أبي منكم المساعده بسرعه لو سمحتو

[رشة مسك]

آنا ما عندي خادمه وبغيت أشتري جلاية صحون وغساله توماتيك منو جربيتهم وشنو الماركه الزينه لهم وعلى جم أسعارهم أرجو مساعدتي والرد علي ولكم الشششششششششكر

 

[ميمي الحلوه]

والله ما اعرف واايد

بس دايما توشيبا ماركتهاا حلوه بكل شي

عاد شوفي في توشيبا غساله خخخخخخخخخخخخخخخخخخ

 

[Pinky Dream]

انا شاريتها من الغانم ماركة acer يمكن ب160 والله ناسيه بس صج تريح للي ماعندها خدامه وتحطين الجدور الستيل والصحون والقلاصات والملاعق وصابونهم متوفر بكل مكان وسهله طريقة استعمالها بس لازم لها فلتر ومخرج للماي

 

[منارة الإيمان]

حبيبتى أنا عندي جلاية نوع lg جداااا ممتازة لها عندي 4 سنين وكنت شاريتها ب 130
وسويت بحث قبل لأشتريها وكان الكل يمدحها .. وفعلا ماندمت على شرائها ..

ونصيحة أخذي غسالة ونشافة 10 كيلو ماركة ميتاج الأمريكية جدا ممتازة وعملية وتعتبر الأولى فى المبيعات بأمريكا ..
وبالوفيق ..

 

[رشة مسك]

مشكورين حبايبي pinky ومنارة الإيمان جعله الله في ميزانكم بس غسالة ميتاج من أي شركة وين أحصلها وبالنسبه حق الحلايه لازم توصيل ولا بدون توصيل بالطوفه وينحط قيها جدور وكل شي ولا بس صحون وأي صابون ينحطلها وآسفه عالأسئله

 

[Pinky Dream]

الجلايه لازم توصيل كهربا وفلتر ماي ومخرج للماي يعني نفس الغساله
وصابونها كرتون فيه جياس صغار كل جيس فيه حبتين صغار صابون انا احط وحده بس تكفي
والجدور والمقلا اذا تيفال او ستان ستيل اي عادي