أبي غساله أتوماتيك

[أم ساره989]

السلام عليكم شلونكم كويتيات مع العطله بخاطري أشتري غساله اتوماتيك تنشيف 100% لأن غسالتي أم حوضيين و بصراحة الخدامه ما تقدر على الغسيل و التنظيف و اليهال بس للأسف ما عندي أي فكرة و لآ أعرف الأنواع الزينه ياريت اللي عندها تجارب عن العسالات تفيدني :eh_s(8):

 

[kuwaitya_cool]

انا قبل اسبوعين خذيت ماركة lg حلوه وريحتني حيييل .. خذيتها من يوريكا تنشف 100% وفيها برامج وايد وسهله .

 

[adool70]

انا عندي Lg

رووووووووووووووووعه

بس بعطيج فكره سريعه ان هالنوع من الغسالات يعتمد على وزن الملابس

انا عندي 7 كيلو - متوسطه - اذا ما عندج كميه غسيل و تحبيين

تفرزين الملابس وما تخلطين ملابسج مع ملابس اليهال مع ملابس ريلج مثلا هذه تصلح لج

اما اذا عادي تخلطين الملابس و عندج كميه غسيل كبيره اخذي 9 كيلو

 

[جاكليت]

مي تو نفس الوضع حبيبتي

ارجو الافاده

 

[إستبرق]

انا عندي عشاله ال جي ماشاءالله حلوه انصحج فيها

 

[أغلى حبيبه]

اي والله انا مع البنات ال جي واااااايد زينه ماشاءالله

انصحج فيها

اخذيها من يوريكا وحطي عليها كفاله 3 او 5 سنين اضمن لج

 

[أم ساره989]

مشكورين خواتي على الرد بس بغيت أسأل على جم خذيتوها و لما تشتغل صوتها مزعج أو عادي

 

[أغلى حبيبه]

اهلين ام ساره

والله مااتذكر بجم لاني خذيت معاها جم شغله

وعن الصوت عاااادي ومومزعجه ابد

وبرامجها وااايد حلوه

 

[^kloOot^]

بنات تنشف الملابس 100%

بس ما طلعهم جنهم معلجين ولا عادي

 

[إستبرق]

والله التكلفه ما اعرف زوجي هو الي يشوف التكلفه انا اختار بس

ولا والله حلوه ماشاءالله مو مزعجه ولا شي بالعكس وايد حلوه قبلها اشتريت نوع ما اعرف اسمه واي ارف بارف وازعاج ولما تبدى النشافه تقعد تهتز وايد بس هذي لا حلوه وفيها برامج وايد

 

[DooNy]

حبيبتي ما كو على الLG مثل ما قالو البنات بس الي أعرفه انه تعصر ما تنشف !!!!
وعقبها يا تشرين الملابس بره أو بالنشافه وانا عندي نشافة LG بعد ووايد ممتازه
هالماركة جودة وخدمة حتى لو تخترب تدقين عليهم على طول ايون يصلحونها لج مع ان آنا صارلي تقريبا 5 سنين من شريتها وما اختربت الا مره وطلع تغيير فيوز بس لأن الكهربا ما كانت مضبوطه

 

[^kloOot^]

بنات ما تعلج الملابس ؟؟
اذا 100%

 

[النويرة]

نصيحة اذا تبين نظافة صج لا تاخذين اللي فتحتها بالوسط
اخذي اللي فتحتها من فوق وراح ترتاحين وايد عن الغسالة العادية حتى ما تحتاجين الخدامة انها تغسل انت تحطين الملابس وتروحين عنها واهي تغسل وتشطف وتنشف لو ما تدرين عنها اليوم كله بتلقين الغسيل جاهز

 

[جوري أحمر]

انصحج بهالغساله هذي حبيبة قلبي ما استغني عنها
من كثررر ما احبها ودي اشتري عشرررر منها مريحتني احسن من غسيل الخدم و تضيفين الصابون والكمفرت
وتطلع الملابس شييييي بس الماركه الي عندي مو ال جي و ما تنشف ميه بالميه تنشف نص و سعرها
159 د ك
بس شكل ال جي من كلام البنات احلى برووح اشتريها انشالله حق الاهل