أبي طريقة شوربة سهله بدون لا أحمس البصل ؟

[Bo7.99]

السلام عليكم

بنات منو عندها طريقة شوربة سهههههله وبنفس الوقت لذيذه بس بدون لا أحمس بصل هالسوالف ؟

وشنو أحسن الشوربات الجاهزة​

 

[منارة الإيمان]

رد : أبي طريقة شوربة سهله بدون لا أحمس البصل ؟

حبوبة على الأقل
فصة ثوم مبشورة مع الزبدة .. ترى تحلي الشوربات
هالطريقة ..
عندج شوربة البروكلي ماجي .. الهليون .. الفطر .. أحب أكياس شوربة الطماطم كنور .. أو الشعرية ..
أو كريمة الخضار .. فى كذا صنف ..
ألي بالكوب سريعة بس ضيفي الماي المغلي .. وأحسن تشكيلة مركز سلطان ..

بالتوفيــــــــق

 

[rhofa-q8]

رد : أبي طريقة شوربة سهله بدون لا أحمس البصل ؟

اب
اب
اب

 

[جارة القمر]

رد : أبي طريقة شوربة سهله بدون لا أحمس البصل ؟

انا مو دائما احط مع الشوربه بصل


شوربه كريمة الفطر ما فيه بصل


http://www.q8yat.net/showthread.php?t=14275

http://www.q8yat.net/showthread.php?t=190497

http://www.q8yat.net/showthread.php?t=444649

طريقة منقووووووووله

طريقة تحضير شوربة شعيرة بالفطر

المقادير:

1- كوب ونصف من الشعيرية

2- كوب من الماء

3- ملعقة من الكاري

4- فطر مقطع أو شرائح

5- ملعقة كبيرة من الملح

طريقة التحضير:

ضع الماء في القدر ومن ثم الشعيرية

حتى تنطهي جيدا وبعدها أضع ملعقة الملح

وبعده الكاري و شرائح الفطر



منقووووووووووول

 

[الفردوس غايتي]

شوربة عدس بس لذيييذة

فوحي سكانة عدس و سكانة جزر ولا تكثرين ماي - حطي كمية تكفي انه يستوي

واذا استوا حطيه بالماي المتقي بالخلاط

وسوي شوربة شعيرية بس مو اربع كلاسات لا بس كلاسين لان العدس فيه ماي

لما تصير الشوربه ثلاث ترباع سوا حطي العدس

وخفيفي النار وخليه شوي تثقل

اذا تحبين نكهة الثوم

بزيت زيتون قلبي ربع ثومه لا تكثرين

ةحطيه بالشوربه


وعااافيه

 

[النشبه88]

ما انصح بالجاهز خصوصا ماجي لانه فيه ماده ضاره

عندج شوربه قرع .. تقطعين مكعبات وتحطين شويه طماط اقل من القرع وبصله صغيره وفص ثوم كله قطعيهم وقطيهم مع ماي بدون حماس بدون شي ...ومكعب خضار يفضل يكون عضوي وملح ..بعدين فرميهم بالفرامه اللي تخص الشوربه اليدويه وبعدين حطي شعرية وشوية ليمون

وبس بالعافية