أبي مساعدتكم..أنا خريجه

[نجمه البحر]

السلام عليكم بنات.
الحمدلله تخرجت و نسبتي83 و الكل يمدح لي هندسه بس الصراحه تعب و انا مابي التعب...

و احترت بين الصيدله و بين تربيه جيولوجيا.؟! و أبي مساعدتكم لي حييل ودي بالصيدله بس يقبلون85 و انا83؟!

ساااعدوني بحقق طموحي؟! و أنا ما عندي أحد من خواتي بالجامعه عشان أعرف و استفيد.وقلت أسألكم و انشالله تفيدوني.


و أبي طلب ثاني إذا عندكم رقم نادي لتعليم الانجليزي ؟؟؟؟؟؟؟




و شاكرة لكم حبايبي

 

[MayOumii~]

شكلج تحبين الحفظ ! P:
كل مكآن فيه تعب
وحتى الصيدلة فيهآ تعب وأكثر من الهندسة .. كل تخصص فيه تعب لآزم حتى الاجتماعية السهلة فيها تعب

انتي مآ رآح تحسين بالتعب اذا كنتي تحبين الي تدرسينه ولآ رآح تملين وهذآ اهم شي تفكرين فيه لمن تقدمين عالجآمعة
شوفي سنو الشي الي تحبينه وتموتين فيه مو شرط مركز واسم المهم انج تسوين شي يخدم بلدج ونفسج ومستقبلج (=

بالكويت استحآلة يقبلونج صيدلة اقل شي ياخذونه على حسب علمي اخر الثمانين يعني " 85%-90%" بس اتوقعاق شي 90%
عشآن جذي انصحج درسي برآ اذ تقدرين درآستهم وآآآآآآآآآآآآآآآآيد أحسن من اهني
اهنآك اهتمآم بالعلم والطآلب واهني تعقيد الطآلب p:

عالعموم كل وآحد له قناعاتي وآيد اعرف نآس اتقول لدرآسة بالكويت احسن وبنفس الوقت اعرف نآس تقول العكس فأنتي شوفي شنو المقتنعة فيه..

وبالنسبة لمعهد انجليزي انصحج بامديسيت حييل حلو ويقويج يخليج بلبل اذا التزمتي معاهم (=

 

[الإسراء]

صيدله فرع من أفرع كلية الطب .. يعني لازم تنقبلين بكلية الطب بعدين تختارين صيدلة ..
وكلية الطب القبول الفوري ٩٣ والقبول الأدنى ٨٩ .. طبعا ً هذا معدل مكافئ يعني مع درجة القدرات .. فما أعتقد يقبلونج ..
بالنسبة حق تخصص جيولوجيا .. التخصص وايد وايد حلو ونادر .. وقت الدراسة تاخذين بالكورس ٩٠٠ دينار لأنه تخصص نادر ..
ولا تنسين الوظيفة أبلة جيولوجيا معاشها عالي مع الكادر وزيادات التخصص النادر + عطل الأعياد والويكند وإجازة أمومة + عطلة صيف مع معاش
هههههه صج أحسن لج تربية جيولوجيا ��
وموفقه حبيبتي

 

[نجمه البحر]

بس اشلون يعني أدخل تربية جيولوجيا...؟!انشالله بستخير

و بهالتخصص هذا يقولون لج سفره الزاميه لعمان او المغرب؟! صح هالكلام

 

[الإسراء]

لا شكو .. آنا سائلة أبلة جيولوجيا توها متخرجه ما قالت لي هالكلام !
صدقيني تربية جيولوجيا خوش اختيار

 

[el.mlkaa]

آآآب

 

[Sareeta]

اهلين حبيبتي


مابي احبطج بس نسبتج ماعتقد يقبلونج هندسة و ترا الهندسة اكثر شي تعتمد على الفيزيا والرياضيات اذا ما تحبينهم ما تمشين
واصلا الصيدلة يقبلون فوق ال ٩٣

بس اذا تبين دخلي علوم وحولي منها للطب او الهندسة والتحويل يبيله شدت حيل
موفقه حبيبتي