة الهوامل]

:yaaaaaarb: السلام عليكم ورحمة الله وبركاته :yaaaaaarb:
شلونكم بنات أنا قريت لكم بعض الردود المفيدة إلي تخص اللحمية عند الأطفال الله يشافي كل مرضانا و مرضى المسلمين إن شاء الله بس أبي أستفيد منكم أكثر بخصوص الدكتور عبدالله العلي أهو تابع لأي مستشفى ؟ولدي عمره 3 سنوات ومن عمر سنه ونص كان يعاني من شخير واختناق بالليل ومتقطع نومه وكل دكتور نروح له يقول نزلة برد ونشله لغايه شهر 12 وديته لإستشاري الدكتور مصدق بمستشفى دار الشفا قال واضحه إنها لحمية وأكثر من وحدة اللوز كبارفأنا ابي حل له ابيه يرتاااح تكفوون الردود تكون سريعه والله يعطي الجميع الصحه و العافية ​

 

[ياحُبِي لِلكويت]

وعليكم السلام ورحمة الله وبركاته ، اجر وعافيه الدكتور اهو اللي يحدد بس اللي معروف ان ولدج صغير وتأكدي من كذا دكتور وانا ابي اسأل اهل الخبره وارد عليج ،، ورفع ان شاءالله سهالات

 

[سلاسل ذهبيه]

الله يشافيه ويخليه لج

 

[ام منصور1990]

الله يشفيه ويعافيه

 

[اللؤلؤ المتناثر]

مايشوف شر والله يخليه لج وتشوفينه معرس إن شاء الله

​

 

[زينة الهوامل]

مشكورييين حبايبي وجزاكم الله خير بس محد رد علي بخصوص الدكتور عبدالله العلي اهوتابع لأي مستشفى ؟؟؟؟؟؟​

 

[om mishaal]

أنا من سنين سويتها لابني لما كان عمره 3 سنوات
سواله 3 عمليات بعملية وحده حق اللوز شالهم وحق اذنه وشال اللحمية
لانه مثل وصف ابنك حتى الحروف عنده كانت ثقيلة بسبب اللحمية واللوز

كان وقتها الدكتور يشتغل في مستشفى المواساه
بس حسب ما اشوفه هالفترة فتح له عيادة في السالمية مجمع اشكناني اعتقد اللي على تقاطع الاشارات بجانب استديو تصوير اشكناني

نسيت اسمه بس اعتقد يا احمد البوز او محمود البوز وهو مصري بس استشاري كبير مشهور

وابني بعد سنوات الحمد لله ما عنده اي مشكلة نهائيا ولا رجعت له اللحمية ابدا مع انه صار له أكثر من 10 سنوات مسويها.

هذه تجربتي والراي لك
الله يشافي ابنك ويعافيه يا رب

 

[الباحثات عن الجمال]

توكل على الله وسوي العملية ولا تخافي الله يشفيه يا رب.

بالنسبة للطبيب مش عندي معلومات عنه إن شاء الله البنات يفدوكي

 

[ام الدرر]

مشكورييين حبايبي وجزاكم الله خير بس محد رد علي بخصوص الدكتور عبدالله العلي اهوتابع لأي مستشفى ؟؟؟؟؟؟​

عبدالله العلي له عيادة خاصة بالسالمية
وعملياته بمستشفيات خاصة ما يسوي بالحكومه
حبوبة
لولدج راجعي فيه المستوصف واشرحي الحالة للدكتور
بيحولج على عيادة انف واذن وحنجرة
عند اخصائي بيتابع حالة ولدج لمدة معينه
(انا بنتي اقل من شهر وحدد لها تحويل )
وعقب يعطيج تحويل لمستشفى زين للاتصالات
ومع التحويل اشعة وتخطيط سمع
تروحين تحطين موعد للعملية بالمستشفى وتسوين التخطيط بمركز سالم العلي والاشعة حسب المستشفى اللي انتو تابعين له
وبيوم الموعد بيحددون لج شتسوون صدقيني سهالات
يومين بالمستشفى تباتون بالليل والصبح العمليه والعصر انتو طالعين
وما يشوف شر وليدج ​

 

[غـلآوي ّ ~]

اختي يسوونها لج بمستشفى زين للاتصالات يم الرازي .. بس اخذي تحويل من المستوصف للمستشفى التابعه لكم العدان او غيرها
ووو شوفي عاد يحولونج لـ مستشفى زين واذا تبين الخاص تفضلي

الدكتور عبدالله العلي بالسالميه على الدائري الرابع هذا رقمه
25644660
25644677

والدكتور محمود البوز بـ بوشهري كلينك
25662059
25651426