أبي منيو طلبات من الجمعيه .. بروح بعد شوي .. ذكروني ..

[النوري]

السلام ..

بنات أنا عندي مشكله دايم .. أروح مع زوجي الجمعيه .. وأشتري شغلات ب 20 دينار. .

وطبعا كلها ثلاجه . ..منضفات ما منضفات و صابون .. وكله على خالتي .. الله يخليها ويطور بعمرها. .

تخيلو 20 دينار بس أكل .. ولما نرجع يقولوي روحي طبخي العشا ..

أتوهق ما عندي شيء... ؟؟أسويه ..
أكون جايبه همبرجر وناسيه الصمون ..وهاكذا ..

ساعدوني .. بمنيو ..

بس بسرعه بنات ..

 

[ام غلا اخت سعود]

انا امشي على الرفوف رف رف

واخذ اغراضي ما اكتب منيو ولا شي اشوف شنو اللي ناقص واجيبه

 

[جكورة]

همبورجـــر - نقانق - نجــــت - صمـــــون - كاتشب - بطاط مجمـــد - جبن قلاص - جبن شرايــح - مرتديلا - كورن فليكس - حليب - قيمر -بيــــض - خس - طماط - خيار - شاورما أمريكانا - شيش طاووق - جبنه بيضـة - فطـــر- تونه - فووول - خبـــز - عصاير مشكلــــة - بسكووت - معكرونيـــة - لحم مفروم - دجاج خالي من العظـــم - نودلــز .... جني تعديـــت العشريـــن :eh_s(3):

 

[xxx]

هلا اختي

شوفي هالموضوع راح يفيدج ان شاءالله

http://www.q8yat.net/showthread.php?t=56068

 

[النوري]

يسلمو .. بنات ..

ذكرتيني جكوره بالمعكرونه كل يوم أقول بشتري وأنساها ..

مرسي بكو .. قلبي. .

روز سالفة ؟إني ألف عالرفوف وأشوف هي اللي متعبتني .. ما أكمل أغراض طبخه كامله ..

بنت الكويت مرسي قلبي

 

[مشغوله و محتاسه]

انا لما ادش الجمعيه ... اتخيل العشا شنو ممكن اسوي ؟؟ مثلا صينية توست بالدياي ... اروح اخذ مكوناتها ... و طبعا قبلها لازم اجيك على المطبخ شنو ناقصه من اساسيات .. بهارات و زيت ...الخ


التوست من الاساسيات ... للريوق و العشا ...
جكوره ماا خلت شي تقريبا بس لا تنسين اللمسات الاخيره للاطباق .. يعني صلصات السلطه ... كريمة كي دي دي ... جبن مبشور و زيتون مقطع للبيتزا ...



اما الفراره على الارفف ... فهي شر لا بد منه لان مرات تشوفين شي يديد ... او تتذكرين شي ناسيته

 

[جكورة]

حيــــاج الله وبالعافيـــة عليــج :eh_s(8):

 

[روزالكويت]

ياحلوج جكوره المنيو مالج يوفي ويكفي
انا بعد مثلج قبل كنت انسا وايد واللحين اعتمد عالورقه..

 

[@ الرسامة @]

حطيلج مذكرة بكل سلعة تستعملينها
ولما تروحين الجمعية قبلها بيوم سوي جرد وبعدين لازم تكون معاج ورقة بالجمعية علشان ماتنسين

شي ثاني امشي رف رف وشوفي اللي تبين

 

[Brounzi_girlly]

آنا أزهب الورقة قبلها بيوم
مع التحية.................................

 

[بتبوتااا]

انا ازهب الورقه واكتب الي ابيه والي ناقص واروح واخمط بعد

 

[كويتيات]

اضافه على اللي قالوه البنات
لا تنسين روب وطحينه(هرده) عشان تسوين طحينه حق السلطات و المقبلات
واللبنه عندج لبنة بينار فضيعه انا اساسا ما اكل اللبنه بس هذي عجيبه اكلها غصب لانها تهبل
وجبل فيلادلفيا هم يمييييييييي
والمرتديلا والنقانق والصمون الصغار بريوش و توست و صمون هوت دوق
ولا تنسين الزيتون
والحلوم مع الزبده عجيـــــــــب
والبيض
مقليات نقست همبرجر
لا تنسين بعد الذره والورق عنب الجاهر معلب
في شي بالجمعيه بيديان معلب جاهر امبيييه حده فضيع مع خبر ايراني

اتوقع تعدى العشرين شوفي انا امي مخليتني دايما المسؤوله عن اغراض البيت اخذ معاي من 40 الى ال50 ويكفي كل شي اما 20 احس شويه

 

[كويتيات]

يااااااكبرها البدليه

جبل <<رايحه البر خخ
جبن***************************************************

 

[الوردة المكنونة]

انا اسجل بورقه كل شي
واذا نسيت شي اطرش الصبي الفرع يم البيت خطوتين