أبي رايكم في ماليزيا

[shoshowh]

السلام عليكم
اشلونكم خواتي ....؟
ابي رايكم ابي اروح ماليزيا (كوالالمبور) ومحتاره في اي فندق اقعد واتمنى من عضوات المنتدى إلي عندها معلومه عن الفنادق او الاماكن الحلوه تقولي واكون شاكرتلها ... وراح ادعيلها من قلبي
نــــــــــــــــاطــره ردودكم :wqedqw:

 

[Judy abbott]

اتينن ماليزياا بس انا انصحج تفترين بماليزيا مو بسبكوالمبور يعني روحي جنتنق بننق وروحي بسيوم واحد حق افاموزا عشان اجوفين الكررنفال

الاماكن الحلوه بكوالمبور امممممممم عندج سنواي لاقون وروحي تونز تور والمجمعات وروحي رحل حق حديقه الفراشات والشلالات بعد حلوه بسشنو اتعب @@

وايد في اماكن بس انا شوي ناسيه لانه كانت اول ايام سفرتنا بكوالمبور بعديين افترينا بماليزيا واخر شي رحنا تايلند وماعجبتني مافيها شي حلو غير لسوقه يعني مافيها وناسه وكافي بماليزيا انها دوله مسلمه والاكل حلال وما تحاتين يكرم الساامع الحماام

 

[عيون قلبي]

وانا رايي نفس راي حلوة المشاعر ماليزيا تجننن لا تخلين مكان ولا تروحين له لان ماراح تندمين وانا يوم رحت كوالالمبور سكنت بفندق الماريوت بصراحه فخم ونظيف واكلهم حلو الفطور والغداء والعشاء وقريب من شارع العرب والسوق الله يوفقك وتروحين وتجين بالسلامه...

 

[MaZyOoOoNa]

حبيبتي رووحي السياحه والسفر دول الاسيويه تلاقين معلوومات وصووور اكثر

 

[shoshowh]

مشكورين حبايبي ماقصرتو بس لانه معانه يهال والتنقل من مكان لي مكان صعب اشوي يعني راح نظل في كوالالمبور ونفتر فيها

 

[الأمل باقي]

في كوالا ماكو أحلى من فندق التايم سكوير روووووووووعه وخياااال وقريب مره من شارع العرب ومثل ماقالوا البنات فريها كلها تراها اتهبل
أأأأه لو يحصلي اروح مره ومرتين

 

[shoshowh]

والله شوقتوني واااايد
بس المشكله الحين مع هالمرض إلي منتشر اشلون ماادري نكنسل والا نتوكل على الله ونروح

:0bee2e8d89: