أبي مضادات كأبه أأمنه

[b_kw]

السلام عليكم خواتي محتاجه لمضادات أكتئاب تكون امنه ومجرب

ومالها مضار لاتقولون روحي الطب النفسي او عيادات نفسيه مجرد فتح ملف معاها

في حكم البشر والعرف وحتى القانون موصاحيه

انا اعاني من أكتئاب شديد ظروف مريره مريت فيها بحياتي خلت هالاحساس

يلازمني صحيح اكون بحاله زينه لاكن في اوقات اكره الدنيا :eh_s(2):

محتاجه للمساعده

 

[b_kw]

لاتخلوني لو بكلمة رفع جزاكم الله خير

 

[أم سم سوم]

ماتشوفين شر والله يفرجها عليج وعلينا

حياتي عليج بالاستغفار وسورة البقره يوميا​

 

[السيده ام حسين]

حببتي ماتشوفين شر
والله انا معاش احنا النساء بحكم تكوينتنا وقبل الدورة الشهريه وبعد الولادة وووووو
يجي لنا اكتئاب ترى كل النساء وانا وحده منهم والمزاج اعوذ بالله يوم نفرح وعشره كابة انا نفسش ابغى حبوب مابنستخدمه دايما عند الاكتئاب والمزاج المتعكر

 

[عيون سارة]

ليش ماترجعين طبيب لاني الا اعرفه هذا الادويه لازم بوصفه طبيه

 

[Vous jamais]

أقوى علاج للاكتئاب ذكر الله و الصلاة و القرآن

صدقيني جربي كل ما ضاقت فيج الدنيا توضي و صلي ركعتين

اشكي كل همج لربج بالسجود

و بعدين الاكتئاب من أعراض نقص فيتامين دال و الغدة الدرقية

انصحج بمشاهدة هذا الموضوع

http://www.q8yat.com/t959645.html

و اخيرا احسني الظن بالله و الحي بالدعاء فإن الله وعد باليسر بعد العسر

( سيجعل الله بعد عسرٍ يسرا )

 

[(حكاية قلب )]

حياتي ماتشوفين شر ان شاء الله
الحين المرض النفسي مو عيب ابد
انا اعرف ناس مناصب مشاء الله بلبلاد وفيهم اخس من الاكتئاب الله يشفى المسلمين يارب
وعليج بالتقرب من الله هو احس دواء ​

 

[ديانا سبنسر]

من بيدري انج تراجعين عند عيادة نفسية اصلا هذي المعلومات سرية ماتطلع مضادات الاكتئاب موزين تاخذينها بدون وصفة اصلا الصيدلي ماراح يكتبها لج الابوصفة طبية روحي عيادة عصام الانصاري وراح ترتاحين وتدعين لي

 

[om MaRyooM]

عادي روحي خاص لاستشاري نفسي اذا تبين وين المشكلة

واصلا هالحبوب مستحيل يصرفولج ياها الا بوصفه

وماعليج شر انشالله

وظروري تغيرين نظرتج تجاه الدكاتر النفسانيين
والتزمي بقراءة سورة البقرة والاستغفار
والله يفرج همج

 

[اشلون يعني &]

لا الادويه بتطرد الاكتاب
مايطرده الا طريقه التفكير
لما تكونيين مكتئبه بسبب مشكله ما
طالعي المشكله بتفكير ثاني بتفكير لعله خير شوفي الجوانب الحلوه للمشكله
ثاني طريقه اي مشكله عندج فتشي على ناس نفسج وشوفي اشلون واجهوهها اكيد انجحوا ولازم تثقين انه مو بس انتي
ثالث فكره ظروفج ما تتغير الا لما تتغيرين انتي حبي الحياة
رابع شيء والاهم خلي ظنج بربج حسن وراح تسعدين

 

[granted]

انا اسفه بس شخباااااااااااااري هالتفكير
الي تروح عيادة نفسية مو صاحية@@
وانتي اذا تسمعين كلام الناس ترى اهو سبب الاكتئاب
لان حجي الناس اكبر سبب للامراض النفسيه اهم يصدرون امراضهم للي حواليهم
حطي الناس وحجيهم ورى ظهرج وروحي عيادة نفسيه من صجج تحاتين الناس شبيقولون
وانتي بعد مو لازم تسوين اعلان بالجريدة انج بتراجعين عيادة نفسية
وممكن بالعيادة تعطينهم الاسم بدون العايلة لو كان الموضوع فارق وياج وايد

الله وياج حبيبتي

 

[know thyself]

الطب النفسي ضرورة مو عاااار ولا هو عيب
النفس تمرض حالها حال كل شي بالدنيا
بعدين من العرف والاعراف ان المريض يتعالج مهما كان مرضه..... صح ولا لا؟؟
وتدرين اشلون.....
.......
لا تقولين لحد.............
خليه سرررررررررر...............حاله حال عمليات التجميل الكل يسوي ويقول ما سوينا ولا رحنا ولا ندل عيادات التجميل... لوووول....
خليج مع اي دكتور مختص بالارشاد النفسي مو العلاج الي يعطي فيه ادوية.......
ديري بالج معظم الادوية تسبب الادمان وزيادة كبيرة بالوزن توصل ٣ كيلو اكثر او اقل بالشهر وشكلج تدرين وهذا شي زين....
اما الشي الطبيعي والمجرب وبدون اضرار هو انج:
....... شكلج ما تاكلين اكل صحي يناسبج......
غيري اكلج وابتعدي عن السكريات والحلويات والقهوة والبيبسي واي شي فيه كافيين....
وابتعدي عن الوجبات السريعة.....
خليج علي العصاير والاكل الصحي...... هذا ماااا يحل المشكلة بس يساعدج وااااايد......
حاولي تونسين عمرج وتشغلين نفسج باشياء مفيدة......انتي وابداعج وميولج والي تحبينه ويكون مفيد....اكرر...مفيد..... وما يغضب الله سبحانه علشان البركة والرحمة.....
ثالث شي....
روحي عند اي صيدلية او اي محل من محلات المكملات الغذائية (نفس هيلث بلانت او جي ان سي) وطلبي عشبة القديس هي تاثيرها شوي بطيء بس فعاااال ان شالله....
واقري عنها اول بقوقل (st jone's wort) تكون علي طريقة كبسولات بمعدل حبة او حبتين باليوم اقري عنها اكثر افضل
والاهم تتبعين علاج سلوكي لتغير طريقة تفكيرج علشان تقدرين تتاقلمين نفسيا مع التحديات وبلاوي هالدنيا....الله يعينا عليها وعلي هالامتحان........
وحبيبتي الاهم ....
قوي ايمانج وحاولي تكون عقيدتج اقوي وعلاقتج بالله سبحانه احسن وحافظي علي صلاواتج لان احيانا لبعض الناس يكون الاكتئاب والبلاء عقاااب من الله سبحانه كتحذير علشان يخففون بتولعهم بالدنيا وزينتها ويردون يركزون ويشتغلون لاخرتهم.....
وحطي ببالك ان القدر بكل مصاعبه والي احنا لقصر علمنا نشوفه شر لنا........ هو خير لنا لاخرتنا ....مع ان نشوفه شر بشر......
وتري كلنا بالنموت وهالدنيا بالتزول .....واحنا ورانا حساب نحاتيه.....وجهنم وصراط راح نمشي عليه.....ماكو شي بهالدنيا يسوي عوااار القلب........الدنيا ما تسوي عند رب العالمين (جناااح بعوضة)......بكل ما فيها......
هونيها وتهون......
والله يشفيج ما تشوفين شر.....
واتمني ما ضيقت خلقج زيادة......
لوول......

 

[al-musk]

أنا مستغربة ان وصلنا لهلوقت وليلحين تعتبرون الطب النفسي عيب وعار ..!
النفس والروح مثل الجسد تتعب وتحتاج من يداويها..
أول شي كل مضادات الإكتئاب تسوي إعتماد بعد فترة معينة واذا هديتيها فجاة لها أعراض إنسحابية فأحسن الدكتور يوصفها لج والعيارات تكون مضبوطة ومتى مابغا يقللها شوي لج فيكون تحت إشرافه أحسن ( عط الخباز خبزه لو كلى نصه )

نصيحة والله عورتي قلبي .. روحي لأخصائي بعيداة خاصة بس يكون معروف ومضمون ولاتفتحين ملف اذا خايفه وتقدرين أصلا ماتعطين معلومات صريحة وهم يتقبلون هالشي وحتى تقدرين تشرطين عليهم وماعندهم مشكلة ..
وفكري فيها منو الهم راحتج وهدوئج الداخلي ولا الناس شنو تقول ؟ الناس كلها مايهمها اخر شي الا نفسها والتعب والألم محد يحسه غيرنا..
وصدقيني راح تستفيدين وتستقرين من داخلج وتطمئنين .. وتوكلي على ربج واي تجربة مؤلمة مريتي فيها إحتسبي الأجر فيها وربي بيعوضج خير .. وانها إبتلاء وراحت وعدت .. ضاعت الأيام الي طافت .. ليش تضيعين حاضرج ومستقبلج بظنون ..؟

وحتى مبدئيا تقدرين تروحين لإستشاري نفسي يقدر يريحج وحتى ماعنده صلاحية يكتب اي دوا بس الفكرة ان تطلعين اول السلم ..
أنصحج بمركز صلاح الراشد شوفي منو عندهم وسإلي وحاولي وأعتقد عنده دكتور ماذكر إسمه بس شي ماهر عمر او على نفس الوزن .. سالي اذا موجود عندهم ليلحين .. الكل يمدحه وحيل شاطر وهو استشاري مهارات وحل مشكلات وضغوط وحتى مايوصف ادوية ( لانه مو طبيب بشري ) وهم تقدرين تروحين لدكتور طارق الحبيب بمركز مطمئنة بالرياض الي يطلع بالmbc ويقولون ان بيبطل بالكويت مركز ..

المهم حاولي بكل الطرق ووقفو مع نفسج لأن محد بيساعدها غيرج ..

وطمنينا عنج

 

[miss.unique]

اقضوا حوائجكم بالكتمان

مالا داعي تقولين حق احد

نصيحتي حتى لو خذيتي حبوب .. قوي ثقتج بربج

 

[فوفه 82]

اختي اسال الله العظيم رب العرش العظيم ان يشفيكي
انصحج تسوين فحص عن المغنيسيوم وفيتامين ب١٢ لان اذا انقصوا بالجسم يسببون الاكتئاب انا رفيجتي صار معاها جذي .

 

[الله كرريم]

اب


الله يشرح صدرك وييسر امرج ويكتب لج السعاده ويزيح عنج الهم ،، انا وحده حاشتني كآبه وكنت بعيده عن الله بس لما التزمت بصلواتي الخمس ارتحت حيل
وتغيرت حالتي *