عندي رواية خلصتها تقريبا، الحمد لله. :eh_s(7):
بعد ماتخلصينها في اجراءات
اول شي التوثيق الرسمي
ثاني شي التدقيق اللغوي
ثالث شي اذن الطباعه
وراح أطبعا بروحي عن طريق مطبعة إن شاء الله، من غير لوية دور النشر وشروطهم العجيبة
سألي مجرب ولا تسألين طبيب
انا كنت نفسج وهكي روايتي طاحت في جبدي لين قررت ارسلها لدار نشر والحمدالله على كل شي
.
بس المشكلة بالتوزيع.
قالوا لي عن شركة توزع لي الكتاب داخل الكويت، بس تاخذ 50% من سعر البيع!
طبعا داخل الكويت مو مشكلة وايد، لأني أقدر أروح المكتبات بروحي وأحط الكتاب عندهم.
وليش مستغربه ان تاخذ 50
راجعه لي هنا النقطه
المهم، يا ريت تفيدوني بإجابة السؤال التالي:
أبي شركة توزع الرواية خارج الكويت، هل في شركة تنصحوني فيها؟
وأكون شاكرة لكم أي معلومة تفيدوني فيها.
المهم بسم الله نبداء
اختي اول ماتخلصين روايتج لازم توثقينها عشان ماتضيع حقوقج
وبعد ماتسوين الاجراءات الي قلتهم لج
تختارين طريقتين
اول طريقة
الي هي في بالج حاليا
طبعا سعر الطباعه بيكلفج في الكويت 750 دينار حق الف نسخه
في لبنان نفس السعر بس 3000 نسخه
المهم نجي للتوزيع
بتروحين مكاتب في الكويت وبتعطينهم روايتج
ياخذون نسبة تترواح بين 40 الى 50
من الارباح بس لانهم يعرضون لج الرواية
التوزيع برع لكويت
تشوفين اهم المكاتب وتراسلينهم
مثلا في البحرين عندج الوطنية تروحين لهم وهم ياخذون نفس النسبة
المهم وبها الطريقة ياحبوبه ماراح تنشهرين الا اذا لقيتي حد يدعمج في الكويت
مثلا علياء يدعمونها الوطن والخ ....
الطريقة الثانية
نجي حق دور النشر
حاليا دور النشر في تنافس وافضل الدور في لبنان و مصر
عندج في لبنان دار الساقي - الاداب - الفارابي الخ ...
بس هذولا اهم الدور في لبنان
طبعا تراسلينهم عن طريق ايميلهم الموجود في الموقع تبعهم
وترسلين لهم الرواية مع الغلاف
مايطلون في الرد عليج
اول شي اظن مديرة التحرير تطلع عليها وتقولج اذا وافقت لعرضها على المجلس او لا
بعدين تنعرض على المجلس ويردون عليج ويرسلون اهم شروط العقد
بالنسبة حق الدور الي سمعتهم وايد قوية وتوزيعهم قوي وماعليه كلام
ياخذون اعتبار انج مبتدئة
فنسبتج ماتزيد عن 15 بالمئة واذا كنتي محظوظه 20
والعقد احتكار للرواية خمس سنوات وتدفعين 650 تقريبا لهم حق كل الطبعات
اذا كان في اولى وثانيه والخ ...
الطبعه تكون الف نسخه
اما بالنسبة للدور العادية فبعضهم يحتكرونج
يعني كل شي تكتبينه هم يصدرونه
ونسبتج 40 بالمئة
لكن التوزيع جدا سيء
يعني لو توزعين بروحج احسن
وياخذون 500 لي 600 دينار كويتي
على حسب الدار
فانتي اختاري
هذا الميدان ياحميدان
وترى نصيحه اختاري اهم الدور لانهم يرسلونها حق نقاد برع الخليج
وبالتوفيق
سؤال روايتج بالعامي او بالفصحى ؟؟
