..~.. أبي شوركم خواتي .... والهداية من الله ..~..

[σм 3ℓαωɣ ™]

السلام عليكم ورحمة الله وبركاته

خواتي عضوات ورواد هذا القسم
عساكم على القوة
موضوعي اليوم هو لأخذ المشورة من اولياء أمور ومن يخالط (( أطفال التوحد ))
والله يآجركم على الابتلاء واللي من وراه أجر عظيـــــــــم


أختكم من البحرين
اختصاصية تربية خاصة ( صعوبات تعلم )
خاطبونا وزارة التربية والتعليم من يومين في موضوع مهم
وإنهم راح يفتحون صفوف دمج بالمدارس الحكومية تنعى بدمج الأطفال التوحديين في المدارس

لما كانت تتكلم الاختصاصية كان قلبي طاااااااااااااير مع هالفئة
يا ربي حبيتهم من قبل لا أعرف أو أعاشر واحد منهم
وأحس إني أبيهم
أبي أقدم لهم شي
خصوصاً إن دراستي لتخصص علم النفس التربوي كان بهدف العمل في الإصلاحيات أو الأحداث
ولكن للأسف الشديد صدمنا وقت التخرج والتوظيف إن ما يتم توظيفنا إلا من قبل التربية وكتدريس <<<< دم ضروسي
ولكني ولله الحمد درست بناتي وتميزت وحصلت على المركز الأول في إعداد مشروع تعليمي

بس أنا ما أحب التدريس
أديته كمهنة وليس كشغف
شغفي إني أعيش وسط اليهال وادخل بعالمهم أحل مشاكلهم

ولما كانت الاختصاصية تتكلم عن القسم الجديد
كانت اختصاصيات من نفس تخصصي يسألون عن بعد المدارس والراتب والمسمى الوظيفي
وأنا قلبي يسأل شنو مطلوب منا لو دخلنا تخصص التوحد

عن نفسي أبي أدخل بقسم التوحد
بس خواتي وجماعتي يقولون لي إنتي رايحه للمجهول
ما تدرين شنو الوضع
ليش تتركين شي مضمون وتروحين للغير مضمون
يقولون يمكن التوحديين عدوانيين
وبتحصلين جوتي على راسج ولا ميك آب بعين وحده من البوكسات


أنا ما أبي كلام الناس اللي ما عاشت التجربة
ولا هي بالميدان
انتوا هني عندكم تجارب
كل وحده تخدمني بتجربتها
شنو الأعراض اللي قد يتفق فيها معظم الأطفال اللي يعانون من طيف التوحد أو توحد بسيط


وبليـــــــــز
عطوني خلاصة رايكم بالاستطلاع
وخذوا راحتكم بالردود :tek:

 

[الصابرة المحتسبة]

هلا بالشيخة وحياج الله بين خواتج

الصراحة ضحكني استطلاعج (مالنا شغل فيج)
مو لهدرجة التوحد عدواني وبعدين انتي والمكان اللي تحسين فيه انج تقدرين تعطين .
انا بحط استطلاع رابع وهو: استخيري وروحي المكان وخذي فكرة عنه بعدين توكلي على الرحمن.

 

[σм 3ℓαωɣ ™]

الله يحييج ويبقيج حبيبه
المكان راح يكون في مدرسة حكومية وراح يفتحون الصفوف إذا حصلوا العدد المطلوب

وما آقدر أحكم على الوضع لو زرت أحد المراكز المتخصصة بالتوحد
لأن زيارة وحدة ما تعطيني حكم مطلق

والأوبشن الرابع موجود في بالي
بس قلت بالأول أستشير ومن ثم أستخير والله يجدم اللي فيه الخير

 

[σм 3ℓαωɣ ™]

السلام عليكم

وصبحكم الله بالخير

وينكم حبيباتي ؟؟

 

[@شمس الضحى@]

الله يوفقج يالغاليه ويسهل لج امورج
استخيري وشوفي قلبج اذا مرتاحه اذا فيه اصرار
الله يقدم الي فيه الخيرر ويرزقج على قد نياتج

 

[σм 3ℓαωɣ ™]

السلام عليكم


يزاكم الله خير خواتي
بس وينكم ؟؟

أنا محتاجه أحد ينصحني ويعطيني نصايح من واقع تجربته
هل إن التعامل مع الأطفال التوحديين فعلاً صعب مثل ما قاعدين يتكلمون !!
أنا ما أبي آخذ كلام النت والكتب
ابي شي من واقعكم

قريت موضوع فيه وايد مشاركات للي عندهم عيال فيهم توحد
بس محد منهم شاركني بتجربة