أبي رايكم بوظيفه حق اخوي الي تساعدي بدعيلها من كل قلبي

[om_7amad]

السلام عليكم بنات ابيكم تساعدوني بشغله والي تساعدي عسى الله يعطيها كل الي تتمناه يارب و والله هالدعوه من قلبي


نبي وظيفه حق اخوي اهوا شهادته ثنويه مقررات...بس مرته واايد تغار عليه فتبيه يشغل بمكان يكون رجالي ومايكون في بنات وين تنصحون وياليت يكون دوام من الصبح لي العصر..شرايكم وين يقدم؟؟

 

[ملح على الجرح]

حياتووو الله يوففه اولا انا عندي رابط تسجيل للوظايف بس اول انتي من وين يعني من الكويت ولا السعووووديه عشان اساعدك

 

[ملح على الجرح]

امين لتوقيعج

 

[om_7amad]

بعد عمري الله يسمع منج... لا انا كويتيه، شنو هالرابط؟ حق وين وشنو طريقة دوامهم

 

[ملح على الجرح]

اها والله كنت نفسي اساعدك بس الوظايف اللي بقولك بالسعوديه الله يساعده ويرزقه بالوظيفه عاجلا غير اجل يارب انه ولي ذلك والقادر عليه

الرابط بالرابط اللي بتوقيعي الصفحه الخامسه بس للاسف الوظايف بالسعوديه

 

[ملح على الجرح]

والله كان نفسي اساعدك بس للاسف ماباليد حيله

اسفه والله

تقبلي مروري

 

[om_7amad]

حبيبتي طيبج واصل يا قلبي، والله يعطيج على نيتج الطيبه يارب ومشكووره

 

[ملح على الجرح]

امين وياك يارب

العفووو حياتي

انا طبيعتي احب اساعد الناس بس والله اتضايق اذا مالقيت حل لحد،والله ماني مادحه نفسي بس حبيت اوصف شعوري لك بس

 

[AL-DMERA]

خليه ياخذ شهادة كمبيوتر او سكرتاريه أو ميكانيكه ويسجل بالديوان ,,
الله يوفقه ويرزقه بالوظيفه قريب ,,

 

[om_7amad]

ملح على الجرح والله مبينه طيبتج حبيبتي و لا تتضايقين بالعكس كفايه انج حاولتي، الدميره بس الديوان شنو وظايفهم؟ كله مختلط، انزين انا بس بعرف غير الجيش و جذي شنو الوظايف الي ما تكون مختلطه او موكان يكون قسم الرجال بروح والحريم بورح؟

 

[رحيل المرافيء]

شكووو ؟؟
دام ماتبي مكان مختلط خل تشغله بشركات ابوها
عشنا وشفنا غير نمونة بعد

 

[* Snow White *]

شي غريب صراحه، الله يوفقه

عنده البنوك الاسلاميه خل يجرب .. مو مختلط
وخل يقدم عالبترول او الجيش يقبلون ثنويه بس مادري اذا عادي مقررات

و ليش مايكمل دراسته؟

 

[* Snow White *]

البترول حاطين اعلان حق رجل امن لحملة الشهادات الثنويه
بس مادري اذا عادي مقررات، مو محددين بس قالو شهادة ثانويه كويتيه
خل يقدم عليه كل شي فيه زين

 

[om_7amad]

رحيل المرافي انا ما تشرطت انا قلت اذا في ياليت تقولونلي...شركات ابوي؟؟ تتشمتين يعني؟ الله يسامحج

سنو وايت في ظرف خلته مايكمل دراسته وحبيت اسألج البترول شنو طريقتهم؟ من السعا جم لي جم؟ والمكان مختلط؟ ومشكوره جزاج الله الف خير

 

[ريانا]

حبيبتي الله يوفقه بس ليش تفكير مرته جذي واهو ليش مطاوعها اول مره بحياتي اسمع ان المرا تشرط عالريال العاده العكس والله بصراحه الله يعين اخوج على مرته

 

[Lourdez]

الله يكوون بعوونكم يارب والله مادري بس حبيت ارفع الموضوع

 

[احساس ملكه]

الله يعينكم بس قليل الاماكن الى مافيها اختلاط

عندج المجال العسكرى يدش دوره ويعطونه مكافاه وعقب يتوظف

الحرس الوطنى او الشرطه او الجيش

او الاطفاء

وموفق

 

[أم شيــ@وخة]

خليه يسجل بشركة البترول دورت ضابط امن للكويتيين فقط يعني يبون رياييل وخلال الدوره يمشوله معاش واذا خلصها ان شاء الله بصير معاشه مو أقل من 1000 دينار

 

[om_7amad]

مشكورين للي يرفعون الموضوع الله يوفقكم..هذي الدوره شنو طريقتها و شنو الدوام من السعه جم لي جم

 

[MiSs kw]

خليه يسجل بشركة البترول دورت ضابط امن للكويتيين فقط يعني يبون رياييل وخلال الدوره يمشوله معاش واذا خلصها ان شاء الله بصير معاشه مو أقل من 1000 دينار

داشه اقولج عن هالدوره
و في دوره ثانيه دورة فني لحملة رابعه ثانوي
و مدة الدورتين 6 شهور
:eh_s(7):
و يصير شغله بالمصفاة داخل و ما فيه حريم

ودي اقول شي و تقبلي مني حبيبتي
ما يصير تطاوعونها اب هالشي
الريال يشوف لو وين ما كان
بالسوق بالطبيب بالجمعيه وما تقدر تمنعه عن كل هذا

و سامحيني اني تدخلت بالموضوع